أنت وحدك من تعرف الحقيقه..لا يراها سواك..تلك النقطه المضيئه التى تظهر فى افقك انت فقط...تسير تجاهها كالمخبول...الكل يقف فى الجانب الاخر..يحذرونك..يناشدونك الرجوع..أصواتهم تخترق أذنيك(لايوجد امل..لا يوجد سبيل)..تعرف انهم على صواب..لا تعبأ بهم ..تصم أذنيك امام ندائهم المتكرر..تستجمع طاقة احلامك..تجرى وراءها..تتعثر فى الطريق...وجودها امامك يبعث بك طاقه غير مرئيه تدفعك للنهوض ونفض الغبار عن رداء أملك..تستمر فى السير خلف نداء النداهه..تاركا الجميع ..مقتفيا اثر الصوت الواهن الممتد..بينما تخبو النقطه المضيئه وتنطفىء..ويخفت صوت النداهه الى السكون..تاركة اياك فى منتصف الطريق المظلم...تستلقى فى مكانك..تناجى السماء..تغط فى نوم يقظ بعين محدقه..تتداعى احلامك،خيالاتك..ترى نفسك حاملا الهديه المغلقه..ذاهبا اليها..لهفة انتظارها تزيدك اشتياقا..لكنها تتركك وتعلق نظرها بفارس يحمل نفس هديتك ..تسرع بخطاها نحوه تمتطى جواده الممشوق وتجلس خلفه..يصهل الجواد صهيل النصر ويعدو بهما..تدهس سنابكه ما تبقى من حطام قلبك..وانت واقفا وحدك كما جئت وحدك خالى الايدى..تقرر الرجوع..تتعثر ثانية..لاتقدر على النهوض0
صوت ناتاشا اطلس ذو اللكنه الاجنبيه يغلفنى يا قلبى اهدى..ولا بتهدى..ولا تهاودنى
صوت صديقى يخبرنى ميعاد زفافها
11 ليف يور كومنت هير بليز:
فظيعة...
احساسها عالي و شكلها كده علي وتر مكونتش عارفة انه عندي
هيا الدنيا كده
عاوز ايه لأ
مش عاوز ديه خدها
ةاضح انها سنة مش هتتغير
اتعرف ماذا اتخيل؟؟
اتخيل وضعك لما سمعت الخبر -الشعور الداخلي -وضربات القلب .....التي لا يمكن استيعبها بهذه اللحظات
خلي قلبك كبير -لابد من فسحة امل والاتي افضل من اللي راح
وكأنك على موعد مع الحزن ..
معلش يا متكاظى .., هيا الدنيا كدة
بتبهرنى دايما باسلوبك وقدرتك الرائعة على التعبير .., وزى مقلتلك ان الموضوع ده هيخليك أديب .., واهو خلاك فعلا اديب كبير كمان.
تغط فى نوم يقظ بعين محدقة ..ايه الروعة دى ..,تعبير عجبنى جدا .
تدهس سنابكه ما تبقى من حطام قلبك ..
قمة الانهيار ..
انا من زمان مبدخلش علشان الامتحانات وكدة .., بس لحظى الحلو اول ما ادخل الاقى تحفتك دى .., زى ما اكون انا كمان على موعد مع ابداعاتك ..
سلامى ليك يا اديب .., وخدها منى كلمة هديتك اكيد كانت احسن .., والحصان بتاعك اكيد اروع .., وهيا الخسرانة
ايه يابني الكلام دا خلتني جالي اكتئاب اكتر ما انا مكتئبه
ازيك يا متكازي فينك من مده هوا الامتحانات الجملي دي مش خلصت بقي؟
شىء من بعيد نادانى
واول ما نادانى
جرالى ما جرالى
ودا مش بايدى يابا
ياما النداهة بتنده واحنا بنسمع .. وفى كل مرة اذا رجعنا نقول مش هنسمع .. ولما بتنده ..من تانى بنرجع نسمع
واضح ان جو الامتحانات بيطلع الابداعات
وحشتنا والله يا متكاظى انت والشلة كلها
مستنينكوا على ناااااار
مش عايز احسسك اني اخوك الكبير و اقعد اصدعك بكلام زي دي سنة الحياة، و بكرة تنساها و ترجع تاني تحب ، الدنيا عمرها ما تقف عشان انسان، باختصار دي تجربة بشرية مؤلمة جدا و جليلة جدا و مؤثرة و محركة و مغيرة و مكسبة للسن ، عارف زي كلام العزا ، مالوش معني ، تجربة الفقد مالهاش رد غير الوقوف صمتا ، ممكن تدفن التجربة في ضحكك مع الناس ، جميل ، ممكن تقف و تقول بعلو صوتك " انا جدع " و مش فارقة وممكن وممكن ، لكن المهم يوم لما تقعد مع عبشفيع لوحدكو تعرف تقوله انا استفدت ايه، لو حتي تجربة الشعور دة نفسه انك لما تسمع كلمة "حب" تبقي مجربها و محفورة جواك ، لما تسمع كلمة "وداع" برضه تبقي حاسسها ، لو قلمك عرف الورق و كتبت كلمة هزتني و هزتهم تبقي استفدت اوي اوي و هي دي اللعبة ، عايز تشوف الدنيا و تعيشها full version بكل تجاربها لازم تتحمل المخاطرة ، عايز تقضيها سمع و demo version انت حر بس فاتك كتير (زي بطل الخيميائي اللي اتبهدل و اتسرق و في الاخر رجع قال الناس دي اللي لسة بترعي غنم عايشين كدة ازاي و عرف سر الحياة) .
و يمكن بعد شوية مش دلوقتي بس هيحصل هتحس فجاة انك نسيت كل حاجة تحسها صدفة مش تقولها لانك لو قلت انا نسيت معناها انك فاكر اللي عايز تقول انك هتنساه ، و تبتدي تبص حواليك تلاقي ناس عدت و شافت و رجعت تاني للدنيا ، و تضحك و انت بتقري لعلاء رمضان
يا طير و طاير في السما
الشمس دي بعيدة
عايز تبوس وشها
فاكر خدها من نور
حاسب علي نفسك
دي نار و نورها يغور
حرقت اخر ريشة في جناحك المكسور
و راجع تقولي بحب
اما انت طير مهبول
و اوعي تسمع لما اليسسا تقولك
طول عمري خايفة احب و اعشق
زي كل الناس
لاني ماملكش في حياتي
غير حبة الاحساس
لان الاحساس مبينتهيش
There are no answers , Only choices .
sporeforming
هى فعلا مش هتتغير
layal
ان شاء الله
ومنوره البلوج دايما
zordeask
مين اللى قال ان هديتى ولا حصانى احلى؟؟
انا نفسى مش ضامن كده
ربنا يوفقها يارب
دعاء غريب
ان شاء الله ومفيش حزن بيدوم فعلا
شوبش
هو ايه اللى هايل بالظبط؟؟؟
شيماء
سلامتك من الاكتئاب مع انى من زمان قوى وانا شايفك مكتئبه
انا الحمد لله كويس وان شاء الله الامتحانات تخلص اخر الشهر
jeen
دى مش ابداعات
دى وجع شخصى
وانتى وحشتينا اكتر
old metkazy
تصدق بالله انا زعلت يوم واحد بس
وبعد كده خلاص
اللى يعرفنى يعرف انى ما بعرفش ازعل كتير حتى لو كان فيه عندى بلاوى
وزى ما انت قولت هى الدنيا كده full version
لازم تتاخد لوكشه على بعض بحلوها وبمرها
وانا مش عايز انسى بالعكس عايز افتكر
اللى يضايقك فعلا نظرية الفقد مش اكتر
انك تفقد احساس خفقان قلبك لما تشوف حد
ده اللى انا بجد خايف منه
وبعدين يا دكتور احنا رجاله ووقفنا وقفة رجاله وهنكملها وقوف ان شاء الله
:)
change distiny
هى دى فعلا القاعده الاساسيه فى اللعبه
نورتى البلوج
على نظام نورت مصر
görüntülüshow
ücretli show
0O4EE0
https://titandijital.com.tr/
sivas parça eşya taşıma
mardin parça eşya taşıma
karaman parça eşya taşıma
manisa parça eşya taşıma
JF1
شركة عزل اسطح بخميس مشيط t55z63otik
Post a Comment