Thursday, May 11, 2006

حزب وطنى


حزب وطنى...حزب وطنى
يلا انضم لحزب الاوطان
و المطلوب يا زعيم الشجعان
تغرق كام غلبان
تلف جتتهم بالاكفان
وتمشى فى جنازتهم حزنان
تجرى ورا الفلوس
وتدوس على الابدان
تسرق الناس ببجاحه
وتكون خنزير حيوان
توطى راسك
وتبوس ايادى السلطان
تلحس جزمته
الى ان يظهر اللمعان
تصلطح قفاك وتقول
اضربنى كمان وكمان
ضربك احلى من الزبيب
ومن تفاح الجنان
تضحك وتكركع
لما يشبهك بابو قردان
انسى رجولتك
وكون من النسوان
اشرب واسكر
وصلى لما يقيموا الاذان
هى دى المواصفات
أوعاك تكون انسان
اوعاك تدافع عن الحق
خليك فاسد تكون كسبان
عيش حياتك خادم مطيع جبان
فار من الفيران
ومع الفقران
كون كلب سعران
كل لحمه ..اشرب دمه
وعزى أهله فى الجرنان
لو بقيت كده
فأنت من حزب الاوطان
اهلا بك
وسط زمرة الانتان
.

8 ليف يور كومنت هير بليز:

Anonymous said...

برافووووووو احييك هو ده الحلم المفزع اللى عمرنا ما هنصحى منه

Unknown said...

young mam
المشكله انه واقع وبسلبيتنا عمرنا ما هنصحى.

Anonymous said...

وازاى هنصحى واحنا كلمتنا المفضله امشى يا بنى جنب الحيط

She said...

وهنفضل ماشين جنب الحيطه دي لحد امتي

الحيطه الي كلنا مدارين فيها دي لازم تتهد
مين يجي يهدها معايا؟

zemos said...

دا الألذ بأه إن في ناس ماشيه (جوا) الحيط مش جنبه

jeen said...

حلوة يا متكاظى .. بتعبر عن الحقيقة المرة

كلنا عارفين ان التغيير هو الوضع الوحيد المقبول .. لكن السؤال المهم جدا .. ازاااااااااااى؟

ازاى والسلاسل فى ايدينا ورجلينا بضغط الحكم .. ولساننا معقود بضغط اهالينا م الخوف علينا.. ومن كتر الضغط والكبت ابتدينا نحس انه فعلا مافيش امل .. واتملت قلوبنا مرارة وحزن .. و فى عقولنا انفجرت الافكار فى براكين بس للأسف .. هى مدمرة بس مدمرة لمصدرها اللى هو الانسان نفسه .. لانها براكين لجوا جوا .. خلااااااص تعبنا .. وقرفنا .. وربنا يستر علينا فى الايام ال..... الصعبة دى .. قولوا آميييييييين

Unknown said...

young mam
حيط مين الحيط ده هيتهد على دماغ اللى ماشى جنبه.


شيماء
هنهده معاكى ونجيب الطوب و نحدفه فى دماغهم لحد ما تتكسر.

مورو

على رأيك ده الحيطه نفسها اتبنت فوقيهم

جييين

ااامين

Anonymous said...

Hey what a great site keep up the work its excellent.
»

Post a Comment