حلم من أحلام فترة الأكتئاب

واقف لوحدك بتبص يمين وشمال ومافي حد..كأن الكون بقي ليك انت وبس

مش غريب ساعات كتير بتحس كده حتي لو وسط الناس بتكون

لكن الغريب كان تحت رجليك

الارض كانت إزاز شفاف..تحس انه رقيق ومن المشي عليه تخاف

مع انه بيقولك انا اصلب من الحديد ماتخاف

تحت الإزاز يا خيي في ناس...كل واحد في حاله محتاس

تقعد تزعق وتشاور ومحدش يرفع الراس

"خدنا ايه من اللي فوق "كلمة ودايرة في كل راس

تقعد تدور علي فتحة تنزل متلقاش

لا انت وسطهم ولا هما حتي حاسين بيك يا غلبان

علي الإزاز تدب برجليك تعبان

تسمع صوت شرخ بيبتدي بس لسه جبان

تدب تاني يبتدي الشرخ يبان

مع كل دبة الشرخ يزيد ويقرب المسافات

بس يمر الزمن ولسه الدب شغال

صحيح الشرخ بيزيد لكن الكسر باين عليه

لسه زمان