عييييييييييييييييييييييييييب .. عيييييييييييييييييييييييييييييييب
وانا اقول مستوى الثقافة فى مصر انحدر كدة ليه
صحيح يا جماعة اذا عرف السبب بطل العجب
اتارى سيادة الفنان الوزير.. وزير الثقافة..واللى بيفتحلنا العالم علشان عقولنا تطير وتبص وتشوف وتفهم هو نفسه محتاج لثقافة
سيادة الوزير مش عاجبه ان نسبة المحجبات فى مصر بتزيد .. وان بقى فيه ظاهرة الفنانات المعتزلات .. دا مش مهم .. دا كان يعدى ..رأيه وهو حر فيه .. جايز هو متحرر شويتين تلاتة
اما انه يقول ان تزايد نسبة المحجبات خلى العالم يبص لمصر على انها بلد متخلف ورجعى بعد ما كان بيبصلها على انها هوليوود الشرق .. فدى سخافة .. وابوخ نكتة ممكن حد يسمعها
وزير الثقافة المصرى بجلالة قدره محتاج لثقافة
ليهم حق فى دول العالم كله يبصوا للاسلام بنظرة متخلفة .. دا وزير الدماغ والفن والحرية .. المتعلم .. اللى المفروض فاهم .. اللى فى ايده عقول اطفال وشباب مصر .. واللى فى مسئوليته فكرنا وانطباعتنا الثقافية قدام العالم كله بيتكلم بمنتهى ............ايه .. اقول ايه بس .. انا علشان بنت مؤدبة مش لاقية كلام يوفيه حقه
للأسف عرفت سبب الجدب الثقافى فى مصر .. اصل وزير الثقافة بتاعنا غير ملته
انا كبنت محجبة .. اتهنت من سيادة الوزير .. اتهمت بالتخلف والرجعية .. ويارتنى اقدر ارفع قضية عليه اطالب بتعويض عن الأذى النفسى
انا يا سيادة الوزير نموذج للفتاه المسلمة المصرية المحجبة .. طالبة دراسات عليا ومجال دراستى هو الاقتصاد التطبيقى .. عضو ناشط بجمعية خيرية .. من هواياتى الموسيقى والأدب .. استمع لسيمفونيات بيتهوفن وموتسارت وباخ وشوبان .. ومقطوعات عمر خيرت ونصير شمه .. واقرأ لنجيب محفوظ ويوسف ادريس والحكيم ويوسف السباعى .. شكسبير و سومرست موم و فلورنس باركلى وتولستوى وجوته و لاروشفوكو ......الخ
متذوقة للفن التشكيلى والرسم والنحت ..متذوقة للأعمال السينمائية .. وكانت لى تجارب فى العمل الصحفى
والأربع بنات المشاركات فى البلوج هم كمان محجبات .. بين 2 دكاترة بشريين .. وصيدلانية .. ومهندسة .. وليهم تقريبا نفس الأهتمامات ان ماكانش اكتر
فان كانت هذه النماذج هى نماذج فى التخلف والرجعية .. فلتبق يا سيدى الوزير فى مكانك .. ولنبحث نحن عن بلد اخر لنعيش فيه
اما ان كانت هذه النماذج هى نماذج مشرفة للفتاة المحجبة
فرجاءا سيادة الوزير .. اترك مكانك لمن يستحق
صحيح يا جماعة اذا عرف السبب بطل العجب
اتارى سيادة الفنان الوزير.. وزير الثقافة..واللى بيفتحلنا العالم علشان عقولنا تطير وتبص وتشوف وتفهم هو نفسه محتاج لثقافة
سيادة الوزير مش عاجبه ان نسبة المحجبات فى مصر بتزيد .. وان بقى فيه ظاهرة الفنانات المعتزلات .. دا مش مهم .. دا كان يعدى ..رأيه وهو حر فيه .. جايز هو متحرر شويتين تلاتة
اما انه يقول ان تزايد نسبة المحجبات خلى العالم يبص لمصر على انها بلد متخلف ورجعى بعد ما كان بيبصلها على انها هوليوود الشرق .. فدى سخافة .. وابوخ نكتة ممكن حد يسمعها
وزير الثقافة المصرى بجلالة قدره محتاج لثقافة
ليهم حق فى دول العالم كله يبصوا للاسلام بنظرة متخلفة .. دا وزير الدماغ والفن والحرية .. المتعلم .. اللى المفروض فاهم .. اللى فى ايده عقول اطفال وشباب مصر .. واللى فى مسئوليته فكرنا وانطباعتنا الثقافية قدام العالم كله بيتكلم بمنتهى ............ايه .. اقول ايه بس .. انا علشان بنت مؤدبة مش لاقية كلام يوفيه حقه
للأسف عرفت سبب الجدب الثقافى فى مصر .. اصل وزير الثقافة بتاعنا غير ملته
انا كبنت محجبة .. اتهنت من سيادة الوزير .. اتهمت بالتخلف والرجعية .. ويارتنى اقدر ارفع قضية عليه اطالب بتعويض عن الأذى النفسى
انا يا سيادة الوزير نموذج للفتاه المسلمة المصرية المحجبة .. طالبة دراسات عليا ومجال دراستى هو الاقتصاد التطبيقى .. عضو ناشط بجمعية خيرية .. من هواياتى الموسيقى والأدب .. استمع لسيمفونيات بيتهوفن وموتسارت وباخ وشوبان .. ومقطوعات عمر خيرت ونصير شمه .. واقرأ لنجيب محفوظ ويوسف ادريس والحكيم ويوسف السباعى .. شكسبير و سومرست موم و فلورنس باركلى وتولستوى وجوته و لاروشفوكو ......الخ
متذوقة للفن التشكيلى والرسم والنحت ..متذوقة للأعمال السينمائية .. وكانت لى تجارب فى العمل الصحفى
والأربع بنات المشاركات فى البلوج هم كمان محجبات .. بين 2 دكاترة بشريين .. وصيدلانية .. ومهندسة .. وليهم تقريبا نفس الأهتمامات ان ماكانش اكتر
فان كانت هذه النماذج هى نماذج فى التخلف والرجعية .. فلتبق يا سيدى الوزير فى مكانك .. ولنبحث نحن عن بلد اخر لنعيش فيه
اما ان كانت هذه النماذج هى نماذج مشرفة للفتاة المحجبة
فرجاءا سيادة الوزير .. اترك مكانك لمن يستحق
رجاء لكل فتاه محجبة انها ترد على الموضوع وتقولنا رأيها
20 ليف يور كومنت هير بليز:
السلام عليكم
هو أنا مش بنت بس ممكن أبدي رأي
مش عارف ليه دايما كل اللي بينادي بالديموقرطية يجي عند الإسلام و يكون أكبر ديكتاتور
مش قادر أفهم ليه
يعني إحنا لو طالبنا البنات مش هنقول تتحجب لا نقول تلبس كويس و تلبس حاجات مش مستفزة نكون رجعيين و متخلفين و أهم شئ مش ديموقراطين لكن هم لما يقولوا المذيعات مش محجبين مضيفات الطيران مش محجبين و يارب منوصلش بس لتونس و لا تركيا يكون هو ده التحضر
فين الديموقراطية اللي بيضحكوا بيها علي مين مش عارف
When the Minister of culture says that then its a HUGE DISASTER, I consider that he has trespassed over the freedom and right of choice of every girl. He has also proved his ignorance of the basic teachings of his religion and disrespected almost 60% of the Egyptian females. Everybody is free to state their personal opinion but not when they hold such an important position such as the minister of culture. Well let him just know that religion and higab is an inseparable part of the Egyptian culture that he is supposed to be representing. And I must add a question to the respectable Mr. Hosny, Did you hear of a girl that stopped her education or her career life because she wore the higab? then how do you call it a step backward, why?! Hijab has spread to include the girls from ALL walks of life in Egypt. He has also stated that he doesn't believe that higab is a sign of faith because he sees many ma7ajabat out on corniche el nil with guys...well he should know better as a minister of culture than to judge a majority by the actions of a minority, and hold all the ma7ajabat ladies responsible for the deeds of a few girls that didn't live up to or respect their higab. I can understand the concerns about niqab but wahat does he mean when he says that crimes are being commited in the name of the HIGAB and niqab?! Plus he is blaming our fall back on higab and accusing it of hindering our rennaissance?! I am not able to understand his comments but what I read from the is a serious disaster. I believe all of us whether mu7ajabat or not should stand up to him and his comments because I consider these comments a tresspass on freedom almost as big as the sexual harassmants of Down-town Cairo. Lets all defend the right to wear higab.
ممكن اعرف يعنى ىايه بتكاظى والله ما عارفها
I appreciate your anger ..but I see what the minister said from another view ...I thought that he meant that wearing the head scarf because you are religious and you want to be a good muslim that's an issue...but wearing it as a trend or a social habit is a wrong thing ...please cool down and think about it once again
el masry affendi
احييك جدا واضم صوتي لصوتك
أنا ايضا لست بنت ولكن اسمحولي بالرد
الاخت الفاضلة صاحبة الموضوع
اعجبني جدا مقالك الي ان وصلتي في كلامك الي:
اسمع بيتهوفن و...و.....
وهل يا اختي الكريمة التقدم يقاس بسماع الموسيقي والسيموفنيات والذهاب للسينيمات والمسارح؟؟
كان من الافضل ان يكون ردك انك تحفظي القران وتقرأي السيرة النبوية وتعرفي التاريخ الاسلامي وتجتهدي لتتفقهي في الدين...هذا هو الذي تفخرين به...فإني أري الذي تفتخرين به في مقالك ما هو الا اشياء نحن كمسلمين نستحي منها ونخجل ان نقولها
يقول الله عز وجل في كتابه الكريم:
من كان يريد العزة فلله العزة جميعا اليه يصعد الكلم الطيب والعمل الصالح يرفعه
هذه هي العزة وهو ما تفخرين به امام زير الثقافة ..اقصد وزير الثقافة
والا كان الذي يفصلك عن المتبرجة هي قطعة اللقماش التي تضعينها علي رأسك وهذه ليس الحجاب فقط
المهم لا تبالي بكلام هذا الابله الذي لا يتزكر اخر مرة قام فيها بغسل رأسه ...أو الاستحمام
لا تعضبي من كلامي
وزير الثقافة
مش معني انه وزير يبقي بيفهم
ده وزير في مصر في الحكومة يعني منطقي جدا اللي بيقوله
أنا مش عارف أقول ايه غير حسبنا الله ونعم الوكيل
حسبنا الله ونعم الوكيل فيك يا فاروق يا حسنى
انت وحسنى اللى مخليك وزير
واحمد نظيف اللى بيقول على مصر بلد علمانية
بتحاربو ربنا ..اخرتكم سودا باذن الله
انا لله وانا اليه راجعون
اولا : حسبى الله ونعم الكيل
ثانيا : ربنا عالظالم وعالمفترى
ثالثا: الكلام ده مش مستبعد من مستر فاروق لا نه .... مش عارف ...تقريبا مش عاجبه الناس الرابيش اللى بقو ماليين مصر..بقينا شعب مش قد المقام ...منعجبش....جررررررررر
رابعا: هوليووود شرق مين اللى بيتكلم عليها..... من منطلق ايه يعنى مش فاهم... واللا هو مش واخد باله واللا ايه ...هه... ايه بقى حد يقول له حاجه يا جدعان
خامسا: هو العالم لسه هياخد عن مصر فكره انه بلد متخلف.....ياخى هأو ثم هأو ثم هأو... لهو سعادتك مش واخد بالك من اللى بيحصل فى سجون مصر و شوارعها ... ياخى حرام عليك
سادسا: هو الباشا كان فين لما ثورنا على قرار فرنسا بخلع الحجاب ... هو اييه هو كان مسافر مابوتو واللا كان فى هوليوود الغرب...كان فيين ؟ وبعد ده كله يجى بكل سلاسه يقولك الحجاب رجعى ....يا...يا...ياللا بلاش نغلط
سابعا: ياراجل اختشى ولم تعابينك كده....اما انك مفضوح صحيح..انت نسيت بنى سويف والبنى آدمين اللى انت ولعت فيهم .... روح يا شيخ.... منك لله
....saber ثامنا: كلامى موجه للزميل
مفيش تعارض بين العلم والدين ..لازم نعرف الناس دى بتفكر ازاى..نقرالهم ونعرف ادبهم وده ميتعارضش مع معرفة الواحد منا بدينه...وبعدين متنساش انهم سبقونا بمراحل فى الفتره اللى فاتت -علما و ادبا- يعنى بالعكس اللى ميقراش ليهم ده اللى يبقى جاهل
وبعدين مينفعش ننعزل عنهم والا هيحصل مابينا صدام فى الحضارات...يعنى ده امر مفروغ منه
تاسعا"و اخيرا":
مال بلدنا- منهوب
شرفها- ضاع بعد ما طاطينا راسنا للكلاب و الخنازير
عرضها- ضاع بعد ما اتهتك عرض رجالتها على ايد امن الدوله
دينها- الحاجه الوحيده اللى لسه على المحك .. عايزين يضيعوها كمان
احنا من الآخر "فاضللنا زلطه ونطلع بره"
عاشرا: آسف طولت عليكى
حسبى الله ونعم الوكيل فيهم ليوم الدين
سلام عليكم
هي دي سيكولوجية الفراخ يا جماعة
انا من رأي أنه مضيعش وقت في الكلام عن الإنسان ده
و عموما تاريخه معروف من أيام ما كان في فرنسا
الي دافع عن حرية الشواذ .. بيعترض دلوقت علي حرية المسلمات في ممارسة شعائر دينهم
؟؟
طيب لو واحدة طالبت ان تمشي بالبيكيني في الشارع و ده بيحصل فعلا في الساحل و شارم.. يا تري هيعترض؟؟؟؟
مش المفروض كل ده حرية ولا انا بيتهيألي
هشش...لأ يا بنات كده عيب..حد برضه يبقي له رأي تاني غير رأي الوزير! أمال هو وزير بقالوا 500 سنة ع الفاضي؟
أنا كنت في مدرسة راهبات و كنا حوالي عشرين بنت محجبة... و الراهبات كانوا بيحترمونا جدا..مش زي الباشا الوزير
حسبنا الله و نعم الوكيل
احب اقول للوزير كلمه صغيره
افففففففففففف جاتكو القرف مليتو البلد
من ضمن كلامه " انا لا احب هذا الشيء" قصده الحجاب
وقال ان دي حرية تعبير
وانا باقولوه " انا لا احب هذا الشيء " اللي هو حضرتك
**************
علي فكره البلوج بتاعكم اكتر من رائع
ياجماعة ليه بنكبر الكلام ...
وزير او غفير او حتي الريس ما هو الكلام هو هو بالنسبة للشعب نفس المستوي فايه بقي اللي يحصل لما واحد يقول رايه الشخصي في حاجة ....طبعا انا مش معاه في اللي قاله لكن انا بدافع عن حرية الرأي اللي كلنا بننادي بيها ولا ايه يا شباب...وزي ما قال المصري افندي ممكن نكون فهمناه غلط ...
بس بيني وبينكم ان الكلام ده لو كان جه من حد مثلا زي ابراهيم عيسي كنا قعدنا ندورله علي حجة او معني غير مفهوم عشان نتقبله منه ..لكن عشان جاي من ريحة الحكومة لازم الدنيا تقوم متقعدش...
أمال فين حرية الرأي يا سادة ...فين حرية التعبير ..اه هتقولوا مش في الدين ؟؟معاكم حق لكن هو محرموش ده كان بيقول رأيه زي ما في شيوخ بيقولوا لا للنقاب مثلا ..اللي متقبلهوش علي نفسكم من قمع لحرية الرأي متقبلهوش علي غيركم.
اولا انا اسفة انى غيبت فى الرد على ردودكم دى بس للأسف كانت ظروف شخصية..بس اسمحولى اول ما ابتدى الرد ارد على ميشو
بصى يا ميشو .. احنا مش بنحجر على حرية حد فى انه يقول رأيه الشخصى .. انه يقول انه غير مقتنع بالحجاب دا رأى شخصى .. لكن انه يقول انه تخلف فده تطاول على فرض من فروض ربنا .. وبعدين حرية الرأى لها حدود .. يعنى لو طلع وزير الثقافة بكرة فى رأى شخصى تانى بيقول ان كل انسان حر فى حياته الخاصة البنت تحب بنت او تحب ولد دى حريتها الشخصية او الولد بالمثل .. يبقى ساعتها برافووووو .. دا وزير الثقافة بينادى بحرية الرأى والتصرف.. اكيد مش منطقى .. ودى زى دى
اما النقطة الثانية .. موضوع انه جاى من ريحة الحكومة .. على فكرة فى رأيى الحكومة مش شيطان .. ليها ايجابياتها زى ماليها سلبيتها .. يعنى زى اى نظام حاكم فى الدنيا.. ولكن الفرق ان بياع الفجل مثلا لو دردش مع صحفى وقال الكلام ده عادى .. راجل بسيط جايز مش فاهم ومش قارى وعقله على قد حاله .. لكن لما وزير الثقافة شخصيا يتعرض لفرض ربانى بكلام زى كدة .. ويهين بيه شريحة كبيرة من بنات مصر .. فساعتها الموضوع لو كان دردشة تليفونية مع صحفى .. وسيادة الوزير مش فاهم ان كل كلمة منه لها وزنها .. فهو مش عارف يعنى ايه صحفى بيدردش مع وزير على التليفون
الأخ الفاضل صابر .. انا لما بعت البوست ده .. كان هدفى ان لما واحد او واحدة بتفكر بنفس طريقة تفكير الوزير .. يحس ان المحجبات مش منفصلات عن العالم .. ولا هم متحجرات العقول .. حفظ القرآن .. والصلاة .. وانتهاج منهج النبى عليه الصلاة والسلام دى كلها امور مفروغ منها .. يعنى بديهية بالنسبالى انا واللى زيى وكل يوم بندعى ربنا انه يقدرنا اننا نحفظ اكتر ونفهم اكتر.. لكن كل اللى ذكرتوا فى البوست بتاعى حاجات فى حياتى بترفع من الثقافة الروحية والحس الإنسانى .. سواء ادب محترم او فن هادف او موسيقى روحية..وهى اشياء تكميلية لمجاراة العالم حوالينا طبعا بعد الاهتمام بدينا اولا..لكن سيادة الوزير مش هيفهم ده فكان لازم اخاطبه بلغته
ومافيش زعل ولا حاجة النقد واجب عليك علشان يبقى رايك صادق .. وارحب بيك فى البلوج بتاعنا
بالنسة ل تورنادو وكاتش مى ايف يو كان
انتو الاتنين عارفين انى مابفضلش الاعتراض بالسب .. جايز دى طريقتكوا لكننا مختلفين عليها والاختلاف فى الرأى لا يفسد للود قضية ..
بس احب اقول حاجة انى ماليش اعتراض على وزير الثقافة كوزير الثقافة .. انا كل اعتراضى على انه للأسف مش فاهم يعنى ايه اسلام .. ومش مقدر خطورة المساس بفريضة مهمة من فرائضه .. يعنى لو تخيلنا مثلا انه قال الكلام اللى قاله على المحجبات وعلى رجال الدين الاسلامى على اى فريضة فى الدين المسيحى وبردو كان هيبقى الرأى الشخصى لسيادته .. تفتكروا رد الفعل كان هيبقى ايه ؟؟؟ .. يبقى زى ما كل مسئول فى هذه البلد بيحافظ على شعور المسيحى .. فمن الواجب انه يحافظ على شعور المسلم والا يهينه .. وخصوصا وهو مش عارف اركان الايمان فى دينه .. فمايشككش فى حاجة هو اصلا مايعرفهاش
ارجع لموضوع طريقة الاعتراض .. فالمناقشة والحجج المنطقية ابسط واسهل كتير فى توصيل الفكرة .. والصوت المتزن العاقل اللى بيتكلم بحساب هو المسموع للنهاية
السلام عليكم
انا بنوتة أزهرية
ولى اهتمامات اغلب ماذكرتيه
ومحجبة
والحجاب عمره مبيؤدى لتخلف
وعمر مكان العرى دليل للتحضر
والخطوة الجاية ينددوا بعد كده للدعارة
اهو سياحة ودخل ل مصر
وخليكوا بعقول متفتحة
حزبنا الله ونعم الوكيل
السلام عليكم ازيكو ياجماعه كلكم
أولا أ،نا طبعا مش مع سيادة الوزير في اللي قاله ومعرفش هو ايه اللي خلاه يدخل نفسه في اللي مالوش فيه يعني يخليه في اللي هو فيه
وثانيا أنا باشكر الأخت اللي كتبت المقال ده بس عندي ملحوظه مهمه جدا وتقريبا الناس كلها فاهماها غلط , الناس كلها بتقول علي الموسيقي انها غذاء الروح وثقافه روحيه وحس انساني والحاجات الحلوه دي بس أصلا ياجماعه الكلام ده كله متقال علي القرآن أصلا يعني , وبعدين الرسول عليه الصلاة والسلام قال "يأتي من بعدي قوم يستحلون الحرى والحرير والخمر والمعازف" وطبعا المعازف هي الموسيقي , ياجماعه أنا عايز أقولكو حاجه ماهو الكلام ده هو اللي جابنا ورا فعلا عشان كل واحد يقول الموسيقي غذاء الروح أمووووووت وأعرف مين اللي طلع الكام ده علي الموسيقي !!! بيتهوفن والناس المجانين القدامي دول
وفعلا الغرب قدر يبعدنا عن ديننا بالحاجات التافهه دي واحنا عادي مفيش مشاكل..... وبناخد من الدين اللي يعجبنا ونسيب اللي مايعجبناش ماهو الدين ده هو هواه برضه اللي قال الحجاب فرض هو هواه اللي قال ان الاغاني حرام
كلمه أخيره ياجماعه معلش الناس اللي بتسمع أغاني دي وهي بتسمع الاغنيه تفتكر ان ربنا شايفها وهايسألها يوم القيامه , هتقولو بقي انا كنت باسمع أغاني عشان كلماتها حلوه !! طيب وكلام ربنا؟؟؟!!!!!!!
آخر حاجه معلش "القرآن والأغاني لا يجتمعان في قلب واحد"
شكرا ياجماعه ومعلش طولت عليكم
Post a Comment