عبقري
والله العظيم عبقري
بجد نفسي اعرفه
المبدع
قال ويقولك "نستراداموس" أحسن متنبئ في العالم
بذمتكم ده كلام
ياما نفسي حد يدلني عليه
المبتكر
الجهبز
الفلته
!!!!اللي صمم علم مصر
نظره مستقبلية مبدعة...يعني زمان كان العلم بتاعنا مش كدا...
كان اخضر...والاخضر ده رمز للنماء والسلام والرخاء في كل الحضرات
وفي وسطه هلال..زوده لأن مصر كانت-للي مايعرفش- اسلاميه..والهلال هو شعار الاسلام
والعلم ده كان ايام الملكيه -واخدين بالكم الملكية - راح معاها
ومع بداية العصر الجمهوري كان لازم يتغير العلم
فاتحط العلم اللي محطوط فوق عندكم ده
قوم أنا من صغري كان نفسي افهم اشمعنا الالوان واشمعنا النسر
بس فهمت معناهم من فترة
والله الهام من ربنا
كنت راجع من القاهره ولقيت كشك ع الطريق صاحبه دهنه لون العلم
وساعتها لقيت الفكره منورة في دماغي
عرفت العبقري اللي صممه ده كان قصده ايه
شال الهلال وحط النسر...لأنه كان عارف ان مصر ماشية في سكه بعيده عن الاسلام والتدين ومتجهه للعلمانيه..فجاب رمز دنيوي يستمد قوته من طاقه حيوانيه همجيه..وياريتهم سابوه على حاله...دول قصقصوا ريشه ولموه"راجع بريزة زمان قوي...وبريزة زمان مش قوي"0
والالوان....ياسيدي ع الالوان
الاحمر...الفترة الاولى في الحكم الجمهوري"الرئيس الراحل جمال عبد الناصر وأول حكم الرئيس الراحل برضه السادات" ودي كانت فترة ثورة ...وتصحيح..وحرب ..ونكسة ...واستنزاف...وتأميم..ونصر ...واللون الاحمر هو المعبر عن روح الثورة
الابيض...لون السلام وده رمز السلام وبيمثل فعلا تاني فترة في حياة مصر ...بعد حرب اكتوبر والسلام والكلام اللي انتم عارفينه
الاسود...ودي قمة العبقرية...ختمها بلأسود...حد يقولي كان يعرف منين ان الايام اللي بعد كدا سودا
طب حد يدور عليه ويقوله ...في حاجه بعد كدا...ولا ده اخرها
يعني نستنا معاليه اللي ها يدينا كلنا لقب الراحل على ما يرحل وبعد كدا هاتنور...ولا خلاص كدا...ومعاليه هايناولها-لامؤخذة في الكلمه- للي ها يجيب درفها اكتر من كدا
بذمتكم مش الراجل ده يستاهل جايزة...واسمه يتحط في موسوعة جينيس
18 ليف يور كومنت هير بليز:
تحليل ممتع بس ان شاء الله الى جاى احسن لازم يكون عندنا امل فى الحياه و مادام ذقنا طعم الذل فى القترة الاخيره من تاريخ مصر اما ندوق الحريه هنعرف قيمتها و ما نفرطش فيها
ربنا معانا
ههههههههههههههههههههههههههههههه
تصدق انه فعلا عبقرى
يااااااااااااه
وانا اللى كنت فاهمة غلط خالص
بيقولوا ان بعد اللون الاسود
هيكون فيه لون محمحى
وده هيعبر عن المرحلة المحمحية اللى هنعيشها بعد كدة
تحياتى ليك
اختك خيخة
والله يا حلم الواقع نظرية الكباية ها دنيها قائمة...وبما انك مؤمن بالحرية ...فمن حقي اني اقلك انها سوده
سوده
ياولدي
بت يا خيخه
شكلك كدا كنت عرفاه...وهو اللي فتنلك عن موضوع المحمحي ده....صح؟؟؟؟
نورتونا يا جماعه
رائع يا مليجي
بصراحة كنت فكرت في الموضوع ده من زمان و جوايا استفسارات ،زمان و انا صغيرة في ابتدائي - من حوالي ربع قرن كده- كنا كلنا بنعرف ان الاسود رمز الاستبداد و الاستعمار و الايام السودة و الافلام دي اللي البلد عشات فيها ، و الاحمر دم الشهداء ، اللي حرروا البلد من المستعبدين ، و الابيض رمز السلام و دي خطة البلد في السنين الجاية ، قصدي اللي فاتت باعتبار اني كنت لسه في ابتدائي .
لكن البت بنت اختي الوقتي في حضانة و سمعتها بتغني اغنية العلم و اسمع يا سيدي ..
علم بلدنا 3 الوان ..
الاحمر كله حنان ..
والاسود رمز القوة ..
و الابيض رمز سلام .. - ترفع ايديها و تعمل باي باي -
عاش بلدنا عاش عاش عاااااااش ..
اللي هينقطني في الموضوع ده الاحمر و الحنان ، يعني ده بيدل على ايه .
و انا من هذا المزنأ بقول : نفسييي اعرفه !!!!!!
اللي علم البت النشيد ده
ياللا و اخر الكلام سلاااااااام ..!!!
ان شاء الله بيضه يا سيدى
و
دى دعوه منى تزور مدونتى
http://asmaaessam.blogspot.com/
وابقى ادينى رايك انا جديده فى موضوع التدوين ده
مع الشكر
قمة الابداع
قمة العبقرية
قمة البلاغة
مصر تتحدث عن نفسها
تحياتي
وفلحنا في حاجة
هههههه
تحليل عبقري وممتاز ويستاهل عشرين من عشرة
تصدق انا عمري ما فكرت اصلا ايه مدلول العلم بتاعنا
مش عارفة انا الناس بتفكر في حاجات غريبة ليه
:D
عندك حق بجد
بس هما المفروض حاليا يشيلوا النسر و يحطوا بداله موبايل
وجعتنا قوي رغم إنك ضحكتنا قوي
تحياتي
KING TOOOT
سوري لو كان في حد لا سمح الله كان مستني رد على كومنته واتأخرت عليه...بس دعاكم ليا ولشعب المتكاظين...لحسن مزنوقين موووووووت
صورة
والله يابني انا كمان عايز اعرفه بتاع الحنان ده....ده اللي بيقولوا عليه الشاعر الظلنطحي تقريبا...ربنا بس يستر ومش يضيفوا الشعر ده في تحية العلم لحسن دي تبقى مصيبة...ونورت ياعمنا
حلم
انا لبيت الدعوة...وسايبلك كومنت هناك...واوعدك في القريب العاجل اخش اقرا...اعزريني بقى ما انت زميله
صانعة الاحلام
نورتي البلوج....وايه حكاية القمم معاكي...وعموما متشكرين عليهم ياسيتي...وعقبال قمة افرست يارب
اسما
والله يابنتي اللي يخلي الواحد يفكر في حاجات غريبة يا الفراغ الجامد جدا...يا زنقة الشغل الجامدة جدا...واعتقد اني في الاخيرة
عم الملك توت
بجد نورت...انا قلبت في بلوجك حبه بس لسا ما محصتوش...اسلوب الشعر اللي انت كاتبة حلو جدا ..عجبني....انا مش مثقف شعريا اوي...بس بحب اقرى فيه يعني...ويارب نلقيك ع الموجه كدا لما ننقب باقي البلوج :)
عم انومينس الاخراني
مساء الخير يا باشا...يعني هو انا كان نفسي بما انك كاتب بتتكلم عن الدراسة اللي انت عاملها اننا نتشرف بيك يعني لو كنا قد المقام...ومتشكرين ع اللينك
هههههههههههههههه
تصدق فعلا تحليل منطقى منطقى منطقى
و اعتقد ان مش فى تغير تانى ولا لون تانى
لانه الحمد لله قاعد قاعد قاعد
لانه لازم يطمن على العالم كله و انه كله ادفن فى فى احسن مدفن و بعدين بقى يودع هو
ناس طيبين قووووووى ياخال بس احنا اللى ظلمنهم للأسف
:D
اه صحيح لو عرفت مين اللى صمم العلم ابقى قول بلاش تحتفظ بالمعلومه لنفسك
^_*
تحياتى
(:
اه والله تصور يا راجل
انا عمري ما خدت بالي من الالوان دي
بس انا طول عمري عاجبنى العلم الاخضر اكتر
بس فى مشكله
دلوقتي الالوان دي كلها اد بعضها فى العلم
واحنا يا اخويا الاسود بتاعنا بقى الضعف ليه
الا يكون الاسود ده معاه علامة مالا نهايه الى هي ضلمه بقى وانت ماشي وده اخرها
يا لهوي
يااااااااالا ادينا مستنين اخرها من عنده بقى
بس ممكن سؤال بما اني اول مره اجي هنا هو يعنى ايه نتكاظي
والسؤال التاني بقى معلش انتم خفيتم الحمد لله ومين الي قاعد ده فىالبوست الى فات وبيقول ايه اصل السماعه عندي بايظه
تحياتي لكم
انا داخلو اقولك كل سنة وانت طيب
تقبل الله منك صالح الاعمال وجعلك من عتقائه
وعليكم السلام
أتمنى التوفيق لهذا الموقع القيم جدا
وفعلا محتوى الموقع مفيد جدا واستفد منه الكثير
www.fr7ty.com/vb
www.fr7ty.com
هههههههههههه
مظبوط أوي
نظرية برضه
:)
عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل
ومالها العلمانية؟؟؟؟
العلمانية مبتكفرش الشعوب لكن بتمثل اتجاهات سياسية داخلية وخارجية
اعتقد هانرجع نجيب الالوان من الاول
يعني اللي جاي احمرهههههههههههههههه
Post a Comment