دواير

بنلف فى دواير والدنيا تلف بينا

دايما ننتهى ... لمطرح ماابتدينا

طيور الفجر تايهة فى عتمة المدينة

بتدور .....

....

مابنكتبشى الرسايل مابننتظرشى رن

لا حد فى يوم سمعنا...ولا بنسمع حد

طيور العمر تايهة فى عتمة المدينة

بتدور .....

...

ساكنين فى عالم يعشق الخطر

فيه الطيور تهرب من الشجر

وتهرب النجوم من القمر ... وتهرب الوجوه من الصور

...

بنلف فى دواير ندور عالامان

ونلاقينا رجعنا تانى لنفس المكان

ندور .. ندور .. ندور...

...

نحلم ...ونحلم ... بالحياة المفرحة

واتارى احلامنا بلا اجنحة ... بلا اجنحة

...

ندور .... ندور ... ندور ... بجناح حزين مكسور

ساعات نشوف فى العتمة .. وساعات نتوه فى النور

ساعات عيوننا بالاسى تفرح ... وساعات فى ساعة الفرح منوحة ...

...

دى كلمات اغنية دواير من فيلم اوقات فراغ

وانا باسمع الاغنية دى حسيت بكل كلمة فيها

كلمات فيها معانى كتير قوى وبجد بتدخلك فى حالة كده وانت بتسمعها ماعرفش ايه هيا بالظبط بس فعلا عبد الرحمن الابنودى ابدع فيها بطريقة وهمية وصوت مروان خورى كمل الوصفة وفى الاخر طلعت كده

انا حطيت اللينك بتاعها هنا خشوا نزلوها استمتعوا وقولولى ايه رايكم ؟!!!

http://www.l3ionak.com/mp3/songs.asp?Albumid=267&ArtistID=187