Wednesday, October 11, 2006

ليلة واحدة

تحديث
ان أردتها قصه رومانسيه اقرأ الجزء المكتوب بالأصفر
ان أردتها قصه واقعيه صادمه اقرأها بالجزء البنفسجى
حتى لا أتهم بالسوداويه.....بالذمه فى حريه أكتر من كده
ــــــــــــــــــــــــــــــــــــــــــــــــــــــــــــــــــــــــــــــــــــــــــ
*
في بهو الفندق الفخم كانت الرؤية الثانيه0
*
عندما وصلت إلى الاسكندر يه في إحدى ليالي يناير الممطرة لم أكن أعلم بعد ما أنوي فعله ...كان هروبا وبعدا...راقبت الشوارع الخاوية في تلك الساعة المتأخرة من الليل عبر نافذة الفندق المتواضع....رأيت الأمواج العنيفة والسماء الرمادية المليئة بسحب مكتنزة تعد بمزيد من الأمطار ومزيدا من هروب البشر0
*
كان الخروج في مثل هذا الوقت مغامرة أردت أن أخوضها
جملة صديقي ترن في أذني( إذا لم تجرب ...لن تشعر..ولن تكتب...ولن تأكل عيشا)0
وكانت جملتي تتردد على شفتي ( وهل على لأكتب عن الموت..أن أموت؟؟)0
*
ارتديت قدر من الملابس الثقيلة ....شنقت نفسي بكوفية من الصوف و اجتزت بوابة الفندق إلى وحشة الشارع الخالي...اتجهت إلى الكورنيش ...أعمدة الإضاءة تتثاءب و الوحشة تزداد0
لم أكن مدخنا ولم أسعد في يوم برائحة سجائر تصل إلى صدري ..أخرجت من معطفي علبة السجائر التي ابتعتها صباحا ..أشعلت واحدة وحميتها بيدي من الأمطار ..لم أدخنها....راقبت احتراقها بين يدي فقط..أشعلت الواحدة تلو الأخرى وظللت أراقب...أصابتني لمحه من الدفء و خواطر من التأمل ...ومزيد من تخشب ملامح الوجه0
*
تحسست قدماي خطاها على الكتل الحجرية المتراصة على شاطئ البحر...شعرت أنها تتلاصق وتقترب من بعضها البعض أملا في الدفء...أخذت الحكمة من الأحجار و احتضنت كل يد الاخرى0
تقدمت في المسير...لم أدر ما المسافة التي قطعتها متذكرا أحداث مضت و آلام لازالت تؤرقني و أحلام لازالت تبقيني حيا0
لكن عند رؤيتها توقف التفكير وتوقف المطر المنهمر0
*
كانت جالسه على أحد الصخور ....تاركه شعرها المسترسل فريسة لهواء جائع يرسله إلى مناطق لا يعلم مداها إلا
الله...لم تكن ملتصقة في نفسها أملا في الدفء...كانت تنظر إلى البحر دون تردد أو ملل ...كانت تأخذ حكمتها من البحر
هكذا يكون الفرق دائما بين الرجل والمرأة( نحن نأخذ حكمتنا من الأحجار وهن يأخذن حكمتهن من البحار)رددتها في نفسى و ابتسمت0
*
توقفت عن السير ...أراقب ذات الرداء الأبيض...لم تلحظ وجودي بعد...تصارعت الاسئله في ذهني
هل هي فتاه حالمة تخوض التجربة مثلى؟
لا أعتقد بوجود معتوه غيري على سطح البسيطة
هل هي حورية البحر كما قالوا في أساطير الأجداد؟
صدمتني جدتي عندما أخبرتني أن كل حكاياتها لي وأنا طفل كانت محض خرافات0
هل هي إحدى بائعات الهوى؟
لم أعهد فتاة ليل تهتم بميتافيزيقا الطبيعة و الجلاء النفسى0
*
حركني حسي الغريزي الكامن كانسان كهف وجد أنثاه.....اقتربت منها ...حركت وجهها تجاهي كأنها تعلم بوجودي طوال الوقت الماضي ...رأيت وجهها الأبيض الخالي من المكياج ,المزين باحمرار جعله أكثر خجلا وبراءه....وجه هادئ القسمات, مريح الطله...وجه لم يصبه الفزع من وجود ذكر لا تعرفه في تلك الساعة المتأخرة من الليل إنما حل محله ابتسامه ساحره مرحبة قضت على آخر معقل للغريزة و أحيت أول معاقل الالفه والنقاء0
*
لا أعلم ما هي القوه التي جعلتني اجلس بالقرب منها0
رغم الظلام إلا أن نور وجهها أحاطنا بهالة أو كذلك تبين لى0

ـــأشعر أنك تتجمد
فاجئتني الجملة ..أنا الذي أحمل مصنعا من الصوف على جسدي أتجمد بينما ذات الرداء الأبيض الفضفاض لا تشعر بشىء0
ـــ أظنها الطبيعة..الرجل يشعر بالبرودة أكثر من المرأه0

ابتسمت ابتسامه توحي بأن تفسيري كان مضحكا أكثر منه مقنعا0
بدأت أتخذ وضع الدفاع والتحدث عن أن طبقات الدهن في المرأة أكثر سمكا لكنها لم تمهلنى0
ـــ أتريد شرب كوب شاي ساخن؟
لم تنتظر الرد ...أخرجت ترمس شاي من حقيبة جوارها وبدأت في صب الشاي الساخن في كوبين...تأملت الدخان المتصاعد...لم يكن هناك الوقت الكافي لتفسيرات منطقية عن تلك العلاقة الغريبة الناشئة وعن ذلك الإحساس بأنك تعرف الشخص الذي لم تتحدث معه سوى جملتين منذ زمن سحيق0
*
عاملتني كطفل وهى تعطيني الكوب الساخن راقبتني و أنا أحتسي الشاي ...فاجئتني بالسؤال
ــ أنت بتشرب سجائر؟
بدي عليها اللوم عند إلقاء السؤال...و كطفل يبرر لوالده رائحة السجائر التي شمها في ملابسه...حدثتها عن تأملي في الاحتراق البطيء للسيجارة الذي يشبه احتراق سنين العمر و كيف أن حرارتها ربما هي التي أبقت على أطرافي دون أن تسقط من الصقيع0
*
حدثتها عن كتاباتي ...فرحت عندما علمت أنني كاتب..عبرت لي عن ولعها بباولو كويلهو...شعرت بالغيرة...عبرت لها عن عشقي لأمل دنقل ...ألقت على قصيدة زرقاء اليمامة...اغرورقت عينانا بالدموع حين جاءت لحظة الملامسة...قصصت عليها مواقفي المضحكة و المخزية أحيانا أخرى...دمعت عينانا من كثرة الضحك...تحدثنا في السياسة...تحدثنا في الحب...مر وقت لم أشعر فيه بالبرودة قط0

ــ حان وقت الرحيل
ــ لم أعلم أسمك
ابتسمت ولاذت بالصمت..أكملت
ــ أريد رقم هاتفك
حافظت على ابتسامتها وسألت
ــ هل تؤمن بذكرى ليلة واحدة؟
علمت أنها لا تريد أكثر من ذلك...لا تريد أن تفسد جمال اللحظة وحلاوة الذكرى ...احترمت رغتها وقتلت رغبتى0
*
عندما همت بالرحيل سألتها
ــ إذا جمعنا القدر مره أخرى ...هل تؤمنين بحياة واحدة؟
ــ سأؤمن
قالتها و استمرت في المسير ثم استدارت
ــ شريطة أن نظل كما نحن0
*
ركزت النظر على فتاه هتك هدوء وجهها مكياج صاخب...وجه أطفئ نوره بغمامه رمادية و صحة معتلة..وجه به بقايا براءه تندثر في هرولة...جسد تخلى عن ثوب أبيض و أرتدي العرى...فتاه تصاحب برميل من البترول ...فتاه تأخذ الحكمة من بحور الخمر وينابيع الرذيله0

استدرت و نظرت في المرآة إلى كاتب يدخن السجائر بشراهة...رجل غريزي يأخذ الحكمة من أحجار الحشيش وسحب الدخان الأزرق...رجل بقى بداخله إيمان لا يتزحزح أن أجمل ذكرى غالبا ما تكون لليلة واحدة فقط0

16 ليف يور كومنت هير بليز:

No Fear said...

مبدئيا أنت لا تتخيل مدي سعادتي أنني أول من يعلق علي هذه المشاركة الأكثر من رائعة
بجد مش قادر أعبر بكلماتي التي لا تقارن بكلماتك عن جمال هذه الكتابة
أنت لازم تنشر الكلام ده في أي مكان أوسع من هنا
و حرام عليك علشان أنا بتعذب لما بقرأ كلامك ده بحس إنس صغير قوي
هأكتب تعليق تاني إن شاء الله محترم يليق بموضوعك(سؤال هو ده واقع و لا خيال)

zemos said...

الأدب الأسود
بيتهيألي دا الإسم المناسب لكتاباتك اللي من النوع ده

دا مش سخرية على فكرة... دا كلام جد... يسلم كيبوردك

ALiaa said...

هل هي إحدى بائعات الهوى؟
لم أعهد فتاة ليل تهتم بميتافيزيقا الطبيعة و الجلاء النفسى0:D

ألقصة حلوة يا متكاظي بس انت في الاخر قارنت بينها و بين بنات اليومين دول... يعني اللي كانت تستاهل ترتبط بيها ما قبلتش غير بذكري اليوم الواحد.... و التانيين طبعا ماينفعش ترتبط بيهم.... يالهوي مافيش أمل خالص علي كدة؟

zordeak said...

على فكرة حرام عليك .., القصة كانت ملهاش حل لحد محطيت شوية الكلام الغلس اللى بالنفسجى ده .., اسمع نصيحة اخوك .., القصة دى فظيعة من غير شوية الكلام اللى فى الاخر دوول .., حتى قفلتها فظيعة .., تدى خيال للقارىء بدل متقلبها عليه كآبة كده
بجد عجبانى مووووت لحد شوية الكلام الغلس اللى فى الاخر ده

Rivendell** said...

إذا لم تجرب ...لن تشعر..ولن تكتب..



نحن نأخذ حكمتنا من الأحجار وهن يأخذن حكمتهن من البحار



لم يكن هناك الوقت الكافي لتفسيرات منطقية عن تلك العلاقة الغريبة الناشئة وعن ذلك الإحساس بأنك تعرف الشخص الذي لم تتحدث معه سوى جملتين منذ زمن سحيق



مر وقت لم أشعر فيه بالبرودة قط0



بعد دا كله بجد حرام عليك القفلة الهباب دي ... ســــواد

توهة said...

معلش يا zordeak
اختلف معاك
اهو شوية الكلام الغلس اللى بالبنفسجى نقلها من قصه عاديه لقصه رائعه

اعشق أنا الأدب الواقعى

والواقع كئييييييييب


فانتازيااااااااااااااا
فانتازياااااااااااااااااااااااا

rony said...

مساء الخير
او صباحه براحتك يعنى
والله بجد جميله بكلامها البنفسجى قبل قبل الاصفر يعنى هى كلها حلوه ماشاء الله بجد ...ياه اكيد حاجه حلوه اوى انك تقابل انسان مره واحده يفضل فى ذاكرتك على طول مش زى الناس اللى بنعرفهم من قبل مانتولد بس نفسك تنساهم...بجد تحفه ومش انا طبعا اللى هاقول الى الامام علشان واضح انك ماشى لوحدك بدافع اللى جواك...بس ليا سؤال بما انك كويس اوى فى اللغه العربيه كده وانا ميح الحمد لله فيها ايه معنى عنوان البلوج علشان انا مفهمتوش معلش بقى العتب على التعليم مش عليا

jeen said...

ايه دا كله ايه دا كله .. كل دا من ورايا يا متكاظى افندى

جبت العمق دا كله منين .. اسمحلى انق عليك .. واسمحلى كمان اقولك انى عشت للحظات فى جو شبيه لجو الأدب المترجم المأسوى

وصلت باحساسك ومعانيك لأنك خلتنى اتسائل .. حقيقى انت متكاظى بجد اللى انا اعرفه .. ولا انت مييييين؟؟؟

Carmen said...

هل تؤمن بذكرى ليلة واحدة؟


علمت أنها لا تريد أكثر من ذلك...لا تريد أن تفسد جمال اللحظة وحلاوة الذكرى


احيانا بتكون ليلة واحدة او ساعة واحدة بليالى كتير قوى وساعات اكتر وبتبقى فيها ذكريات لا تملؤها ايام اخرى وليالى اخرى


بجد وهمية يا متكاظى

sporefroming-human said...

تمام....

Unknown said...

no fear
انا اللى اسعد يا استاذى
وانت كبير قوى يا عمنا بس كل واحد جواه كلام محدش يعرف يقوله الا هو وبس0

واكيد الموضوع خيال متغمس بحبة واقع تطور داخل مكنة المخ البشرى للمخلوق اللى انت شايفه0
شكرا جدا ليك
يا زملكاوى
:p
______________
moro
لالالا
أدب أديداس

كيبوردى بيشكرك
_______________
aliaa
المشكله انهم نفس البنى ادمين
دى مش مقارنه
اما بخصوص الامل فكلمه فى سرك(شكلها كده مفيش امل خالص)0
____________
zordeak
انت استاذى
و رأيك محل احترامى
وانا معترفلك انه كلام غلس
بس اكيد انت عارف ان مغزى القصه ان الزمن اللى عايشينه ما بيسيبش حاجه حلوه على حالها0

التحديث علشان خاطر عيونك يا باشا
وعلى رأى أطاطا (هو فيه حاجه بتفضل على حالها يا بنى)0
________________
غواص

جالى احساس انك عايزه تضربينى فى الكومنت بس حيائك منعك

عموما التحديث علشانك برده
احنا تحت امركم
________________
فانتاااااااااااااازيااااااااااا

حسستينى انى كئيب
وبعدين القصه من غير الكلام الغلس ده مش هتكون عاديه برده
:p
نورتينا
بس فكى شويه
السواد لسه جاى
________________
rony

اشكرك جدا
وبعدين اسم البلوج مالوش علاقه خالص باللغه العربيه
دى كلمه ضاله ليها مية معنى بعد ما فشلنا نوصف حالنا بلغة الضاد
نقول ايه مختار الصحاح خذلنا

على فكره قعدت اضحك وانا متخيل نفسى بكشف عنها فى مادة ك ي ظ
__________________
جين

بعد ما قريت تعليقك تانى يوم جاتلى وعكه صحيه
نقك وصل يا افندم
وبعدين انتى حسستينى انى عديم العمق ليه يا افنديه0
عموما انا هسامحك
يلا امشى
:p
_______________________
carmen
انتى اللى وهميه
وكلامك صح قوى
ابصم عليه بالعشره
_____________-
sporeforming
انتى اللى تمااااااااااااااام

توهة said...

لأ بالعكس حتبقى قصه رومانسيه عاديه
زى اى قصه

هى حلاوتها فى الخضه اللى حصلت فى الاخر



وبعدين انا لست سوداويه بس واقعيه زياده عن اللزوم


فانتازياااااااااااا
فانتازيااااااااااااااااااا

Unknown said...

فانتازيااااا

يا استاذتى الفاضله
فيه مليون قصه رومانسيه اتكتبت
وبرده فيه مليون قصه واقعيه اتكتبت

ولسه فيه اكتر هيتكتب

الفرق هو الاحساس
كلامى غير كلامك غير كلام حد تانى

زى السينيما فى تقريبا عشرين خط درامى بس المعالجه هى اللى بتختلف

كلنا واقعيين
بس دى مش شىء نفرح بيه بالعكس مفروض يختفى

الاحلام وشطحات الخيال هى اللى بتبنى الحضاره مش الواقعيه

ربنا يكفينا شرها

كل سنه وانتى طيبه

توهة said...

وانت طيب ياسيدى

بس هى العمليه مبحبش القصص الرومانسيه


بس بعشق الاحلام موووووووووت


وانا واقعيه حالمه



مش حطول فى الكلام عشان ماتتخنقش



فانتازياااااااااااااا
فانتازيااااااااااااااااااااا

Unknown said...

ساعات بنحتاج قدر من الرومانسيه علشان نعيش

ربنا يسعدك و تفضلى تحلمى على طول

كفايه كده علشان ما تتخنقيش

:)

Anonymous said...

بعد الكلام اللى اتقال مفتكرش انا ممكن اقول حاجه تانى......بس انا مش عارف اقولك قد ايه انا فخور بيك وفخور ان انا اعرفك ..... او على مااظن انى لسه معرفتكش كويس ..... لسه فى اكتر استمر يا مبكينى :.(

Post a Comment