كان الاسبوع اللي فات أول مرة اشوفه فيها....كان شكله أكبر من الموجودين شوية..كان انطوائي حتى احنا مكناش بنكلمه كتير .لكن يشاء الله اننا نجتمع صدفة وتاني مرة اشوفه طلب مني طلب كان نفسه فيه....
كان نفسه في ساعة ....ساعة بسيطة معرفش ليه يمكن كان عايز يحسب وقت اللي بياخد فيه الدوا او الوقت اللي بيتفرج فيه علي التلفزيون ...........او يمكن كان نفسه يراقب الوقت اللي عايشه في الدنيا
وعدته اجيبها له وفرحت عينيه اوي ساعتها .....وعينيه بس اللي فرحت حس اني هنفذ وعدي لكن محبش يحط عليا أمل كبير...
وفعلا اشترتهاله يوم ما طلبها ...وعرف اني اشتريتها وقعد ينتظر اني اروحله وانتظر كتير ......
3 أيام أنتظر فيهم احمد اني اروحله عشان يفرح بالساعة الجديدة انتظر لغاية النهاردة الصبح الساعة 7
خذلته ومرحتش لاني كسلت وأجلت الزيارة يوم ورا يوم .......... ولما رحت أدور عليه لقيته قابل اللي ما يخذل ابدا قابل وجه ربه الكريم ... اكيد في الجنة دلوقتي ومش مهتم بساعة او غيره ......انا عارفة انكم كلكم هتقولوا كده وانا مقتنعة بيه والله.........بس التفكير اني خذلته ومحققتلوش امنيته بجد قاتلني
التفكير فيه و ياتري افتكر وعدي ولا لأ ؟ ياتري مات احمد وهو زعلان مني ولا لأ؟؟؟؟؟؟؟؟
أدعوله أرجوكم وأدعوا انه يكون سامحني............