.jpg)
ان نفرح نرقص ننفجر ضحكا و صخبا ، ان ننطلق الي الطرقات تهليلا و غناءا،
عن الفرحة و الفوز و الثقة في اسم الوطن و الانتماء اتحدث،عن يوم فوز مصر بنهائي كأس افريقيا للمرة الثانية علي التوالي مع الثعلب العجوز حسن شحاتة.
لن اصف مظاهر الفرح لأن جولة بسيطة او حتي وقفة سريعة في شرفة اي منزل تكفي لأن تعرف ، لكني لم اتخيل كم ان هذا البلد و اهله كانوا عطشي للفرح بهذه الصورة ، و كم ان الاشياء البسيطة تكفي لصنع السعادة الا بعد هذا الموقف الذي سأحكيه:
أ/ سيد مدرس لغة فرنسية و رجل بشوش جدا و بسيط
مصطفي ابنه عنده 15 سنة و مصاب بورم خبيث جدا في عظام ساقه و يحتاج الي بتر فوق الركبة (شفت الكآبة اللي نزلت فجأة دي ، لازم ، مش انا اللي بحكي)
الولد سيتم حجزه غدا(تاني يوم الماتش) كي يجري العملية و رقمي مع والده كي يبلغني باتمام اوراقه حتي احضر لحجزه
اليوم و بعد صفارة الحكم مباشرة الهتف يدق ، ارد ، ياتيني صوته فرحا مبتسما مهللا و يقول "اتصلت لاقول لك مبروك " فقط و بسعادة حقيقية تماما
لقد كان هذا النصر سببا في لحظة من عصير الفرح لهذا الرجل المطحون
لهذا فرحت
و احببت هذا النصر
4 ليف يور كومنت هير بليز:
والله تصدق اللى يدور على سبب يفرح عشانه هيلاقى :)
بس بجد الماتش فرّح ناس كتيير منكرش انى اكيد كنت منهم
ربنا يفرح شباب المنتخب دايما زى مافرّحوا ناس كل حلمهم انهم يفرحو من قلبهم:)
أسلوب كتابة البوست حلو بجد :)
السلام عليكم
ربنا يفرحنا و يسعدنا كلنا يارب
بس بجد أنا متاضيق إن الطاقة و الإنفعال اللي كانت جوانا خرجت في صورة فرحة علي ماتش إحنا مشاكلنا كبيرة مش ماتش هو اللي هيسعدنا و يحل مشاكلنا ده نوع من أنواع التخدير في رأئي أتمني بجد أكون غلطان بس أنا مقتنع جدا بكلامي ده
الفرحه كانت جامده عشان الحزن اللى مالى الشعب ده كان جامد
وفيه احساس بعدم الانتماء للبلد دى من كتر الظلم اللى فيها وغياب العدل واحترامنا كبنى ادمين و كرامتنا اللى اتداست من احقر شعوب الارض
يهيألى ان ده حالة انتماء بعيد عن الفساد واللوع والكدب والظلم وروس اترفعت بعد ما كانت مكسوره
حتى لو كان السبب ماتش كوره هايف زى ما ناس بتشوف
عشان الناس بيما فيهم احنا بندور على حاجه حلوه فى البلد اى حاجه عشان نحس بقيمتها ونفتخر اننا منها بدل ما نقول لما يجوا يرحلونا من ايطاليا احنا فلسطنيين ونتنكر منها عشان ما نرجعلهاش
عاش شباب مصر اللى رسموا فرحه على وش الغلابه
هى فرحة الغلبان شويه؟
احنا غلابه قوي اي والله
ويا بخته اللي يفرح غلبان
والجدعان اللي جابو الكاس والفرحه برده غلابه زي حلاتنا مهماش بهوات ولاد بهوات
راضعين الغلب من الميلاد والله
ربنا يكرمهم ويعطيهم زي ما فرحو كل غلبان فينا
Post a Comment