Friday, May 26, 2006

انا و حبيبى

منذ ان عرفتك يا حبيبى عرفت نفسى .. كانت روحى غريبة عنى وكنت انظر الى قلبى كما ينظر الانسان الى عالم مغلق مجهول
منذ ان عرفتك يا حبيبى عرفت سرى .. كانت حياتى بعيدة عنى .. وكنت انظر الى الدنيا كما ينظر الطفل الى كنز مسحور
ولإجأة اشرق عقلى .. وعلمتنى عيناك كيف اصلى وابكى .. فخشعت امام الله الذى اوجدك يا حبيبى، ورأيته ماثلا فى جمالك والمى
ليتنى كنت ثمرة صغيرة لأذوب فى فمك .. ليتنى كنت عطرا نادرا لأحوم حول بدنك .. ليتنى كنت شهدا للسانك، ودما لقلبك .. وماءا قراحا تغتسل فيه الى الأبد قدماك
انى لأود ان اكون الشجرة القائمة فى حديقة بيتك .. اود ان اكون غصنا من الشجرة ، او ورقة من الغصن .. او ظلا من الورقة .. كى اتسلل اليك فى رابعة النهار .. واداعب شعرك الناعم .. واختلس من عينيك القاسيتين يا حبيبى ولو طيف قبلة

من ديوان "وثبة الروح" للشاعرة الفنلندية ماريا بوجارت

9 ليف يور كومنت هير بليز:

Carmen said...

الى الامام ياجين


بجد كل مواضيعك حلوة قوى


وفعلا بتخرج الواحد من اى مود يكون موجود فيه ساعة لما بقراها

Rivendell** said...

عزيزتي جين .. معلش انا معترضه عالبوست دا , مش لازم يبقى في حب كدا , هو حب واحد بس اللي يبقى بالقوة دي ومش بقول بالكيفيه دي , حب ربك اللي خلقك وبيحبك حب خلاه بيرحمك مش عايزة اكون بقول ستامبات وكلام بيفقد معناه من كتر ما اتقال لكن هي دي الحقيقه انا وانا بقرا البوست كنت منزعجه جدا لكن لما قريت في الاخر ان اللي كاتبه واحده فنلندية قولت يبقى خلاص طبيعي مش هتبقى عارفه اللي احنا عارفينه , للتوضيح بس انا مش اخوان خالص ومانيش الملتزمة اللي حاجزة مكان في الجنة خلاص واللي عارفني عارفين انا قصدي ايه

أجدع واحد في الشارع said...

ده كلام جميل بس مش كل الحب الى يستهل ان الواحد يعمل عليه كده

mesho_girl said...

دي جين...لو مكنش موقع كنت عرفت برضه انه منك.....
يا شباب ده كلام أدب...وبعض الادب بيبقي خيال وده احلي حاجة فيه.......
انه كلام حلو بس انت عارف انه مش هيحصل...
متدورش علي الحب..سيبه يلاقيك هو...

jeen said...

maro

ميرسى كتييير على الرد اللطيف
منورة

غواص بحر الامل

عزيزتى غواص انا عارفة ان انتى مش اخوان ..وعلى فكرة احنا نعرف بعض .. بس دورى كدةفى عقلك على صدف اتقابلنا فيها عن طريق صديق مشترك فى الجامعة ..

المهم .. يا ستى الحب هو الحب على اختلاف مستوياته .. والقصيدة دى تجسيد لاحلى واروع ما يمكن ان يشعر به انسان عندما يحب .. سواء كان المحبوب انسان او فكرة او عقيدة او وطن .. او الخالق عز وجل .. وحاليا تحضرنى جملة لرابعة العدوية فى مناجاتها لرب الكون "احبك حبين .. حب الهوى .. وحب لأنك اهل لذاك" هى امرأة عاشقة لله فسميت شهيدة العشق الالهى ..

انا اسفة طبعا اذا كنت تسببت بازعاجك .. لكن كان قصدى اقدم احساس عالى ونقى .. صحيح نادر .. لكن مش مستحيل

اتمنى اكون وضحت فكرتى .. وسلامى الغزير ليكى

jeen said...

ابن الشارع

مادام الحب بهذه الصورة .. فهو يستحق ان يحس هكذا واكثر

وكما ذكرت من قبل ليس بالضرورة ان يكون احساس الحب هو رجل وامرأة .. وانما قد يكون ام ووليدها .. فتاة ووطنها .. زوجة وزوجها .. ناسكة وربها ...الخ

والحب مادام حبا فهو يستحق الاخلاص

tornado

حقيقى ونص وتلات تربع .. وفعلا انا شوفت دا بعينى .. قصة صديقة عمرى هى وخطيبها .. ولولا خايفة من الحسد كنت قولت التفاصيل .. ههههه

القصيدة دى دعوة لاعادة التفكير ان كل انسان قادر على الحب كدة .. وقادر على العطاء بردو كدة .. بصورة لا متناهية .. واخلاص رائع .. ودا موجود على ارض الواقع .. صحيح مش كتيير .. بس فى النهاية واقع

jeen said...

mesho

عندك حق .. بعض الادب بيبقى خيال لانه بيحاول يطير فوق الناس والزحمة والخبط والرقع .. بيحاول يخلق فكرة جديدة جميلة .. بيحاول يرجع قيمة للنفس الانسانية

العالم ملىء بالقبح .. مهمة الاديب ان يضفى اليه مسحة من الجمال

old metkazy said...

فعلا بصمتك في اختيار الموضوع واضحة
و الكلام فعلا عن فكرة الحب كمعني مجرد لا تسعه الكلمات
احلي من الموضوع هذا الكلام:

عندك حق .. بعض الادب بيبقى خيال لانه بيحاول يطير فوق الناس والزحمة والخبط والرقع .. بيحاول يخلق فكرة جديدة جميلة .. بيحاول يرجع قيمة للنفس الانسانية

العالم ملىء بالقبح .. مهمة الاديب ان يضفى اليه مسحة من الجمال

الله ينور

Rivendell** said...

جين العزيزة .... انا فاكراكي وعارفاكي طبعا يا قمر ماكانش سلام مراكبية صدقيني

Post a Comment