حسبى الله ونعم الوكيل

حاولت اهرب أنسى أطنش لكن واضح أن الالم ماده يوميه لا نستطيع الهروب منها0

مقتل جنديين مصريين على الحدود بنيران اسرائيليه*

بعد كام يوم مبارك يلتقى بأولمرت*

وبعد الضحك و العشاء طلعوا فى مؤتمر صحفى وأعلنوا تشكيل لجنه مشتركه لبحث الحادث0

قبليها بأسبوع وزير الداخليه الفلسطينى يصل الى مصر ولا يستقبله مسئول مصرى واحد ويذهب الى المطار فى تاكسى_والله فى تاكسى_حاجه تزعل مش كده0

حماس و فتح بيتخانقوا على وثيقة الاسرى ده يقول استفتاء وده يقول مفيش استفتاء*

أما الخبر اللى مش مهم هو استشهاد 15 فلسطيني وهم يتنزهون على أحد شواطىء غزه بنيران بارجه اسرائيليه0

هند على شاهدتها على التليفزيون بتبكى فوق جسد والدها الذى كان معها منذ دقائق

خبر عادى استشهاد الابرياء بقى شىء طبيعى نسينا الحزن عليهم نسينا الدره وأحمد ياسين نسينا الطفل فارس صاحب الصوره الشهيره وهو يلقى بالحجاره أمام دبابه اسرائيليه وتم استشهاده بعدها بأيام0

شريط الاخبار بيعدى قدام عينى كام واحد مات فى العراق استشهاد جمال ابو سمهدانه فى غزه 0

نسينا الغضب...جتتنا نحست...قلوبنا بقت حجر...مش عارف اوجه اللوم لمين ..لنفسى ..ولا لمين..العجز سيطر عليه لما شوفت صورة طفل لسه ما عاش أحلامه ميت واحنا بنتفرج عليهم على التليفزيون

مش عايز حد يسألنى أنت نزلت الكلام ده ليه ولا الصور دى ليه ولا حد يسألنى عايزنا نعمل أيه ولا يلومنى على الالم اللى هيحسه ولا أى حاجه تانيه علشان مش هعرف أقوله حاجه0

اللى أقدر عليه أنى أدعيلهم و أتمنى أن أستشهد مثلهم0

وحسبى الله ونعم الوكيل