Friday, August 18, 2006

سأسير دوما الى الأمام !!

أمضي في طريقي وقد ارتسمت على وجهي اعتى علامات الغباء .... مخلوطة بكثيرمن الذعر المطل ُمن عيناي .. صدقوني انه مزيج لم يراه العالم من قبل , اتقدم ببطء شديد .. شديد جدا .. يقولون ان في مثل هذه الظروف يفضل ان تتجاهل كل ما حولك وتصم اذناك تماما حتى تمضي الامور بسلام .. ولكن بما انها جملة بدأت بيقولون فقد تجاهلها عقلي تماما وهو يبحث عن أسرع حل للخروج من هنا .. اختلس نظرة سريعة لساعة يدي ... ماذا !! .. باقي 20 دقيقه !! .. ولكن كيف!! ... أستعيد ذكريات قريبه .. لِم لمْ استمع لصوت العقل .. ان حدسي دوما في محله .. هي فكرة سيئة منذ بدايتها .. ولكن لاااا لابد ان اتحاذق على ذاتي لكي انتهي هكذا بلا سبيل للنجاة ... فقدت الاحساس بيداي تماما .. ماهذا الصوت .. انه هاتفي الخلوي , كأن الموقف يسمح بصوت اضافي او بعمل اضافي .. افكر جديا في الانسحاب الفوري .. وارسم بخيالي ابرع السيناريوهات .. اللعنه على هذا الصوت .. سألقيه في اقرب مكب للنفايات , دوما كانت الخاتمه هي الأسوأ .. فشلي فيها ذريع بلا امل للتحسن .. ولكن لا .. لن اتعرض لهذا الاذلال مرة اخرى ... لن أصل الى هناك الا على جثـتـي ................................................................................. اركن السيارة على جانب الطريق وبكلمات سريعه اخبر المدرب اني لابد ان ارحل الان فلدي موعد مهم واقفز من السيارة قبل سماع الرد , بعد شارعين اقف لالتقط انفاسي , مع ابتسامه ساخره تملا وجهي وانا اهنئ نفسي على دهائي في الهرب من العوده بالسيارة الى مقر مدرسة التدريب ... فلن اضطر الى عمل المارشيدير اللعين مرة اخرى .. من قال اني احتاج اليه ...... سأسير دوما الى الأمام

7 ليف يور كومنت هير بليز:

Unknown said...

ما تحاوليش تفلسفيها
:p
لازم تتعلمى المارشدير
فيه اوقات المناوره لابد منها0

يمكن ترجعى وتيجى من طريق اسهل للامام برضه
:)

Rivendell** said...

في اوقات المناورة .... هانزل واسيب العربية وامشي


وبالنسبه لمحاولات الفلسفه دي بقت تلقائي ... رد فعل شرطي :)

jeen said...

والله ليكى وحشة يا غواص
بس لازم تتعلمى المارشدير والا تبقى كارثة ...
بس اقولك على سر .. انا اول ما اتعلمت مكنتش بعرف امشى غير قدام بس
وعلى فكرة الاعتراف ده هيفرح ناس كتير فيا

بس سيبك مشوار الالف ميل بيتدى بخطوة للأمام .. وشوية صغيرين للخلف .. يلا اتعلمى بقى بسرعة

zemos said...

أوقات رجوعنا مارشيدير كام متر بيكون السبيل الوحيد لتقدمنا كام كيلومتر... و إلا وقف الشارع.. و تتعطل الحياة

واخدالي بالك؟

zordeak said...

برافو غواص .., اولا انا شايف انه عمل أدبى جامد جدا .., ونهاية غير متوقعة .., أنا شخصيا اتفاجأت .., وفكرة جديدة كمان ...
اما ثانيا بقى .., فانا شايف انك مش هتقدرى تهربى على طوول .., ولازم تتعلمى المارشدير .. وأكيد هتتعلميه ان شاء الله .., الصبر ( ومتهربيش تانى..واخدة بالك )
;)

Rivendell** said...

دعاء غريب .... شكرا يا جميل لذوقك

جين العسل ..... انت وحشاني اكتر يا قمر وانا مابفقدش الامل ابدا وبيتهيالي في تحسن


مورو .... واخده بالي ..... بس انا مش قصدي اي اسقاط من اي نوع

زوردياك .. كلامك شهادة اعتز بيها .. وزي ما قلت البوست دا مش اسقاط من اي نوع .. انا عبرت عن الواقع بالظبط ... بالنسبة لموضوع الهروب فلسفتي هي التجاهل مش الهروب وشغاله معايا .. غلط او صح مش معضلة نقاش ... المهم مريحاني واللا لا ... وبعدين الواحد بيهرب من الحاجه اللي تستاهل مجهود الهروب ... وانا حياتي مافيهاش حاجه كدا .. انا مش عايشة مأساة اغريقيه من نوع ما .. مشاكلي زي اي حد تاني .... بس استنوا عليا .. في بوست جاي ... هتكلم فيه اكتر

old metkazy said...

المارشدير هي النقلة الوحيدة التي يجيدها مبارك و رجاله-مشيها رجاله-و هي النقلة التي يقول لك كل شيء في الحياة ان تنقلها مع كل فكرة جديدة او متحمسة ، المارشدير هذا العذاب الابدي ، طخ

Post a Comment