Cabinet no.
كابينه تلاته ليس لها وجود مادي ملموس... ولا تشغل حيزا ثابتا من الفراغ ... أحيانا هي شُرفة (للي ساقطين عربي :بلكونه يعني) ...أو سيارة صديق مركونة تطلب منه مفاتيحها في أحيان أخرى... هي (احم) دورة مياه... حتى الشبه قريب بين (كابينه) و (كابينيه
....أحيانا ممكن تحت البطانية.. فوق السطوح..تحت السلم.. شارع هادي..أو
أترك الباقي لخيالكم أو قدرتكم على المراوغة
فقط حين تلاحظ أحدهم أو إحداهن ينسحب منتحيا بهاتفه المحمول بعد اسكات الجرس دون أن يـ (كانسيل) على المتصل...لا بد و أن يكون متجها إلى أو يبحث عن أقرب كابينه تلاته... فتوخى الحذر... أو ساعده في العثور عليها فورا
و من كابينه تلاته نأتيكم بهذه الفقرة الترفيهية المجمعة
-----------------------
هاشوفك امتى!؟ =
طيب بصي وراكي كده +
------------------------
انت بطلت تحبني زي الأول =
!يا بنت الحلال أنا لسه عارفك امبارح +
-------------------------
يااااه يا سوسو..ماتتصوريش يا سوسو أد ايه يا سوسو بحبك +
!على فكرة... أنا زيزي =
--------------------------
و أخبار الشغل ايه؟ =
يااااااه...فكرتيني ورايا شغل كتيييير ولازم أقفل معاكي +
--------------------------
احنا مش قلنا تخلي بالك من لبسك شوية!؟ +
يا عم كبر.. انت هاتطلع أجدع من بابا =
--------------------------
يووه بأه... أعمل ايه؟..ما انت عارف ماما ): =
! أقوللك على حل...اتجوزي ابن خالتك...و وشـَـرَفـِـي لأعملك زفة على حسابي +
--------------------------
أي مكان صحرا ان كان أو بستان يبقى أمان... المهم نكون سوا... نخلف ولد و بنت... نسميهم تامر و شيرين.. هاهاها....و ترجع م الشغل تلاقي مراتك حبيبتك عاملالك كل الأكل اللي نفسك فيه
احم... نخلف!؟... انتي راسمه على جواز!؟ +
--------------------------
بتعملي ايه؟...بتاكلي؟؟..و بتاكلي ايه؟؟ ...بلحمة وللا بفراخ؟؟...طب سيبيلي شوية...نيهيهيهيهي...و لما هاتخلصي هاتعملي ايه؟؟ تشربي؟؟...تشربي ايه؟؟...طيب ابقي سيبيليي شوية... نيهيهيهيهيهي... و هاتحلي بإيه؟؟... مقطعة وللا عصير... طب ماتسيبيليش عشان ما بحبهاش... نيييهيهيهيهيهيهي.
--------------------------
ايه اللي حصل.. سكتتي ليه... حد جنبك؟ +
يا نهار ألوان... بااابااا.. انت هنا من امتى؟ =
Call Ended توت توت توت.
كنتم مع كابينه تلاته
moro
19 ليف يور كومنت هير بليز:
انا أول الرجال هنا
طبعا .... تيجو تعلمو على أهلى و بعدين تسيحولى علنا
الله يسامحك
:p
جامده فحت يا عموور والله
و بالذات الشاب اللزج بتاع بتاكلى ايييه ... اتخنقت من اهله
مسخره
تقدم يا واد
ههههههههههه
انا حسيت بغبائي اووووووي
انا مش فاهمة حاجة
بس عجبني اوي
خصوصا
احم انتي ناوية علي جواز دي
والبت يا عيني فرحانة
ههههههههههههه
حرام عليك انا عندي كحه بتزيد بالضحك واديني بقالي نص ساعه بكح ومش عارفه ابطل ضحك
ههههههههههههههههههههههههههههههه
قال باااباا قال اه يا مقصوفة الرقبة
الواد بتاع بتاكلي ايه دا خنيق اوي عايز سكع السماعه في وشه صراحة
ابداعاتك في الموضوع دا كتير يا باشمهندز
بس جاااااااااامده
soul:
ليه كده بس يا سمسم... احنا لينا بركه الا انت
نيهيهيهيهي
واضح ان الشاب اللزج ده محقق أعلى ايرادات
Captin /samraa:
الحكاية بسيطة خالص يا انجي... هي قصة ان لما واحد بيتزنق في تليفون بنقوله... خش كابينه تلاته.. من باب التريقه يعني.. من هنا اشتهرت التسمية
انا بس حبيت أحط تعريف علمي للمصطلح أسوق الأمثلة التوضيحية عليه...سلام بأه لأحسن قلبت حصة لغة عربية
غواصة
سلامتك ... و ربنا يسامحني.. أنا قاصد خير.. قاصد أبسطكم.. مش أطلع روحكم
وحياتك عايز بونيه أو قلمين على اصداغه
هههههههه
:D
تصدق صح
كلنا عندنا كابينة تلاتة دى
والسيناريوهات دى كمان موجودة
;)
بس انا لسه مش فاهمة يعنى ايه بنتكاظى دى
ومش فاهمه هو انت واحد ولا اتنين
:)
تحياتى
احم احم هى اشمعنى يعنى سمتوها كبينه تلاته
مش عارفه اقولك
بس ربنا يشفى الجميع
:)
يا ميت مسا
ايه يا واد ده اعزك في الواقعية
ايه الجمودية دي
طبعا انا مش ها علق
أكتر من كدا
نيهيهيهيهيههي
maro:
مكاظية... تقدري تعرفي تعريفها الأخير من أرشيف شهر يناير
أما موضوع أنا واحد وللا اتنين فإحنا كتييير
إحنا دستة بالصلاة ع النبي
تقدري تعرفينا من
posted by
اللي تحت كل بوست
توهــة
ليه بس كده؟
هي اتـُـفق على تسميتها كده
و عموما ربنا يشفينا جميعا... حاسس في كلامك بالتهكم
مش عارف بأه
ميليجي
و انا مش محتاج أرد برضه
:P
انا حاسة نفس احساس سمراء النيل
ههههههههههههههههه
بس موقف يضحك
بس هي اكيد راسمة على جواز
امال حترسم على علبة بيبسي كانز
ارق تحياتي لك
حلوة يا عموور
نيههىهىهىهىهىهى
بس اجمد حتة بتاعة الواد الخنييق ده
نيهيهيهيهيهى
بس مش واخد بالك يا مان انك بتسيح لناس كتيير كده
:p
نيهيهيهيهيهى
هههههههههههههههه
سلام
جميلة أوي
بس هو انت مجرب الحركات دي ولا ايه؟؟؟
7lwa awi ya zemos
bs eshm3na 3 y3ni?
bs 3la fkra eb2o ektbo 3al blog da mamno3 d5ol el kebar 3shan e7na kda hntbhdl 3shan el tsye7 gamd gdn
bs we7yat abok ya ragel eza 2ablt el sh5s el sameg bta3 btakli eh da eb2a slmli 3leh awi
zordeak
و آدي كمان تصويت للشاب اللزج الخنيق
مش عيب نسيح.. مدام بالذوق و الأدب.... العيب نسكت من باب الذوق و الأدب
واحدة غريبه
ما غريب إلا الشيطان.. بيتك و مطرحك
أنا شخصيا.. مجربتش ولا ديالوج من دول... أنا أصلا ماليش حوارت على موبايل أو انترنت... حاجة من اتنين... يا معقد... يا ربنا بيحبني و محضرلي الخير بعدين
lolo
تلاته... معرفش... يمكن عشان الوزن و الجرس الموسيقي ... كابينه تلاته... زي هاكوونا ماطاطا كده يمكن؟!؟!؟
ماتخافيش محدش م الكبار هايفهم حاجة
أنا يا جماعة سعيد جدا بنجاح شخصية الشاب اللزج... كرهكم ليها دليل نجاحها.... يمكن نفكر كده أنا و الإخوة الزملاء في البلوج و أعملله مسلسل
نييييههيهيهيهيهيهي
جامدة موووت
خصوصا بتاعة سوسو والأخت اللى راسمة على جواز
تحياتى
عجبتنى اول واحدة قوى
هشوفك امتى؟؟؟
بصى وراكى كدة
حلوة
وعجبتنى كمان بتاعة الولد اللى بياكل على التليفون.. بس هى مش غتاتة .. انا حاساها مشاركة موووووت .. يعنى كأنه كدة معاها ثانية بثانية
لذيذ ودمه خفيف موت البوست يا مورو
انا كمان كده مستنية ان ربنا يجيبلي كل الخير في مكانه الصح
بس باين عليا هاستنى كتير ههههههه
Post a Comment