إعلانات إعلانات إعلانات قبل الفيلم و بعد الفيلم و ف وسط الفيلم...
حلقة فتيات الليل و مضيفات البارات...اعترافات جريئة... ضيوف مشمئزين م اللي سامعينه و شايفينه... و ضيوف ثايرين
كل ده و أكتر مع هالة شو... و مشششش هاتقدرررر.... تغمض.... عينيك
تتفرج عالحلقة تتنح.. إزاي كده.. و انت عارف إن كده بيحصل... بس مش كده... و إن كان كده... فالموضوع كله طلع كده و كده
امبارح على قناة المحور في برنامج (تسعين دقيقة) كله انكشفن و بان... بالنسبه لي ع الأقل يمكن منكم اللي قرا أو سمع الخبر في مكان تاني...
اللي قاموا بدور فتيات الليل في الحلقة بنات م اللي بيحضروا الـ(تووك شو) بتاع الـ((دكتوووره هالة)) واللي بيجيبهم و يقعدهم الريجيسير قدام عشان الصورة تطلع حلوة و القناة يجيلها إعلانات أكتر نتيجة زيادة نسبة المشاهدة و بالمرة يسقفوا و يصوتوا و يصفروا لنجوم الحلقة و يترقصوا مع الأغاني و طبعا مننساش نسقف برضه لبعض تعليقات( فـَقـيـعـَة) من مقدمة البرنامج عشان الإحراج
الواحدة بدل ما تقبض تلاتين أربعين جنيه في الحلقة... عرضت عليهم الإعلامية(المخضرمة) مبلغ عشر أضعاف اللي هاياخدوه مقابل تمثيل دور فتيات ليل و اتفقوا معاهم على سيناريو قابل للخروج عن النص عشان الـ (شو) يسخن... (آه يا ولاد الـ...) .. و
ماتقلقوش هانغير الصوت و هانلغوش ع الصورة... ماشي؟!.. أوك
سبحان الله... من قلة اللي في شارع الهرم وللا شارع جامعة الدول العربية رايحة تأجر ممثلين
الصورة ماتلغوشتش عدل... و أهالي عرفت بناتها... و واحد كان جايب (بلوفر) لخطيبته (اللي عملت فيها فتاة ليل) و شافها بيه ع التليفزيون... و واحده أهالها صعايده... و يادي الفضيحة اللي بجلاجل...يادي الجرسة أم حناجل
مش هاكمل.... ولا هأتكلم على سمعة مصر ولا على الكسل الإعلامي... أنا بس عايز أقول...
للبنات: بيتهيألي الدرس كان تمنه غالي.. ربنا يهديكم
لسمو الأمير الوليد بن طلال:... كـ بيزنس مان.. ما أظنش ابقاءك عليها في إحدى مؤسساتك من أصول البيزنس... حتى لو برنامجها بيصرف ع القناة م الإعلانات... صح؟
و يااااااااااا ست هالة سرحان.. انتي برضه ابنك من عمري و واجب أنصحك P:... كفاية عليكي كده... و آن الأوان نقدر نغمض عينينا
...........................مدام هالة..... لولا إن ريقي ناشف
moroتحياتي
15 ليف يور كومنت هير بليز:
انا بقي ريقي مش ناشف
اتفووو عليها وعلي امثالها
كدة تسبقنى وتعمل بوست عن الموضوع المقرف ده؟؟؟؟
والله كتر خيرك لانى من القرف مكنتش عارفة اكتب ايه
فعلا حاجة تقرف والحمد لله انها بانت على حقيقتها قدام الناس .. لان ربنا بالمرصاد ويمهل ولا يهمل
حسبى الله ونعم الوكيل فيها وفى كل حد بيبع ويشترى فى احلام الناس الغلابة واعراضهم وسمعتهم
الغاية عندهم تبرر الوسيلة بأى شكل وبأى طريقة مش مهم
المهم انها تعمل الحلقات وتفرقع الدنيا
داست على رقبة مين بقا مش مهم
بجد هالة دى إنسانة مقذذة وقذرة جدا
كتك القرف يابتاعة انتى
هو انا ماشوفتش الحلقة دى اللى انت بتتكلم عليها يا مورو لأنى تقريبا بطلت اشوف تليفزيون بيكوز مافيش وقت
لكن دا مش جديد على هالة سرحان .. دا الطبيعى بتاعها يا راجل .. وان طلع العيب من اهل العيب مايبقاش
عموما ربنا يهديهم جميعا
مممممممممممممم
ولد الصمت مطبق الشفتين
ولكن
هنا ترى احشاءه من كثرة صراخه
يارب افق ضمائرنا بماء اليقظه
وارجع من شرد عنك اليك
اللهم امين
حبه تهييس بقى
يخورب بيتك انت فين بقالك مده
لأ وايه نازل بموضوع يلسوع
يلا خلينا نسمع عن سيادة حضرتك كل خير
اه شوفت نفسك وانا مكرماك وضيفاك عندى
:)
ايه ده معلش الاغنيه الرخمه دى مسروقه من عندىىىىىىىىىىىى
shaimaa
:)
أتمنى يكون كل كلمة و ل (نقطة رذاذ) وصلتها
انسانة
انفعالك خلاني أبتسم... متغاظه حقيقي و قلبك واجعك... شكرا ع الكوممنت المشتعل
jeen
أحسن .. خليكي كده أحسن ما تشوفيش تيليفزيون... انتي كده ميه ميه
توهة
يا رب نفضل دايما عند حسن ظنك
و شفت التكريم طبعا و مستعد أدفع ايجار الالإعلان عن الإستوديو عندك لو دا يخليكي تبطلي مَن
فيروز ملك الكل على فكرة... خنقتك
نياهاهاهاها
enta b2a aked mshofths 7l2t le nhrda fe 90 d2i2a brdo mofid fwzy etklm we hz2hom we 2a3d ydafe3 3n hala sr7an
bs sd2ni da by7sl fe brameg kter gdn gdn b ey 7sl enaha etkshft msh aktr we msh b3ed y3ni 3n w7da btgeb enas el d3`edy ttklm fe kdaya el mr2a we tgeb shahera ttklm fel den enaha t3ml kda
sd2oni el 3eb msh 3leha el 3eb 3la ely sam7laha enha tkon mwgoda 3l sa7a asln we 3ala fkra kman enhrda wa7ed dr mn kolyt e3lam etklm fe 90 d2i2a brdo we 2al enaha msh m3aha dctorah asln
el3`l6 fe bladna b2a fze3 we b2o el y by3`l6o 3ala wesh e torta fasebha ta5odlaha l7sa
بصراحه انا ماتفرجتش على البرنامج لاني من كارهي هالة هانم وعغمرها مانزلتلي من زور ابدا وعمري ماصدقت كلمه واحده وايام الاعلان عن الحلقه دي قلت انا هاعد واتفرج واشوف الفضايح ببص لقيت نفسي غصب عني بقلب وبغير ومعجبنيش الكلام ومكملتش اساسا خالص
وفعلا ربنا يسترها
الحقيقة برنامج "حلة شو" ملوش حل وكلام مدام حلة بييجى فى هينيا اللى ورمت و مبقتش قادر اغمضها فعلا علشان كده بطلت اتفرج عليه
بما ان بلوجنا العزيز المحترم لا يسمح بالتعليقات الخارجة
......................
فانا مش هقدر اعلق المرة دى
بس خلاص
بصراحة معاك حق يا مورو
لكن الفكرة مش موضوع هالة سرحان بس
انا متفرجتش علي الحلقة لاني مبطلة البرنامج ده من زمااااااااان
الفكرة يا سيدي ان بقي اي برنامج دلوقتي بيجيب المواضيع الشائكة ويعرضها ويناقشها بطريقة وقحة عشان الناس تتفرج
واللي ميعجبوش يقولك بتقيدوا حرية الاعلام
حاجة بقت قرف
كل من هب ودب يتكلم في اي حاجة بس المهم يبقي وقح زيادة عن اللزوم
ربنا يستر علينا بقي
يا باشا يا باشا
انا متخنقش بسهوله
وزى مافيروز ملك الجميع تانيا صالح ملك الجميع برده
وايه نيهاااا الضحكه الغريبه اللى انت مغرم بيها دى
عيب بقى ارحمونا
والحق على انى مكرماك خالص حاخد على الساعه 30 جنيه حلو كده
ومش تحياااتى
عمالين نقول هالة سرحان هالة سرحان
هي غلطانه من ساسها لراسها
الدور والباقي على الراجل اللي شاف البنت اللي جابلها البلوفر وشافها بيه
واللي اهلها عرفوا
هم دول اصلا مش عارفين انهم بيطلعوا يترقصوا في البرنامج
واللا دي شغلانه شريفة
!!
هالة مكانتش حتعمل الحلفة لو ملاقيتش اللي يعملها معاها
الموضوع كله غلط في غلط
وحسبنا الله ونعم الوكيل في شياطين الانس دول
وربنا على الظالم والمفتري
وحغمض عنيا يعني حغمض
وروتانا سينما مش حتقدر تصلي الفجر
:)
علر راي جيين
ان طلع العيب من اهل العيب ميباش عيب
هاله سرحان بصراحه طول عمرى بكره البرنامج بتاعها
بس بصراحه هى زودتها فى الحلقه ديه
من الاخر مفيش تعليق
Post a Comment