نستاهل اكتر من كدة

ايه الحكاية ؟

مش شايفين ان العملية زادت عن حدها ؟؟

مش شايفين ان سكوتنا زاد عن حده ؟؟

ايه اللى خلا ولاد الكلب دوول يتفرعنو كده ؟.., اكيد احنا السبب .., اكيد جبننا وخوفنا وسكوتنا هو اللى عمل كده

هنستنى لما كل واحد فينا يحصله كدة ؟؟.., ينضرب ويتهان فى بلده .., هنستنى ايه اكتر من كدة ؟؟.., لما القضاة نفسهم بقو ينضربو ويتهانو .., واللى يتصدرلهم يتبهدل بالشكل ده .., لما توصل ان اعتصام سلمى لناس بيأيدو القضاة .., معملوش حاجة غلط يعنى .., يحصل فيهم كدة .., انا مش فاهم .., ايه الفجر ده .., خلاص معادش فيه شوية كسووف يا عمنا .., مالك ؟..., الناس لما بتكبر بتعقل وانت بتتهبل اكتر .., فيه ايه ؟

ايه الافترى ده ؟.., يا أخى حرام عليك .., انت نسيت ان ربنا موجود .., هتعمل ايه يوم متقف لوحدك .., من غير الحرس الجمهورى بتاعك .., ومن غير عربياتك المصفحة .., ومن غير فلوسك وجبروتك .., والادهى انك هتكون عريان .., مش لابس بدل .., ولا قمصانك الواقية من الرصاص .., اصلك مش هتعوزها ساعتها .., هتكون واقف قدام ربنا .., وبيسألك على كل واحد فينا .., وهيسألك على كل واحد ظلمته .., وهيسألك على حقنا اللى ضيعته .., وعلى بلدنا اللى بقت جعانه .., هيسألك عالناس اللى مش لاقية التربة حتى تنام فيها .., والناس اللى بتدور فى الزبالة على لقمة .., هيسألك عن الناس اللى كل يوم بيموتو ويتعذبو فى معتقلاتك الكتييرة .., هتقوله ايه ساعتها ؟؟.., هتنده العادلى يرد بدالك .., مش هيكون فاضيلك .., هيكون بيتنفخ شوية لحد مييجى دوره .., عمرك مفكرت فى اللحظة دى ؟؟ .., أكيد مفكرتش .., ده انت زعيم يا راجل .., الحاجات دى متجيش على بالك .., انت معندكش وقت للحاجات دى .., لسه فيه ناس عندها لسنة متقطعتش .., وناس عندها قلوب بيضا متوسختش .., وناس قادرة تقول لا وكفاية .., مطلعتش عين امهم .., انت مش فاضى

تعرف .., احنا اللى خليناك كدة .., واحنا نستاهل يحصل فينا اكتر من كدة .., احنا اللى نستاهل ..