Tuesday, October 24, 2006

عيد سعيد


عيد سعيد علينا كلنا
ليلة العيد

ليلة ليها طعم مختلف وكمية ذكريات مالهاش اول من اخر

ذكريات الطفولة لما كنا بنعمل الكحك والبسكوت ونتفنن فى تزويقهم

ونبقى فرحانين لما نشوف نتيجة عمايلنا

ونزولنا الصبح بدرى واحنا طايرين من الفرحة عشان رايحين نصلى العيد واحنا لابسين لبسنا الجديد وبعد الصلاة اللعب واكل الكحك وزيارات الاهل والقرايب والعيدية

يااااااااااااااااااااااااااااااا ه

كانت ايام حلوة ايام الطفولة

دلوقتى العيد مابقاش ليه نفس الطعم ولانفس الزهوة

بس برضة لسه عيد


نقضى ليلة العيد بقى مع ام كلثوم وياليلة العيد انستينا وجددتى الامل فينا
ويارب يكون عيد سعيد على الكل
نزلوا الاغنية من هنا

13 ليف يور كومنت هير بليز:

مفلس افندى الرايق said...

عيد مبارك عليك يا زعيم
كل سنه وانت طيب
تحياتى

يا مصر اكتب إليكي رسائلي said...

اتشرف أن اتقدم بخالص التهاني وأطيب التمنيات بمناسبة عيد الفطر المبارك اعاده الله علينا وعليكم بالخير واليمن والبركات ... وكل عام وانتي والأسرة الكريمة بخير.

Carmen said...

مفلس افندى الرايق

عيد سعيد علينا كلنا

وكل سنة وانت طيب

بس هيا وانتى طيبة مش انت


يا مصر اكتب اليكى رسائلى


وانت بخير والف صحة

Anonymous said...

Happy Aid
Thanks for the song
It brings all the good old time
Love to Egypt
Ali
leew27st@yahoo.com

Carmen said...

ali usa

welcome in our blog & happy eid

i'm so glad that i could bring all the good old times of egypt to u

مصطفى اسماعيل

كل عام وانت بخير ويارب كل العالم يبقى بخير زى مانت بتتمنى

zemos said...

(^_^)
العيد هو هو ماتأثرش كتير باللي حاصل في دنيتنا... ما كل زمن و لُه بلاويه ... و الدليل العيال اللي في الشارع بتفرقع بمب و صواريخ و لابسه جديد و بيضربوا بعض بمسدسات الخرز و قالبين الدنيا بهيصتهم
اللي حصل اننا كبرنا.. و دا مش عيب.. الرك على اللي يستوعب إن كل مرحلة و ليها اسلوبها في الاستمتاع
احنا في ثانوي كنا لازم نذاكر بمزاجك وللا غصب عنك.. القاعدة المسلم بيها بتقول كده.. و لما طلعنا الجامعة بقت العملية على كييييييف كيفك ....تذاكر ماتذاكرش براحتك.. انت المسئول عن قرارك... كذلك الحياة لما كبرنا... عايز تعيش حلو براحتك... عايز تقلبها كحلي... برضه براحتك... بس انت اللي هاتشيل لوحدك
خلينا نعيش كويس.. و في نفس الوقت نعمل لآخرتنا
كل سنة و احنا كلنا أقرب لربنا

يا ريت تزوروني في المطرح اللي أخدته جديد
http://studio-moro.blogspot.com/

tamer afify said...

كل سنه وانتو طيبين
احنا اللي بنخلي للعيد طعم وريحة

يارب عيد سعيد عليكو

saso said...

كل سنة وانتي طيبة يا كارمن
وكل سنة وانتوا كلكم طيبين

Unknown said...

كل سنه وانتوا متكاظين

و منورين الدنيا

يا اجمل بنى آدمين

باى علشان هاكل الكعك

No Fear said...

كل سنة وأنت طيبة
فعلا أنا للأسف مبقتيش أحس بالعيد خالص و كنت متخيل إن أنا لوحدي اللي عندي الموضوع ده لكن أتضح و الحمد لله أنه مش مرض عندي في ناس كتير بتقولي بردوا الكلام ده
بس علي العموم
كل سنة و الناس كلها بخير

zordeak said...

كل سنة وانتو واحنا طيبين
عيد سعيد علينا كلنا


ويا كارمن تشكرى عالاغنية الجامدة دى


كل سنة وانتى طيبة

Carmen said...

moro

كل سنة وانت طيب

وعندك حق احنا اللى بايدينا نقدر نستمتع ونحس بالعيد او مانقدرش


tamer afify


عيد سعيد عليك
واهلا بيك فى مدونتنا

saso

وانتى طيبة ياقمر


metkazy

وانت طيب


بس اللى ياكل الكعك لوحده ...........

احنا عايزين نصيبنا


no fear


كل سنة وانت طيب

وهو مش مرض ولا حاجة اننا معدناش حاسيين بطعم للعيد

هيا يمكن مشاغل الحياة وزحمتها

عموما احنا فى العيد انسى ده كله وكل
الكعك


zordeak

كل سنة واحنا كلنا طيبين

وعلى طول مع بعض متجمعين

واى خدمة

مظبطاكوا اهه

Anonymous said...

كل سنة وانتو واحنا طيبين
عيد سعيد علينا كلنا

Post a Comment