مسلوخ فيك الحق يا وطن الديابه
مدبوح فيك العدل
ضاع فى ضلمة الظلم حق الغلابه
بموافقة كام فسل
قانون طوارىء
سيف على رقبة العباد
امر بيه سلطان الفساد
اسجن00 عذب00اسحل
كله بأمر الظالم
زعيم لصوص البلاد
بلد بترفرف من الالم
تجر رجليها تنزف دم
طظ فيك يا وطن
قالها اللى حكم
ارمى روحك فى اقرب يم
امتى يا شعب يا مطاطى
تركب خيول الشجعان
ترفع سيف الحق وتنادى
ولى حكم الظلم والطغيان
ومهما طال الزمن يا عبيد السلطان
ياللى حكمتم مصر فى غفلة زمان
هتندفنوا جنب كلاب السكك والجرذان
وهترفع مصر هامتها
فوق اللى حكموها من الخصيان
عمرهم ما كانوا رجال
ولا هيكونوا كلاب الشيطان
ويا مصرى يا مسجون
ورا القضبان
شق قلب السكون
وغنى بقلب فرحان
وقول بأعلى صوت
مسيرك يا مصر تعيشى
ومسير الكلاب تموت
9 ليف يور كومنت هير بليز:
مسير الكلاب تموت
ومسيرك يا مصر تعيشى
هتموت يا احمد
الكلاب مش مصر .., مصر دايما عايشة .., ده اللى هما مش واخدين بالهم منه .., هتعيش وتدفنهم كلهم
ولانهم كلاب ..مسعورة .., محدش هيزعل عليهم .., هنتف عليهم كل ما تيجى سيرتهم .., والتاريخ مفيهوش موالسة ولا تع... , هتعيش يا احمد .., طوول عمرها عايشة .., وهتعيش
هتعيش لان فيها ناس زيك يا احمد
هتعيش لان فيها شباب زي الفل حاسس و عايز يعمل و هيعمل
هتعيش لان هي حياة ، في كل لحظة فيها حركة و حب و خناقات و مرض و بلطجة و صياعة و فهلوة و خير بالكوم و دعا الوالدين و كل ما هو مصر
هتعيش لانها بتتنهب من 7000 سنة و لسة فيها فلوس ينهبها الواد و اصحابه
سبحان الله علي دي بلد
وعلي دا شعب
قالو مسلمين للسخره وللملك والبشوات
قامو ضد الملك والبشوات وصادرو فلوسهم وطردوهم بره البلد
قالو مش هيقدرو يعملو حاجه وجم تلاته كبار يضربوه
وقفو قدام التلاته الكبار وخرجوهم قفاهم يأمر عيش
وقعو تاني واتنكسو وقالو دي الضربه اللي مش هيقومو منها لمده 50 سنه قدام والشعب الدمر والمعنويات بقت في الحضيض
لكن قامو تاني وادوهم علقه تمام وفرجو عليهم امه لا اله الا الله
عملو سلام وقالو اخر حرب قلنا وماله
عملو انفتاح وقلنا وماله
المخدرات ملت البلد وقله مش عيب لما الشعب يتكيف
بقو متدينين ودافين راسم في الرمل قلنا مش عيب خليك مع الله
قالو دي عزبه ابونا واحنا حرين سكتنا برده ماهو احنا غلابه
قالو دول احم لا مؤخذا عيال
طب مش هما عيال ليييييه قبضتو عليهم وحطتوهم في المعتقل
ماهم عيال شويه وهيسكتو
لا دول مش عيال ياباشا دول مش هاممهم روبي ونانسي وهيفا
دول بيقولو دمقراطيه وحريه تعبير وطواريء
الله الله ايه دا
العيال دي بتقول ايييييييه وايه الكلام دا عرفوه منين
والله النمله كبرت وبقي لها سنان
عدوووووووووولي جهز حميرك قصدي جهز رجالتك بعصيانهم وخليهم يجيبو العيال دول في الاوبرج شويه لازم ينسو الكلام دا
دول كده هيعدو الباقين ويلفتو نظرهم لحاجات كبيره عليهم
امتى يا شعب يا مطاطى
تركب خيول الشجعان
ترفع سيف الحق وتنادى
ولى حكم الظلم والطغيان
يقول ابو القاسم الشابي في مطلع هذا القرن
اذا الشعب يوما اراد الحياة
فلابد ان يستجيب القدر
ولابد لليل ان ينجلي
ولا بد لليل ان ينكسر
*********************
كلامك جميل .. وليه معاني حلوة جدا .. بس لو انت حبيت تكتب الشعر فانصحك بالقرايه فيه لان الشعر ده نعمة من الله لا تعطي الا لمن يستحقها .. ونعم الله لابد ان تعامل بالطريقة الائقة
انا حبيت اقولك الكلمتين دول علشان تعرف انا قد ايه بحب الشعر .. وانت كلامك جميل فعلا بس ما تستعجلش علي نفسك واقرا
ست شيماء هانم
كلامك جامد جدا يدل علي شخصية تعي جيدا ما يتم وما يدور في العلن او في الصدور
بصراحة اوفقك الراي السديد .. وارحب ان كان عند جديد
فانا دائما اهوي التغير .. ولا اغضب ولا اغير ان سبقني احد الي تطوير
بس احنا مش عيال يا ست شيماء هانم
يا ريت لو تزور مدونة الاتحاد
http://et7ad-modwnin.blogspot.com/
كلامكم كلكم عظيم يا جماعه.. متكاظي و شيماء و آدم المصري
أحمدك يا رب..بلوجنا اتشهر و الأهم ان ناس محترمه اللي بيعلقوا على بوستاتنا
:)
انا مقلتش انكو عيال
:D
دول هما اللي بيقولو مش انا
:P
شكرا لكل اللى علقوا على البلوج
وشكرا يا ادم على تعليقك
بس انا لا ادعى الشعر ولا اجرؤ اقول على نفسى شاعر
هى احاسيس بتطلع وتتكتب يمكن شعريا مش قويه للدرجه بس انا بستريح لما اكتبها
اعتبرها تهييس مش شعر علشان الشعر ما يزعلش منى
اكرمكم الله
Where did you find it? Interesting read Audi a4 pics pcv valve for mazda protege Botox heilpraktiker healthy weight loss Oxycontin abuse symptoms Celebrity plastic surgery without makeup wholesale video games Uv in duct air purifiers Prizes roulette American laser hair removal cost buy cheap provigil Advance watch 47440 Leadership accredited courses Hp q2612a 12a black toner cartridge Decorating design idea interior
Post a Comment