عيّط
دا لسه الجرح بيرصف طريق بين الضلوع
يٍِدّيك في اليوم مليون أمل
ويدبحه يوم السبوع
يِديّك عود كبريت واحد
ويسرق من جيبك الشموع
عيني على اللي عاش في الجنة
لكن مصيره يموت من الجوع
**********
لما الوجع زاد عليّ حلفت إن دمع العين ما ينزل
ولو قادت في قلبي النار, ولو كتم البكا راح يقتل
حلفت إني أكون راجل
شديد الصبر
على البلا قادر
تنشق الأرض من تحتي
ولا اتزلزل
|
5 ليف يور كومنت هير بليز:
يا عم تورنادو جزانا و جزاكم الله كل خير
و أنا مانقلتش المعزوفة دي إلا لأنها لمستني بجد
كلنا محتاجين النص التاني منها
ماتعيطش
كالعادة مورو
جاى فى توب جديد ..
وصحيح احنا محتاجين النص الثانى منها
حقيقى بنقدر نعمله .. بس بيتعبنا قوىى
ولا ايييييه؟؟؟
بجد حلوة يا مورو قوي.....
بس مش لازم تبقي راجل بس عشان تقرر ان دمع عينيك مينزلش...
ميرسي بوكوووو يا جيين
عارف ان في تعب... بس الدنيا عمرها ما كانت دار راحة.... وللا اييييه.؟
ميشو يا ميشو
الكاتب استخدم كلمة راجل لأنه بيتكلم عن حاجه نوى عليها... كمان لأن قلة البكا و مسكان الدموع صفة تميز الرجل ( و احنا هنا مش بصدد الإستثناءات سواء رجل أو امرأه)
و على فكرة يا جماعة ميشو برضه بنت... بس بعشر رجاله... مش هانقول 100لأحسن تبقى وسعت
السلام عليكم...
انا محمد فوزي خلف ...
هل يدهشك هذا ؟؟
بالصدفة كنت أتصفح الانترنت عندما وجدت قصديتي منشورة علي البلوج الخاص بك , وهذا قد اثار حبوري الي أقصي درجة , ممتن لك جداً يا عزيزي , ارجو ان تضيفني علي ميسنجرك ان كان هذا لا بضايقك
تحياتي
محمد فوزي خلف
erwin_rommel_5@hotmail.com
Post a Comment