الكنج لما حكى الحدوته

ما رضاش يخاصم القمر سماه
ما رضاش تدوس البشر بعضها
ما رضاش يموت جوه قلبي نداه
ما رضاش تهاجر الجذور أرضها
مارضاش قلبي جواي يغنى
لاجراس تدق لصرخة ميلاد
تموت حته منى
لاجراس تعلن نهاية بشر من العباد
دى الحكمة قتلتني...
و حيتني..
و خلتني..
أغوص في قلب السر
قلب الكون
قبل الطوفان ما بجي
خلتني أخاف عليكى يا مصر
وأحكيلك على المكنون
مين اللي عاقل فينا مين مجنون؟
مين اللي مذبوح من الألم؟
مين اللي ظالم فينا ؟مين مظلوم؟
مين اللي ما يعرفش غير كلمة نعم؟
مين اللى محنيلك خضار؟
الفلاحين غلابة
مين اللى محنيلك عمار؟
عمالك الطيابه
مين اللى بيبع الضمير و يشترى بيه الدمار؟
مين هو صاحب المسألة و المشكلة والحكاية و القلم؟
رأيت كل شئ وتعبت على الحقيقة
قابلت في الطريق عيون كتير بريئة
أعرف بشر
عرفونى لا..ما عرفونيش
قبلوني و قبلتهم
بمد أيدي لك
طب ليه ما تقبلنيش؟؟
لا يهمني أسمك
لا يهمنى عنوانك
لا يهمنى لونك
ولا ميلادك ولا مكانك
يهمني الإنسان ولو مالوش عنوان
يا ناس يا ناس هي دى الحدوته
حدوته مصريه
حدوته مصريه

نزل من هنا