النهارده عيد ميلادي .. او للدقة الجغرافية امبارح كان عيد ميلادي , كل سنة وانا طيبة .. داخلة اقولكم هااي .. ازيكم .. وداخلة اقولكم فلسفتي الجديدة للسنة الجديدة .. اولا كلنا هنموت .. ثانيا الحياة بكل ما فيها زبالة بس انا هاخد الزبالة واعمل منها سبب للسعادة ... وهامارس سياسة اعادة التدوير دي عشان اضيع الوقت لحد ماموت ..
كلام ما كانش مستاهل بوست مستقل .. لكن استحملوني .. واعتبروها هدية عيد ميلادي
كلام ما كانش مستاهل بوست مستقل .. لكن استحملوني .. واعتبروها هدية عيد ميلادي
15 ليف يور كومنت هير بليز:
وعقبال مية سنة من اعادة تدوير الزبالة وتحويلها لسعادة
كل سنة و احنا طيبين يا زُمُل في العقد الجديد
انا وصلت الحمد لله لحاجة مشابهة لموضوع الريسايكل ده
ان الانسان الحكيم هو اللي يعيش زي الفلتر ... ياخد الطاقات السلبية و المشوشة و ينقيها و يرجع يبثها للعالم تاني طاقة كويسة
هايكسب رضا ربه... و من بعده رضاه عن نفسه و حب خلق الله
كل سنه و احنا أنضج
كنا لسه هنبعت بوست النهارده نقولك فيه كل سنه وانتى طيبه
بس نعمل ايه بقى بوظتى المفاجأه
كل سنه وانتى طيبه
ولو المصنع بتاعك نفع ابعتيلى المكنه
:)
كــل سنة وانتى طيبة وعقبال يا رب ميت سنة .., معلش البوست ده كان المفروض انا ابعته بس للأسف النت فاصل بقاله 3 ايام ومعرفتش ابعت حاجة .., انتى عارفى اللان ده لعنة .., المهم كل سنة وانتى طيبة كمان مرة وان شاء الله تعيشى فى سعادة على طوول .., سورى كمان مرة .., البوست ده كان هينزل والله بأسمنا كلنا وكان هيبقى مفاجأة بس الظروف بقى (:
كل سنة وانتى ب 365 يوم جديد
مش عارفة ان كانت السنة لسة زى ما هيه ولا لأ .. بس يا رب كل يوم يكون غير اللى فات .. احداث جديدة .. وذكرى جديدة .. تضيع الملل .. ومادام هنموت هنموت .. يبقى نعيش قبل ما نموت
مش عارفة انا قادرة اوصل اللى عاوزة اقوله ولا لأ
بس عموما .. كل سنة وانتى فى خير كتيير
عقبال مليون سنة ....وانتي قعده على الكورسي الهزاز ومسكة في ايدك كوباية النسكافية ومغطية رجليك بالشال من البرد....واحفادك حواليكي بتحكلهم قصص- انا واثق انك ها تحكلهم قصص- وتكوني يارب عملتي كل حاجه انتي عايزة تعمليها.......سلام مؤقت
ايه دااا مفاجأة ليا انا ... يلا كأنها حصلت .. بس برضه سابقاكم دايما P:
وانت طيب يا هيرو ويا عمرو ويا شفيع ويا فؤش ويا جين القمر
مورو مش اعادة تدوير قد ما هي تفحيص وتمحيص عشان الاقي الحاجه الحلوة وخلاص
شفيع المكنة دي لازم تبقى تصنيع محلي عشان تطابق مواصفات البلد
فؤش ماتجيبليش سيرة اللان كان ماله الديال اب ما كنا مرتاحين وبكرامتنا
جين فاهماكي .. وارحميني من رقة كلامك
معلش نسيت حاجه
يعنى ايه مش مستاهل بوست مستقل
انتى بتغلطى فينا بالذوق
لو سمحتى نزلى بوستات كتير انتم مش اعضاء اونطه
:p
مليجي ... لسه شايفه بوستك حالا.... وانت طيب ... الصورة بالنسبالي فيها 32 حفيد عالاقل
شفيع المشكله في نجيب منين كلام يتقال ..
سها بقي عندها 21 سنة
بقت مواطن له كل الحقوق المواطنة
"ماعدا الترشيح للرئاسة ...يا خسارة
الف مبروك يا مواطنة و بنحيي الحكومة
ربنا يحقق كل امنياتك بالسنه الجديده
وكل سنه وانتي بألف خير
3bal melyoooooooon sana, wa beltawfeee2 fe nazareyetek de
كائن حي ومعترف بيه يا ست لوءا
أسامه ... وانت طييييييب يا حضرة الزميل المحترم
امبارح
و انا زاهي بشبابي
مع جملة احبابي كان عمري
20 و 21 و 22 و 23 و 24 و قريبا 25
و كله سبه بعضه
ملل
ملل
ملل
اف
كل سنة و انت متجددة
Post a Comment