اننا لم نراهن فى يوم من الايام عليكم...رهاننا على الله وشعوبنا
تقولون اننا مغامرون ....هنيئا لكم بعقولكم
سماحة الشيخ حسن نصر الله ردا على تصريحات حكام مصر و الاردن والسعوديه بأن عمليات المقاومه مغامرات تهدد المصالح والقضايا العربيه0
ياخى الله يلعن أبو مصالحكم وقضايكم0
10 ليف يور كومنت هير بليز:
لبيروت...من قلبي سلام لبيروت
و لقرية مروحين
والضاحية الجنوبية
اتعرفت من سنة على أسرة مسلمة, أب و أم و 5 أبناء من بيروت
الحصار برا و جوا و بحرا
من يومين بالظبط كنت بأكلمهم ع النت... و تخيل معايا الوضع.. الهروب لسوريا ممنوع لأن الطرق و المعابر المؤدية للغرب (لسوريا) ضربها الطيران الاسرائيلي
..
و بالنسبة للسفر لمصر أو أوروبا أو حتى قبرص الـ
runways
بتاعت المطار برضه مضروبه بالطيران
و البوارج الاسرائيلية في المياه الإقليمية و ضربت كل الرادارات البحرية اللبنانية
غير صوت الغارات طول الليل و لما تسمع طياره تبقى مستني انفجار بعدها... يا ترى هاتضرب وللا لأ... و المره الجايه بيتنا وللا لأ
ليلة امبارح سهرت للصبح قدام تليفزيون نيو تي في اللبناني... كان بث مباشر لقصف جنوب بيروت... أكتر من تسع غارات على نفس المكان... حارة حريك
للأسف... احنا متورطين مع عدونا بعلاقات اقتصادية و معاهدات مش وقته إني أحلل ده كان صح وللا لأ... بس الواضح امن مش هايحصل تحرك عربي (عسكري)
و التبرعات دول الخليج هاتصرف تمام
دور الغلابه اللي زينا بأه.. التواصل و شد الأزر.... بمكالمة تليفون لرقم يبدأ بمفتاح لبنان أو غزة في فلسطين و بعده أي رقم عشوائي قبل ما تنقطع الاتصالات... بـ أيميل... بمقال ع النت فيه فكرة للمقاومة... إذا اختلفت قياداتنا .. فاحنا نختلف... مانخليش حد يقول العرب عموماو المصريين بالأخص قاعدين يتفرجوا... شتيمة الحكومات و الله ما منها فايده...
أنا مش راضي... بس هاوجه طاقتي الاحتجاجية مباشرة للمكان الصح... من غير حوادايات و ما الى ذلك....
ومش هانكون ابدا اضعف الايمان
آسف... لكلكلكلكلكيييت كتيير
أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
ارجو النشر -تحياتي للجميع
metkazy
شكرا انك ابتديت تتكلم فى الموضوع لأنى بقالى ايام بحاول اكتب .. وكل ما ادخل المدونة واكتب حرف امسحه واخرج تانى ..
جايز لأنى مش عارفة اكتب ايه ولا ايه ..انا ياللى طول عمرى ادوات تعبيرى هى الحروف .. هربت منى الحروف فى جو كله خوف وظلم واستبداد بدون مناسبة
بجد اشكرك انك ابتديت
moro
عندك حق .. شتيمة الحكومات مالهاش فايدة .. انت بتقول هتوجه طاقتك للمكان الصح .. من غير حواديت .. يا ريت تدلنا معاك على المكان الصح .. نبقى سوا بدل ما تبقى لوحدك
layal
فكرة كويسة ..انا حتى كنت فكرت نقف يوم كامل حداد على الشهداء .. واحتجاج على الاجتياح الاسرائيلى لفلسطين ولبنان .. يوم تقفل فيه المحال التجارية ابوابها .. ويمتنع فيه الموظفون عن اعمالهم بكل فئاتهم .. والشباب عن مزاولة انشطتهم اليومية .. فتصبح شوارعنا قفرا .. خالية من الحركة .. وليلزم كل مواطن بيته..حزنا على على بيروت .. وخجلا من الصمت الخاوى
كلام حلو اوي يا متكاظي ميرسي انك فتحت الموضوع .....
لكن لا وقفتنا حداد هتنفعهم ولا اننا نشد من أزرهم برضه هتنفع ..تخيل واحد بيموت الناس من حواليه وناس تانية كل اللي بتعمله انها واقفة في شوية شمس ده لو اخترتم حتة فيها شمس.....طبعا مش ده الحل .......
مش برخم عليكم لكن انا بجد مش شايفة ده حل ومش عندي حل تاني.....
كل الموضوع اني بتخيل نفسي مكانهم والحرب حوالينا وساعتها هتمني ايه اللي يحصل؟؟؟؟
بس لما فكرت للاسف لقيت ان كل حاجة مش بأيد الشعوب لكن بأيد اسياد الشعوب الأسياد اللي بيتقوا شر الحرب دلوقتي مش خوف علي شعبهم لكن خوف علي مناصبهم.
لكن انا نفسي اسال سؤال .
لو كل واحد فينا هيبقي في ايده القرار هيخش الحرب ويعرض بلده وشعبه للخطر؟؟؟؟؟؟؟؟؟
سؤال وجيه ومحترم قوى .. بصراحة هم سؤالين مش سؤال واحد
الاول: لو كل واحد تخيل نفسه فى وسط الحرب وبيبص حواليه هيتمنى ايه اللى يحصل؟
الثانى:لو كل واحد فينا كان رئيس .. هل كان هيجر بلده وشعبه لحرب مانعرفش نهايتها؟؟
سؤالين .. انا شخصيا حزينة اننا بنسالهم .. ومش متأكدين من اجابتهم
خايفة اننا نطلع السن على الفاضى .. كل اللى نقدر عليه اننا نرغىىىىىىىى .. وغيرنا ناس بتموت
أنا ماحبش أقف دققيقة حداد... أقف دقيقة أقرأ فيها الفاتحة ممكن
يا جيين
أنا قصدت بأقول هاوجه طاقتي للأصح بمعنى اني مش هاروح أكلم حكومتي تتصرف... هأتصرف أنا... الكونيكشن هايبقى بيني و بين اللبناني أو الفلسطيني مباشرة ... أوصل له.. أكلمه.. أعرفه بنفسي و تفكيري أنا واللي زيي... أقوله اني معاه و مهتم... معرفتي بشخص عزيز م البلاد دي هاتخليني فعلا مشغول بالقضية من قلبي.. مش شعارات
...
تبرعات هاتيجي من كل حتة.. النهارده السعودية باعته 50 مليون... بس المهم يوصلوا... اسرائيل بتطلع الناس من بيوتها في الجنوب و معسكرات الأمم المتحده دقت الناقصه.... التبرعات مهمة قبل و بعد رفع الحصار ان شاء الله..لأننا لازم نكون شركا في المكسب و الخسارة... لكن ايه معنى اني ابعت فلوس لحد قديكون مش قابلني و حاسس اني اتخاذلت عنه و باعمل كده كمالة واجب؟
ميشو:
الحالة الوحيدة اللي نضرب فيها... هي بس لما كل العرب يضربوا مع بعض... بس بعد القمة العاجلة في جامعة الدول اللي اختلفوا فيها على الموقف من العدوان... أشك أكتر من ما كنت شاكك
أنا مش هاستناهم يعملوا... زي ما في افلام أكشن حركه و
mental action
في برضه حرب ميدانية و حرب ذهنية
م الآخر... انا يهمني الناس دي زي عيلتي بالظبط و يهمني سمعة شعبي انو ما يتقالش عليه خونه أو متواطئين
sorry 4 using english and u know how mush i hate it but there ia something wrong in my comp
hwa e7na rbna msh hy7asbna .. msh hy3akbna 3lly bygra da
t7t el7sar ... lebnan btde3 .. flestin etms7t mn 3lwgod ... kaboooos , w ah ya 5ofy .... eftkro "ard el3zaya " bta3t a7mad 5aled twfek .. e7na ry7en lha ...... w aaah ya 5ofy
يا مسا.....
وبس مفيش اللي يتقال بعديها
انتم عرفين ....أسوا شعور على وش الارض
.......العجز.........
انك تحس انك مكتف من ايدك ورجلك ومن رقبتك.....وبتتفرج
دلوقتي احنا بقينا ضعاف الايمان بالاكراه غصب عننا
انك تغير بأيدك ابقى قبلني لو وصلت......وانك تغير بلسانك..تلاقي حكوماتك وقفة في وشك......الحل اتك تنحصر في قلبك....وتقول حسبي الله ونعم الوكيل
انا مع الوقفات على فكرة مش تضها.....انتم لو تعرفوا مصر -قلب العروبه- هئ هئ هئ......منظرها عامل اذاي دلوقت .....وسط العرب
ياجماعه البنزين اللي الطياران والدبابات ماشيه بيه ده بتاعنا
لازم نعرف الناس دي ان احنا مش ذي حكمنا .....ان احنا لسا في دم في قلوبنا
بس في حاجة لازم تعرفوها هي يمكن رد على سؤال من اللي اتقالوا
زمان لما كنا مالكين اسبنيا....وحبت اوروبا تاخدها..بعتوا جواسيس يشوفوا احوال البد فلما دخلوا....لقوا شاب 16 سنة بيعيط.....سألوه بتعيط ليه....قالهم كل يوم كنت بصطاد عصفورتين بسهم واحد ...النهارده اصطد عصفورة وحدة...اكيد انا عملت حاجة فربنا زعل مني وعقبني.......بعتوا لملوكهم ..قاللهم استحالة تدخلوها دلوقت....استنوا لسا بدري.....وبعديها لما رجعوا تاني...لقوا برضه شاب بيعيط ....سألوه نفس السؤال.....قالهم اصل حببتي سابتني....بعتوا لحكمهم دلوقت اسبانيا لبكم
كلنا كدا وانا اولكم....ولازم نتغير
سلام مؤقت....ولينا كلام
انا بتبنى اقتراح مورو
ياريت نعمل كونكشن بينا وبين الناس فى لبنان وغزه
كمدونون نتضامن مع المدونين البنانيين فى قضيتنا وقضيتهم
بخصوص الحداد
انا نفسى اعمل حاجه تانيه
مظاهرة تأييد قدام سفارة لبنان تنظمها منظمات حقوق الانسان والحركات السياسيه تعبيرا عن رفضنا للتصريحات المستفذه للقياده السياسيه
بلاش سفارة اسرائيل
علشان الحمير ما تزعلش
Really amazing! Useful information. All the best.
»
Post a Comment