!!!!!! وهل نتسول حقوقنا

Sunday, February 24, 2008

http://atebaabelahokook.blogspot.com/

2 ليف يور كومنت هير بليز:

zordeak said...: حسبنا الله ونعم الوكيل

تصرفات الحكومة العزيزة بتقولنا بالفم الملياان اخبطووو دماغكم فى الحيييييط

انتو ازاى تتعبو فى الثانوية العامة وتجيبو مجموع كبير

وازاى تدخلو طب وتتبهدلو سبع سنين وتدوخو دوخة المحتاس فى مولد ابو خليل

وازاى تبلغ بيكو الوقاحة انكو تطلبو فلوس بعد ده كله

الطب يا سادة مهنة انسانية الى اقصى الدرجات

والانسانية هيا اللى هتأكلكو

وهيا اللى هتشربكو وتلبسكووووووو

الانسانية يا حضرات الاطباااء

انتى مش مؤمنين ليه بمبدأ مجانية الخدمة الطبية

لازم نعالج الناس ببلاش وانتو كمان متاخدوش فلوس علشان يبقى فيه تكافؤ

وازاى يا دكتور منك له له ليها تقولو انكو مبتاخدوش مرتب كافى

بتاخدو 250 جنيه كل حنيه ينطح جنيه شوفو بقى يا مبذرين هتعملو ايه بالمبلغ ده

لازم يعنى تصيفو فى الريفيرا وتعملو سافارى فى الغابات الاستوائية

مالها مارينا ومنتجعات شرم الشيخ مش عجباكو

عالم تخاف متختشيش صحيح

وبعدين مش عاجبكو اللى يسوى واللى ميسواش يطلع يقول عليكو دكاترة خيخة ومش عارفين حاجة

ما انتو تستاهلو مهو اللى زيكو واستحمل كل الهم ده لازم يبقى ملطشة اللى يسوى واللى ميسواش

الانسااانية يا سادة اسم اللعبة

لازم تحتفظو بالبرستيج بتاعكم وتفضلو تتهزأو وانتو راسكم فى السما

واحنا بنحب نطمنك اننا بندرس مشروع جديد يتيح للطبيب انه ياخد بدل ضرب قفا مبلغ خمسين قرش غير شاملة الضرائب

وبدل تهزىء وبعترة كرامة شامل السب والقذف وده هيبقى مبلغ خمسة وتلاتين قرش مصرى لا غير

ايها الاطباء فلتتحملو الى النهاية ولتظلو صامدين ولتنعمو بجنة الخلد ان شاء الله فى الحياة الاخرى

نداء الى كل أب عاقل والى كل ام حنونة

لو جالك ابنك وقالك انا عايز ادخل طب ادوله بالجزمة

ولو شفتوه بيذاكر ادوله على قفاه

وقولوله انزل يا حمار العب كورة مع العيال يمكن ربنا يرزقك وتطلع لعيب جامد ونفرح بيك يا رب

:(

كفاية خلاص علشان انا اتفقعت; 2/25/2008 01:56:00 AM
Empress appy said...: والله انا بشفق على اصحابى الدكاترة ربنا يهدها حكومه من كبيرها لصغيرة بس انت مدونه اسم على مسمى بتخلى اللى يجى عندك يتكاظى موووووووووت
طيب ومسمعتش عن الاخت المبجله بوسى نفير اللى بتقول الرقص رساله زى الطب هههههههههههههه; 3/05/2008 10:05:00 AM