كلنا نريد لحظة حزن و تأمل وان لم تفعل السينما ذلك فلا يوجد فائده من وجودها اصلا0
المشهد الاول
اجمل شوت فى تاريخ السينما المصريه من وجهة نظرى العظيم احمد زكى مستلقيا على السرير المعلق بين شجرتين ناظرا للسماء فى اخراج عبقرى للعظيم عاطف الطيب وموسيقى تصويريه رائعه مشهد يشعرك بقشعريره تسرى فى جسدك0مع ان الفنان عبد العزيز مخيون افسد المشهد بدخوله للقبض على(منتصر)_احمد زكى_الا ان ذلك المشهد علامه من علامات السينما الخالده0
المشهد الثانى
عبد الموجود (عزت العلايلى)يلقى نظره على جسد ابنه مصرى(عبد الله محمود)ويسأله ظابط الجيش :ابنك ده يا عبد الموجود0
ينكر عبد الموجود فى ظل بكاء ان لم تبكى معه فاعلم انك فقدت الاحساس 0مشهد عظيم لصلاح ابو سيف موسيقى تدمى القلوب لياسر عبد الرحمن قصه رائعه ليوسف القعيد انه فيلم المواطن مصرى0مع اداء رائع لعمر الشريف يجعلك تحزن على حال ضعفاء تلك البلد0
ومشهد سياسى اخير لاحمد زكى فى فيلم معالى الوزير قال فيه:الشر 00الورم الخبيث اللى بيبدا بميللى وبعد كده يفضل يتوسع يتوسع لحد ما يسيطرويبقى الشرمزاج 00السرقه كيف 00والسلطه ادمان0
الكلام ده فكركم بحاجه؟؟؟
5 ليف يور كومنت هير بليز:
و أخيراً حد غاوي سينما... الله يفتح نفسك يا شيخ
عادل إمام في فيلم طيور الظلام لما كان بايت لأول مره في فندق خمس نجوم هو و يسرا بعد ما البلية لعبت ... قال فيما معناه و هو بيبص للقاهرة الساحرة في الليل من على ارتفاع
((البلد دي بتبقى حلوه أوي لما نبصلها من فوق... لكن من تحت... زحمة و دخان و قرف))
وحيد حامد ده سيناريست صايع.... عارفين إنه بيجهز لفيلم عن العبارة السلام 98... هايبقى فيلم تحفة
متكاظي هتتحرم من الشيكولاته في المعتقل
المواطن مصري اخراج عاطف الطيب
مصري مات ياباعبموجود
اي والله مصري مات يابا
لالالالالا
انتى اللى هتتحرمى من متعة اعتقالى المواطن مصرى اخراج صلاح ابو سيف
واثق
جدا
راجعى معلوماتك
إخراج صلاح أبوسيف طبعا
اما عن مشهد تانى ففيه مشهد من فيلم عندما يأتى المساء
حدّ شافه ؟
فيلم فيه أداء عبقرى من فريد شوقى وسناء جميل بقيادة الرائع هانى لاشين
الفيلم كان فى منتهى العذوبه عن قصّه لنجيب محفوظ
والمشهد اللى أقصده هو مشهد النهاية لما فريد شوقى بيضحك على سناء جميل وبيعمل إنه مات
نوع من المداعبه التقيله شويّه علشان ماتخاصموش تانى وبعدين بخفةّ دم فظيعه بيغمز لها -ولنا- بعد مانكون اتخضّينا احنا كمان
ويقفل الفيلم بموسيقى عبدالوهاب الرشيقه
مشهد تانى ماأقدرش أنسبه غير للممثّل العبقرى
محسن محيى الدين من فيلم إسكندريه ليه؟
لما بيمثّل جوّه الفيلم مشهد من هاملت فى المدرسه
فى كل مرّه باتفرّج فيها على المشهد ده بيفاجئنى محسن محيى الدين
كل مرّه أشوفه فيها لازم يبهرنى رغم إنى بابقى مجهّز نفسى علشان مااتأثّرش !!
وثالث لسعاد حسنى فى فيلم موعد على العشاء فى النهايه هىّ وحسين فهمى , لما بتاكل من السمّ علشان يأكل منّه حسين فهمى ويموت
ورابع لعزّت العلايلى من فيلم أهل القمّه لما سعاد حسنى -بنت أخته فى الفيلم- بتواجهه بإن كرامتها هى وأمها اتهانوا فى بيته طول الوقت من مراته وهوّ مش قادر يعمل حاجه بسبب مرتّبه الحكومى وعصر الانفتاح
ومشهد خامس ل تحيّه كاريوكا و فريد شوقى فى فيلم آه يابلد لمّا بيقعدوا يفتكروا أيام زمان وهمّ لسّه شباب
وبعدين تقع باروكتها وتسيح الصبغه اللى على شعره
مشهد فوق الوصف !!
وكفايه كده المرّه دى !
Great site lots of usefull infomation here.
»
Post a Comment