بالنسبه لإن اليومين دول عيد بأه و كده و بما إن الواحد حاسس ببعض الاسهال الفكرى-إن صح التعبير-فبعد إذنكم أحب أحكى كلمتين عن كلمة متكاظى مضمونها .. ومحتواها ..و رمزيتها.... وتاريخها..و.و..وآ آ آ ...كده يعنى
متكاظى
كلمه أعجميه
من قديم الزمان
لا ليها م الاعراب محل
ولا عنوان
لا فى المعجم الوجيز
ولا فى أى مكان
حكايتها من زمان
مجموعه من بنى الإنسان
قال عنهم قدماؤنا
إن مرضهم خطير
مش معدى
بس مصايبه كتير
وكانوا قليلين
فأجمعوا فى النهايه
يسيبوهم عايشين
لانهم مسالمين
منظرهم يوحى بالأمان
ميه هم كانوا
و ليهم زعيم كمان
إسمه هو (كا) و أبوه إسمه (ظى) و
سموا المرضى على إسمه
وبقوا كلهم (كا-ظى)
شافهم فرعون فى مره
و هو بموكبه معدى
فقال دول مستحيل
يكونو من شعبى
كانوا واقفين
متجمعين
حوالين أول مسله فى التاريخ ..
مبهورين
برمزية الأثر الثمين
سأل عليهم فرعوننا الغازى
قالوله
دول ميت - كا - ظى
شلة مرضانين
تعبانين
هايمين
عن الحياه زاهلين
لا صاحيين ولا نايمين
مش عارفين
هم رايحين واللا جايين؟؟
قاعدين واللا ماشيين؟؟
عايشين من بره آه
بس من جوه
تحسهم متقطعين
قعد -برهبه-فرعون يسمع
أعراض المرض المشين
وفى النهايه
صرخ وقال
يالهوى يالهوى
أكيد دول ملعونين
من بلادنا مشوهم
وبراها اطردوهم
وفعلا
طاردوهم
سامعك بتسأل..
طردوهم؟؟
مسكوهم؟؟
أقوللك ده برضه سؤال
يتقال عن خيرة الرجال
يا راجل دول متكاظين
ديلهم فى سنانهم
وقاموا فاكين
وفى بلادنا
قعدوا مستخبيين
حتى قرننا هذا
الواحد والعشرين
قررنا -نحن- نظهر
ونعيد مجدنا القديم
ونبنى المسله بتاعتنا
وهى دى حكايتنا
حكاية المتكاظين
لكل السائلين
بس يا جماعه ودى كل الحكايه...وشاكرين مهللين
وبس خلاص
23 ليف يور كومنت هير بليز:
يا فاجر
افضل تعريف حد عمله للمكاظية
المارد سمسم طلع من القمقم يا رجالة
يا فاجر .., يا فاجر يا فاجر
ايه الحلاوة دى يا بنى
وبالنسبة لرمزية المسلة يا اسامة فهيا علامة معروفة من قديم الزمان .., ويتميز بيها المتكاظين عن غيرهم .., وتقاس قدرة المتكاظى على حسب نوع المسلة .., ولينا فى موضوع المسلة ده كلام .. :D
بس يا سيدى بقى .., هرب الميت كاظين من الفرعون .., ويوم مطلعو .., طلعو لفرعون تانى .., بس المرة دى بقى مش ناويين يجرو ..
لأه .., دول ناويين يعملو بلوج منحوت على المسلات المتكاظية .., يجرسو فيه فرعون هذا الزمان ..
وبما ان العرق المتكاظى بينقح عليهم .., فهما مش هيرتاحو غير لما تنتشر مكاظيتهم .., ويبقى الكل متكاظى ..
وللحديث بقية .., يا عم البلوجرية
جميلة جداً حصة التاريخ دى للتعريف بالتاريخ المتكاظية فى الدول العربية و خاصة مصر
و التى أهتمت بوجود هذا النوع من قديم الزمان
هو الفرعون كان فى الاسرة الكام؟
أحلى حكاية سمعتها بعد حكاية بنت اسمها تررم بصراحة
أيوه كده... الواحد كان حاسس انه بلا تاريخ
:)
الله يرحمك يا جدو كا-ظي
إلا هو ما بناش لنفسه هرم زلط حتى ليه يا سوول؟
أعتقد إن السبب هو رئاسة الحي... كان فيها موظف وقتها كان اسمه مر-شي... كان عاوزله قرشين فرعوني
zordeak
صبح صبح يا عم الحج
شفتنى
لا ولسه ده أنا بفكر أعمل معلقات عن المكاظيه
بلاش الكلام عن المسله يا فؤش وحياة والدك لحسن الموضوع ده حساس وبيوجعنى
ماانت عارف
اما فرعوننا الجديد....فده ليه عندنا
تظبيط
بالعبيط
ويسمع من بقك ربنا
احنا فديك الساعه لما كل الناس تنتهج المكاظيه
تسلم يا مان
ـــــــــــــــــــــــــــــ
احمد بلال
وده برده سؤال
كل أسره ليها فرعون
أمال
ده احنا بلدنا يا مان
شارباه من زمان
ياللا بقى يا عم احمد ايدك معانا فى المسلات....مش عايزنها مسله واحده
عايزين نرشقله مسلات مكاظيه فى البلد
خليه يدوق بقى شويه
طعم المسلات
ــــــــــــــــــــــــــــ
moro
مش كده يا بنى
ده انا كنت حاسس ان انا يتيم
مش عارف ليه والله
مع ان الموضوع مش محتاج أكتر من ألفين تلات تلاف سنه
وبعدين يا راجل حتى لو كان فى موظف مر-شى دى حاجه برده تقف على كا-ظى
أنا سمعت-العهده على الراوى- إن جدو كا-ظى أستخسر يضيع وقت يبنى فيه هرم ويقللد العالم الغريبه اللى اسمهم الفراعنه
فقال يسيب حاجه يعلم بيها البشريه..
ويعلم عليها كمان
فبنى المسلات
جد متكاظى صحيح
حلو
انا كنت حيرا ن فى اسم المدونه
تحيا تى
انت احد صناع التاريخ
انت حامل شعلة المتكاظين
انت الجامد جدا
ايه يا عم الحلاوه دى
نيابة عن الهيئه العليا للمكاظيه
نمنحك وسام المتكاظين من الدرجه الاولى
وهنبنيلك مسله بس حديد
ليك لوحدك
زييط يا عم
بيب بيب جدو كاظى
يا يعيش
جميلة اوى...بجد ...
يااااااااااااااااسلام بقي هو دة
شوف ازاي
بس تصدق يا ابني انت في الجون والله
ممكن ابقي اخدلي مسلة الف بيها علي العالم واكسبك فلوس اصلها اثرية من ايام جدي كا- ظي فالناس لها هتبقي عايزة تحطها في المتاحف
بس تصدق جامد التعريف اوي
بس الواحد يبقي حلو اوي لو بقي متكاظي
ونعمل اشتراكات بقي للي عايز يشترك
خلاص انا الحق عليا الي عايزة مصلحتك
هكسبك فلوس
بس بجد
الله ينور عليك
ايييييييييه
انت بتقول ايييييه
يا مصيبتي
انا الأعراض دي عندي وعند اخخواتي وجراني وصحابي
هو المرض ده انتشر ولا ايه
هههههههههه جبتها منين متكاظين دي
عموما أنا متكاظية تايهة
مامي مامي تعالي خديني يا مامي انا باعيط يا مامي
القادم من الريف
نورت البلوج يا فندم
ـــــــــــــــــــــــــــــ
metkazy
يا بييييييييه
ده احنا غلابه
هيه
هيه
وسام
الا يعنى..هو انا دلوقتى رتبتى إيه فى المكاظيه يا معلمى
وكمان مسله حديد
ولوحدى
طب ممكن استانلستيل
عشان متصديش بس
:D
ـــــــــــــــــــــــــــــ
elghazaly
تسلم يا جميل
ده احنا اى خدمه..انا يهمنى إنك تنباساط
:)
ـــــــــــــــــــــــــــــ
smraa alnil
أمال إيه يا أمى ده إحنا تاريخ
وبعدين إيدى على كتفك يا ستى على الاقل نسترزق ... وفيفتشى فيفتشى
ماشى
معلش بأه..ملياش فى الطيب نصيب
نورتينى
ــــــــــــــــــــــــــــ
واحد من الناس
لا لا لا
أنا عايزك ثابت كده
منتاش أول واحد ولا آخر واحد
هو صحيح المرض مفيش منه علاج
ولا رجا
بس و إيه يعنى
إعمل بنصيحة (أمل دنقل) حين قال..
ليس سوى أن تريد
أنت فارس هذا الزمان الوحيد
وسواك المسوخ
قال يعنى
وبعدين برضه هقول تانى وتالت ورابع
إنت فاكر إن إحنا بس اللى آ..آ..آآ كده
لاااااااااا
ده احنا كتيييير قوى
خشى يابنى تحت لواء اللقب
خش متيأسش
ــــــــــــــــــــــــــــ
جبهة التهييس الشعبيه
جبتها من عند البقال
هأ هأ هأ
متقلقيش لو إنتى متكاظيه صحيح
هتعرفى سكتك لوحدك
إتبعى نهج معلمى..(باولو كويلهو) حين قال...إتبع العلامات
ومن هنا أحب أوجهله كلمه على نصيحته الوهميه دى
الله يخرب بيتك زى مخربت بيتى
ـــــــــــــــــــــــــ
بس خلاص
أيوة أيوة
ده خرب بيتي انا كمان
اوعى تتبع العلامات اوعى
اوعى تقرب اوعى تفوت اوعى تيجي احسن ح تموت
انت عارف
احسن حاجة تعمل ايه
ثابت مكانك يا عسكرىىىىىىىىىىىى
ياريتني فضلت ثابتة مكاني يا عسكري
اسمع يابني
وانت قد ابني برضه عشان انا اكبر منك باتناشر سنة الا شهر
انا فضلت اتبع العلامات
لو عايز تعرف عملت فيا ايه
تعالى زور المدونة
وبعدين اجري باسرع ما عندك
هى قصه كويسه جدا تنم عن فكر وخيال ...........
لكن يبقى السؤال مطروح !
"يعنى ايه متكاظى؟"
جبهة التهييس الشعبيه
لا أصل الدور ماشى عالكل
هنتبع العلامات
يعنى هنتبع العلامات
مكاظيه بأه
وعلى فكره موضوع السن ده مبيفرقش
المتكاظيين واخدين روح جدو كا-ظى الكبير محدش فيهم تحسيه أكبر من التانى
آه هم بياخدوا سكك مختلفه بس النهايه واحده
نجيلك ياسلام
بس الشاى عليكى
:)
برده مش مفاهمه
لا صدمتينى
مش فاهمه يعنى إيه متكاظين
هم المجموعه الشارده اللى فى البوست اللى فات
مش ممكن يا جدعان ده فعل أثرى
الله أكبر
ظهر الحق
بزمتك مية وأسمه كا وأبوه كاظى
ده أنا اتضح انى جاهله بقا
أنا فكرتها كلمه أبيحه
طلعت تاريخ
ولها حضارة وأصول
بجد لو عملتوا نقابه
أنا عاوزه أشترك
بس يا ريت الأشتراك ميكونش قرش حشيش
aoossa
ياراجل
هى فى بعض الاحيان ليها مغزى أبيح أنا منكرش
بس المجمل ...تااااارييييخ
إنتى عارفه ... أنا بفكر أناقش وزير التعليم يحطها مع المنهج .... و اهو بجملة العك
بالنسبه للنقابه فهى صوريه ملهاش تسجيل ... أما العضويه فدى معلش مفيهاش وسايط ولا مجاملات
المتكاظى بأفعاله
شعارنا هو
إدينى مكاظيه .. أديك العضويه
نورتينا
حقيقى يا سمسم .. جدو كا-ظى كان عظيم
بس احنا غير جدو .. احنا محتاجين ننفخ عضلاتنا حبتين
بس كويس المسلة دى .. حقيقى بتعبر عننا .. انت فاهمنى طبعا
جدو كا ظى عظيم؟؟؟
يانهار ابيض...ده سؤال
عظيم إيه و نيلة إيه
الله يسامحه علم علينا
ياللا مش مهم
مستنى منك بوستات بقى
حمد لله على السلامه
:)
السلام عليكم
الله عليك
معانا بس وتش
انا متأكدة إن كاظى ده له علاقة بكاميكاز افندى حبيب الملايين اللى مشرف عندى فى المدونة
احتمال يبقى ابن اخته ولا حاجة
ايييييييه دنيااااااا
Shof Ana metkazy men ad eah bas awel mara a3raf el tare7` el gamed dah awey awey
Shokran ya o2sa web2a fakarny a3ayenak kabeer mo2are7`een el metkazeen
Post a Comment