Sunday, September 10, 2006

تـَغـيـيـر مَـسَـار

بصراحة (و إياك تثق في حد يبدأ كلامه بـ بصراحة!!)... كنت ناوي أنقل لكم ورقة كتبتها بيني و بين نفسي في آخر أيامي هنااااااك في الصحرا الغربية قُرب ليبيا كده (لمرضى الزهايمر: كان تدريب في شركة بترول) فيها اللي طلعت بيه من الرحلة الشاقة و المغامرة الغير محسوبة بالمرة دي... لكن رجعت أقوللي (انت هاتعيش؟! عامللي ابن بَطوُطَه يامشمش؟... احمد ربك انهم مستحملينك وسطهم أصلاً) ...اكتفيت بالصورة اللي شفتوها هي تتكلم عن نفسها صوت و صورة... بس كان فيه كلمتين قرأتهم هناك ( وسبحان الله كنت مواظب ع القراية هناك... من الغُلب) و حبيت نقراهم سوا...إذا سمحتم طبعاً...حِلو الكلام؟؟
--------------------------------------
لما تحلم...خد من الحلم اللي شفته بذرته...و ازرعه قدام عينيك
قٌم عليه..اعتني بيه..احرسه...و ارويه عرق من نور عينيك
راح يفرع...و الثمر يملا ايديك
بس احلم..و أما تحلم..اوعى م الأيام تخاف..اوعى منها تستحي
مهما كانت أو تكون
دا اللي خاف...حلمه مات
و اللي ما شد اللجام...وامتطى ضهر الحصان
عُمره ما يركب حصان
بس إحلم
...

السطور لـ فريد رمضان مجاهد
كتاب: ايه اللي يشفع في الخريف؟
من اصدارات الهيئة العامه لقصور الثقافة
moro

6 ليف يور كومنت هير بليز:

Unknown said...

ادعى ربنا فى يوم انك ما توصلش لدرجه احلامك فيها تبقى كوابيس

حمد الله ع السلامه

zemos said...

أنا هادعيلك انت
كلامك ما شاء الله ... كله رسايل سلبية

Veeeva said...

Our dreams drench us in senses, and senses steps us again in dreams.
~Amos Bronson Alcott

i'd love to read what u wrote there... i bet it'll be inspiring :)

zemos said...

Thnx 4 the benificial, valuable comment ,STILL
& i`ll take this in considerration
:)

Rivendell** said...

بس احلم..و أما تحلم..اوعى م الأيام تخاف..اوعى منها تستحي
مهما كانت أو تكون
دا اللي خاف...حلمه مات
و اللي ما شد اللجام...وامتطى ضهر الحصان
عُمره ما يركب حصان
بس إحلم
...


شـــكرا

zemos said...

العفو يا فندم... هو الزُبد في آخر مقطع... كده صح

Post a Comment