تدور الدنيا
ما دور
وتلف الشمس
يوماتي
في عشش وقصور
تطل من شباك ضيق
على قلب الغلابة
البور
تحيي جوة القلوب
الف بسمة
للصبايا الحور
وتوعـد
مولود الفجر
- اللي في قلبي-
بمكان في النور
وتقــله
ضم كفوفـك
النونو
على قلبك البنور
اعبيلك
جوة كفوفـك
نور مسحور
واوصي عليك
القمر
يرسم نني عنيك
لؤلؤ
وخدودك
بياض
شاهق
....ولا....
يحولك
لطير جميل
مسحور
................
لأ
انت كدا
أجمل
بكفوفك النونو
وقلبك البنور
3 ليف يور كومنت هير بليز:
دا السر اللى فى قلب بطل فيلم زمن البراءة .. وبطلة فيلم ميدان واشنطن
والحدق يفهم
على فكرة دة حلم اى انسان بيدور على اى حاجة غير الدنيا اللى احنا عايشين فيها دى .
بمعنى ان نصف العالم بيقول عاوز اعيش على جزيرة لوحدى بعيد عن الناس
حلم بنى ادم زهق من الحياة قبل ما يبداها لدرجة انه عاوز يغيرها
مش يغير الحياة كلها لك على الاقل حياتة هو
ولانة مش هيعرف يغيرها عاوز يبتدى من الاول تانى من اول ما كان صغير
من اول ما كانت كل حاجة فى الدنيا بالنسبة لية جديدة
لدرجة انه حتى عاوز يمشك نور الشمس
"انا كمان كان نفسى الحياة تبقى كده عاى طوووووووووووووووووووووول"
انا بس نفسي اعرف ازاي لسة قادر تحس بالقلب البنور و الكفوف النونو في وسط هذه الغابة الانيقة جدا اللزجة جداالخدوعة جدا الشهيرة باسم الحياة
انت حقا انسان جميل
Post a Comment