و أنا قاعد مع نفسي...حسبتها مع نفسي
أنا ليه مؤخراً بأخلص في العبادة لأغراض دنيوية و بس
مشكلة...غلطة...امتحان...نتيجة...مصلحة...الخ
مهو مش عيب الواحد يخاف ربنا و غضبه وانتقامه في الدنيا
بس برضه الأمر ما يسلمش
أنا مآمن إن في يوم قيامة و حساب و مجرد التفكير في تفاصيل اليوم ده اللي ورد منها في القرآن أو اللي ورد في السيرة النبوية يخلي الواحد دماغه تروح في دنيا تانية
تخيلي لـ جنة و نعيم (خالد)... و نار و عذاب (خالد)... قصة كبيييرة
بس هل دول بيبقوا في نيتي كل أو أغلب الوقت و أنا بأعمل خير أو بأدي فريضة؟؟
الإيمان باليوم الآخر اللي هو تاني ركن من أركان الإيمان مش بس إني مصدق و مآمن إن في يوم حساب و بس..... كوني قدمت ايه لليوم ده شئ لا يقل في الأهمية عن الإيمان بيه
ربنا يهدينا جميعا
-------------------------------------------------
الخاطرة شخصية...بس يمكن حد زي حالاتي يقراها و........ يحسبها مع نفسه
moro
10 ليف يور كومنت هير بليز:
كلامك صح
يمكن المشكلة ان المود بتاع اللحظة بيسيطر ع الانسان
طبيعة البشر بيلجأوا لربنا سعات و يبعدوا عنه عات و يرجعوله تاني
حسبة مخيفة دايما بس ضرورية
أقولكم سر بقالي مدة طويلة مش بعرف أحسبها
والله احساس رائع احييك عليه
وجزاك الله خيرا
عارفين يا جماعه... كويس أوي اننا بنصارح نفسنا
صح كلامك يا عبدو باشا... و يا ريت ان قدر الامكان يبقى الواحد يقدر يبقى عنده نظره ابعد من اللحظه اللي فيها احنا فيها
change destiny
انتي و احنا كلنا محتاجين من وقت للتاني لزرار
pause
محمدمفيد
تسلم.... و جزاكم
كلامك صحيح يا مورو
بس عارف انا بحس ان في وقت الازمة بيبقي قربك من ربنا حلو أوي..
بتقرب وانت كلك خشوع وتتذلل وانت بتدعي بتحس انه هو بس اللي جـمبك..
لكن طبعا أتمني اننا نكون كده علي طول
بالظبط كده بيحصل يا ميشو
المشكلة بقا.... المشكلة اتحلت... و الغمه انزاحت... و سيادة الإنسان المحترم ابتدى يكسل و يستنى خبطة جديدة على دماغه عشان يفوق
بس محدش ضامن ملك الموت هايجيله امتى
وهو فايق وللا.......0
Cool guestbook, interesting information... Keep it UP
» » »
Nice idea with this site its better than most of the rubbish I come across.
»
Very pretty design! Keep up the good work. Thanks.
»
Post a Comment