عارف ان 2 بوست ورا بعض كتير.. لكن الواجب واجب.. و النهارده عندي 2 مبروك
أول مبروك لزمايلي في البلوج (مليجي و متكاظي و غواص و زوردياك و سبرفرومنج هيومان) لنجاحهم المحترم السنه دي في كلية طب... بجد ماشاء الله عليكم و انشالله يارب دايماً تميز دراسي و في كل جوانب الحياة
تاني مبروك للبنان.. الناس اللي عدمت من السهر.. الناس اللي سابت بيوتها من شهر و رجعتلها النهارده... مش بس اللبنانيين... مبروك للأمة (باستثناء الحُكام طبعاً) الأمة اللي سهرت تدعي و تبكي.. و تصبح تاني يوم صايمة و تجمع تبرعات مالية و غذائية و أكياس دم... لأجل ما ربنا يفك الكرب
مبروك يا جماعة.. الحمد لله..
النهارده بس بأضحك من قلبي وأنا مرتاح
وصل لي ايميل من هالة ضيفتنا اللبنانية في البلوج .. كاتبة فيه كلام ع السريع ماهوش فصيح قد ما هو صادق
هالة كان عندها ايمان و ثقة شديدة في ربنا.. كان دايما تكتب جنب اسمها المستعار عالماسينجر (النصر آت آت آت) طول أيام الحرب.. و النهاردة بس كتبت (مبروك النصر)..... مبروك يا هالة
-----------------------
قوم يا لبنان العروبة
وين الوحدة المفقودة؟
وين الوحدة المفقودة؟
لازم راسك يكون مرفوع
لإنّو مقاومتك موجودة
دمّ الشهدة بيشهد
إيمانك ما بيتهدّد
قوّتنا مش رح بتزول
بكل نقطة عم تتجدّد
بكرامة رح تتعمّر
لو أد ما أرضك تتدّمر
صمودك مفتاح النّصر
لو مهما العدوان اتكرّر
يهودي يا خنزير
ولكل عدوان عندك تبرير
مكتوبلنا هيدا النّصر
من يوم عيد التّحرير
الصورة و الكلمات
لـ: هالة
10 ليف يور كومنت هير بليز:
الله يبارك فيك يا عمور
والف مبروك للبنان ولحسن نصر الله اللى رفع راسنا بعد ما رد كرامتنا
والف مبروك يا هاله وعقبال لبنان ما ترجع زى ما كانت عروسة الوطن العربى الذى اصبحت اشك انه عربى واحيانا اخرى اشك انه وطن
مبروك النجاح ومبروك النصر.. وربنا يستر و"السياسة" ما تضيّعش اللي "المقاومة" عملته
ألطف حاجة إن أول حاجة عملها بوش هو إنه طلع قال "مفيش انتصار..فين النصر! حزب الله دمر لبنان" يعني نفس الكلام اللي كانوا بعض "أساتذة" التدوين بيقولوه
ربنا يواسيهم في وحدتهم بقى
ومبروك النجاح تاني
:)
الله يبارك فيك يا مورو .., وألف مليون مبروك لنصر الابطال فى لبنان ..الرجالة اللى بجد ..اللى رفعو راسنا بجد .. انا فرحان بيهم اكتر منا فرحان بنجاحى .., على قد مدعيتلهم ..على قد ما كنت متأكد وواثق من النصر .. الروح اللى كانت موجودة تفرح بجد ..كنت بحلم فى يوم انها تبقى موجودة والابطال اللى زيك يا هالة حققولى الحلم ده .. اديتونا رمز بطولة كان نفسنا فيه .. بطولة شعب بحاله .. بطولة طفلة بترفع العلم .. وست عجوزة بتقول لو كل ولادى ماتو انا فدى للبنان ..حسستونا ان الرجولة لسه موجودة ..بجد مش قادر اعبر عاللى انا حاسس بيه .. وبالنسبة للصورة الجامدة دى فانا شايف انها بتعبر عن الفرحة اللى جوايا .. لبنان بقت فى عيوننا كلنا وفى قلبنا كلنا .. لبنان اصبحت اكبر رمز فى عيوننا دلوقتى ..لــكم جزيل الشكر .
اولا السلام عليكم جميعا
انا بقالى كتير مش عارف ارد على اى موضوع بس النهارده بس حسيت انى عايز ارد
اولا قبل اى شيء الحمد لله
ثانيا مبروك لينا كلنا
بس دى مش اى مبروك
دى مبروك متزينه بابتسامه اطفال كانو عايشين فى رعب والم
مبروك متزينه باحساس طمانينه عند الامهات
مبروك متزينه بدمعه على وجوه الشيوخ
مبروك متزينه بوجوه من نور وجوه قابلت ربها سعيده ومرتاحه وجوه ابرار الجنه والشهدا من رجال ونساء
بجد الف مليون مبروك
راجع راجع يتعمر راجع لبنان
راجع متحلى واخضر اكتر ما كان
اللهم لك الحمد والشكر يا رب
السّلام عليكم جميعاً و رحمة الله و بركاته
صباح الخير و النّصر الموعود
صباح الفخر و الفرج و الكرامة
صباح المقاومة و صباح دمعة الفرح
بدّي بلّش ب الحمدلله ربّ العالمين يلّي استجاب لدعواتنا و يلّي عطانا الإيمان و الصّمود الحمدلله اللي رجّعلنا كرامتنا و خلّى راية الإسلام مرفوعة بكل مكانّ
أنا بتشكّر كل شخص حس معنا بهل وضع اللي كنّا عايشينو، بتشكّر كل الأصدقاء الأوفياء يلّي إحتضنونا ببيوتن و بعقلن و بقلبنّ
متل ما نحن بقبكن و أنتو بقلبنا، و انشالله منلتقي بالجنّة
هالة
مبروك ليكم النجتح الف مبروك ومبروك للبنان مرة واحدة وعاوزة اسال سؤال ياتري مين هايدفع تمن اللي عملته اسرائيل صعبانين عليا انهم بعد اللي وصلوله هايبداوا من جديد منهم لله الصهاينة
كلنا هنتحمل معاهم التمن يا سحر... احنا إخوات و جيران في بيت واحد.. و واجب نقف مع بعض في الأزمة
يا كسوفي.....يا كسوفي
الله يبارك فيك يامورو
والف مليون مبروك يا هالة .....والف مليون مبروك للبنان......والف مليون تعظيم سلام لحزب الله ...... اللي بجد ضربوا اروع مثال في جهاد المسلم ...الصادق الوافي باللي بيقولة..بيعملة
وهو درس للي ما يتسموش علشان يعرفوا ان لحمنا مر......ومر اوي
والناس اللي بتقول ان حزب الله هو اللي دمر لبنان دول ما بيفهموش حاجه...ومعندهمش الايمان اللي يخليهم يعترفوا بأن حزب الله كان نازل معركة جيش لجيش...لكن اسرائيل بخيانتها وجبنها المعهود ...ضربت لبنان على اساس اضرب المربوط يخاف السايب.....
وهم اتروقوا......وعقبال ما يتروقوا كمان وكمان
آمين يا رب!
يا زهر الرمان طير بها البستان
تا يتهنوا صغار الارض ويحلو الزمان
وينسانى الزمان على سطح الجيران
الف مبروك يا هالة .. الف مبروك يا رمز لبنان بالنسبالى .. مبروك لكل لبنانى ..
مبروك يا مورو .. مبروك النصر المبدأى .. وعقبال اللى جاى
يادوب هتبتدوا يا هالة تداووا الجراح .. وتراجعوا اللى فات .. وهنبتدى احنا نفكر بشكل جديد ..
يمكن اللى حصل ما يتكررش تانى .. سواء فى لبنان او فى اى ارض عربية
Post a Comment