ذكريات ظهرت من دخانيق قلبى لما سمعتها0
أيام الامل والاحلام اللى من غير حدود0
البراءه...اللعب...التنطيط0
الحاجه الساقعه أم ربع جنيه0
ماتش الكوره اللى فى الفسحه0
حصة الرسم ...قصص المغامرون الخمسه..حصة الالعاب0
برامج الاطفال اللى كنت بشوفها لما بغيب مخصوص من المدرسه علشانها0
كابتن ماجد لما يشوط الضربه الصاعقه...جيرى لما يقطع نفس توم...النينجا وهى بتاكل البيتزا0
لمة الاهل...فرحة الاجازه...طعم الفسحه الحلوه كل يوم جمعه0
بيتك يا عصفوره وين ما بشوفك غير بطيرى
ما عندك غير جناحين حاكينا كلمه صغيره
من سنى الواحد والعشرين اللى لسه واصله النهارده اعلن ان كم ضخم من الاحاسيس مات واندثر فى تلك السنوات
فولا فولا بالون بيلا
23 ليف يور كومنت هير بليز:
الله عليك يا مبدع .., أخيرا جبتها
مستنيها من زمان
وكل سنة وانت طيب يا جمييل عال 21 سنة ..وعقبال ميت سنة .
فكرتنى بأيام الطفولة الجميلة .., أيام البراءة .. شكرا بجد
البنت الصغيرة .. والطوق الاصفر على شعرها .. وقفتها هى وكورال الاطفال .. والسر اللى بينها وبين العصفورة
حودايت زمان فى مكان غير المكان .. وناس غير الناس ..وايام كانت .. وعلى رأى الست فيروز .. الايام بتمحى ايام
بجد اشكرك .. احساس من زمان محسيتهوش
اولا كل سنة و انت طيب يا صديقي العزيز المبدع المؤلم سامحك الله ،
مرارة الفقد ، هذا الشعور ، وخز الالم الذي نسير به ، الثواني تزاحم شريط الحياة و الفقد مستمر
جرب تحسب عمرك بالدقايق -بلاش الثواني- و عد اللحظات ، و التجارب البشرية اللي راحت و مش هترجع ، حتي اللحظات اللي ممكن تحس وقتها انها صعبة لما تصبغ بصفة الماضي هتحس انها عزيزة و عايز تسترجعها -و الله حتي ايام الامتحانات دي -
المعلم محمود درويش قال
اريد انا القي تحيات الصباح
علي حيث تركتني ولدا سعيدا
-لم اكن طفلا سعيد الحظ يوما
لكن الذكري مثل
حدادين ممتازين
تصنع من حديد تافه قمرا-
الحقيقة احنا بنتالم و بنعيط اكتر من فقدنا للاشياء و الاشخاص الجميلة علي فقد نفسنا
تخيل ان كل دقيقة بتمر بتقع منك حتتة
يا تري فاضل ايه
يا تري
فاضل ايه
بداية كل سنة وانت طيب
وثانيا اشكرك علي مرورك وتعليقك في مدونتي وكمان بشكرك علي الاغنية الرائعة اللي تحمل لكل واحد منا ذكريات طفولة وبراءة
عموما اللي اسعدني اكتر انك عرفتني علي مدونتك اللطيفة واسمحلي اكون من الزوار الدائمين
اقوللك علي سر فظييييييييع؟؟؟؟
انا كنت بحب كايتن ماجد وانا صغيرة!!!!!!!!
و كنت بغير موت من لانا!!
وزعلت قوي لما راح البرازيل
قلبت عليا المواجع ليه بس
قصتك لمست حاجات كتييييررررر يا مبدع
انت عارف
انت بقالك كام يوم وانت بتقولى انك جبتها
بس مش ذي ما تسمعها
ياااااااااااااااااااااااااااه
انا فين
يا ريت الواحد يعرف يلملم اللي وقع منه واللي خسرة
بجد شكرا
زكل سنه وانت طيب
كل سنه و انت طيب يا ميتو
واكل انت الجو أهو و الناس افتكرت البلوج بتاعك خصوصي
على فكره يا جماعه الراجل ده قعد معايا قعده طوييييله على ما وافقت أديله البيانوللا عشان يقلبلكم فيها
بس ولا يهمك... ماتغلاش عليك... بس ما تسوقوش فيها
أنا كمان كنت غاوي كابتن ماجد.. مع اني عارف انه أهبل.. الكوره بتتشاط في 3 حلقات... بس كنت باتأثر بالحلقات أوي
هانروح الجنيناااااه
و نشبك ايديناااااا
zordeak
وانت طيب يا جميييل
لا شكر على واجب
فولا فولا
jeen
بالظبط كده والست العجوزه اللى عامله فيها مايسترو
ايام بتمحى ايام
جمله عبقريه
old metkazy
وانت طيب يا جميل
وأسف انى قلبت عليك المواجع
ومتهيألى انه فاضل حبه صغيرين قوى يارب نحاجى عليهم
النوبى
وانت طيب
وانا ماقلتش ان الذكريات ماتت ماهى لو ماتت مكنتش قلت الكلام ده
اللى مات هى احاسيس كنا بنحسها واحنا صغيرين وبتفرحنا دلوقتى كله شبه بعضه
وشرف ليه اننا تكون صحاب
نورت البلوج
دعاء غريب
وانتى طيبه
ولا شكر على واجب
والحمد لله انك افتكرتى الذكريات الحلوه دى
وشرف لينا كلنا انك تتابعى المدونه
نورتى البلوج
sporeforming
اقولك على سر افظع
انا كنت بحب لانا مووت
وكنت بغير من ماجد خصوصا لما تجيبله الشطائر اللى عرفت بعد مده انها الساندوتشات
وحقك عليه لو كنت قلبت المواجع
بس ما قولتيش حاجه عن الاغنيه
اه حاجه كمان
وااا هدددددددف
ميليجى
مش قولتلك
وانت طيب يا جمييييييل
moro
والله كنت هعترف انى سرقت البيانولا
ماشى يا عم تفضحنى كده
انا الفرخه واحنا الكتاكيت
ههه
معلش يا جماعه علشان ما ابقاش قليل الاصل
شلة المتكاظين اسامه(ربنا يخليه)
و زوردياك(فؤاد السكر)
و مورو بتاع البيانولا(عمرو عبد العظيم الجمييل)
وميليجى(المتكاظى الاول العظيم)
وعمرووون(اللى زى السكر)
عملوها فيه وجابوا تورته ورزعونى مفاجأه زى العسل
وبعد نسف التورته_طعمها كان تحفه_نزلنا فى عربية مورو وهات يا فيروز والذى منه
كان يوم حلو قوى وسط زنقة الامتحانات
اشكركم يا اجدع ناس
وربنا يخليكم يارب
وهنيالك يا فاعل الخير والثواب
awwww those were the days!!!!
*fights back tears*
انا بقى ماليش دعوة .... بعيييييييط
ماليش دعوة كان المفروض كلنا نعملو الفاجأة دى .. ولا ايه رأيك يا اولد ميتكاظى
بس عموما حصل خير .. كل سنة والشلة كلها بألف خير وسلامة
بحبكو والله
كل سنة وانت طيب يا شفيع ومعلش عالتاخير اننتم عارفين ظروف الماساة القدرية اللي انا فيها
على فكرة انت نسيت بقلظ وماما نجوى .. وجدو عبدو عامل ايه .. زارع ارضه ..زارع ايه .... واللا العمدة الآلي
كـــابتن ماجد ومازينجر ... انا بقى كنت باحب ياسين اكتر ... وبالنسبة للنينجا تيرتلز فانا كنت رفايلو
فكرتني ببيت تيته زمااان والصبح والدكاكين لسه بتفتح وصوت جرة الابواب بتاعتها ... فكرتني باول مرة اعرف اقرا الساعه فيها وريحة الحيطان و" اوضة الجلوس " المتحرم فيها لعبنا وبالسطوح الهاجس الازلي اللي كنت اطلع اول تلات سلمات ليه وانزل جري تاني .. فكرتني بمشمش قطنا الله يرحمه وبالسلحفا اللي كانت محتلة احسن حته في البلكونه واللا البلكونة وستارتها الخضرا المميزة ( بيت تيته في شارع المكاتب وخدوها مني كلمة اللي ما عاش في وسط البلد لفترة من عمره فاته كتيرررر ) ....... تصدق فكرتني بساسوكي واون زرابون فن الكوجا ... تحركي يا رياح ..... يااااااااااه
حسستني اننا غنية .. غنية اوي .... وان مهما حصل ماحدش هياخد مني ذكرياتي دي .. الروايح اللي لسه شماها .. والاصوات اللي لسه بترن في وداني
ايام الطفولة وذكرياتها .. اروع ايام ممكن الواحد يعيشها على الاطلاق
كل سنة وانت طيب
واشكرك على زيارتك لمدونتي واتاحتلي الفرصة اني ازور مدونة متميزة زي مدونتك شكرا لك..
بعد كلام غواص... افتكرت انا كمان بيت تيتا
صوت بتاع الفول و هو بينادي... صوت بتاع الروبابيكيا....
صوت خالو من تحت بيصفر عشان نحدفله حاجه عايزها.... المكعبات بتاعتي و اللي مكنتش باعمل بيها حاجه الا العربيات... من يومي بأه.... مسلسل البخيل و انا و هند و الدكتور نعمان عرض أول
برنامج بابا ماجد للي يفتكر
و جملته الختاميه الشهيره... و نتقابل المره الجايه... ان .... شاء.... الله
كرمبه و ماما فاطمه
العجله ام 3 عجلات
حضانة الشبان المسلمين
بطولة افريقيا اللي غنى فيها عمرو دياب... بالحب اتجمعنا
انا لو اتفتحت أكتر مش هاخلص
يا الله على الذكريات والحنين
بجد امتعتونى انا بذكرياتكم
بس انا ذكرياتى مالهاش مكان
علشان انا علطول زى الطير المسافر
من كتر الترحال .. لكل مكان وزمان وناس عندى ذكريات .. بكتر اللى قابلتهم وعرفتهم .. فى قلبى اماكن منسية مع الماضى .. اتجددت للحظات معاكوا .. كتيييييييييرة قوى .. مش هلحق احكيها
فكرتني ببطولة افريقيا , وبحضانة الشبان اللي قعدت فيها شهور قبل ما اروح النوتردام ..... عرضي الاول كان مع ليالي الحلمية وصدق او لا تصدق الجريء والجميلات ... انا بقى عملت تجديد للنشاط وقضيت امبارح كله هناك ... كان في حاجات اتغيرت .. حوض الحمام مثلا اللي كنت بامد ايدي عشان اطوله ... بقى صغير اوييييي واوضة الجلوس انفكت طلاسم دولاب الفضيات اللي فيها واللي كنت باقعد بالساعات احاول اتخيل احساسي ايه وانا باشرب في فنجان من الفناجين الغريبة دي ولا في دورق لونه كان يبالنسبالي عجيب .... حتى البلكونه اللي كانت حووووش طلعت زعنونه اوي ... لكن برضه كل ركن وكل بلاطة فيه لسه ذكريات وذكريات عن لعبه اتلعبت او عن بكا على حاجه اتكسرت ...
جـــين ... فكرتيني بذكريات السفر واول مرة طيارة وانا عندي 5 سنين .. والسكن الايطالي وميكي اللي كان معروف انه غاوي ياكل صراصير ... الحضانة والبحر وخناقاتي مع شذى السودانيه اللي عضتني مرة في رقبتي ..... فكرتيني باول مرة موت اشوفها في العمارة اللي قدمنا لما رجعنا لقيناها مولعه نار والمطافي والبوليس والناس .. مهرجان في كل مكان .. الاساطير عن الناس اللي ماتت فيها .. وتحولها لنوع من تحدي الشجاعه مين هيقدر يدخل ويطلع ... انا وصلت للدور التاني ونزلت ..... فكرتيني بالشيطنة لما كنا بنخبط على الست الروسية اللي في الدور الاول ونطلع نجري وانا برجليا القصيرة لما مالحقتش وطلعت قفشتني ..وشها الاحمر وزعيقها اللي ما فهمتش منه غير انها عايزة تدخلني عندها - بيت الغوله - ورفضي القاطع واصراري على الجري .... فكرتيني باول وجع في حياتي لما كنت بالعب مع منى جارتنا اللي تحتنا دوخيني يا لمونة وفلتت ايدي ووقعت هي وكسرت ايدها وعياطها .. سها هي اللي وقعتني يا بابا سها هي السبب .. واعتزالي اللعب بعدها تماما وهروبي من اني اشوفها وهي قاعده عالرصيف في السكن بايدها المكسورة ..... فكرتيني باول مرة اشم فيها ريحة الحنه السوداني .. واسمع فيها اللهجة الليبي و" ايش تبي " و " قطوس مجعمز عاللوشن يرمق زيجرله " .....................
وبعدين يا شفيع انا ما وعتش عالحاجه الساقعه ام ربع جنيه دي .. كانت بخمسة وتلاتين قرش
سها غواصة محترفه
انتي تكتبي كتاب تسميه حكايات السفر و الترحال
انا بأه افتكرت دلوقتي لما كنت أقلد أبويا لما حد يزنق عليه بالعربيه... أول ما جبنا عربيه..128 كحلي
و انا هاودي العربية للـ ميكاميييكييي...ايوه كنت بأقولها كده
افتكرت أول كسر ليا...كسر في كتفي الشمال لما وقعت على سلم في شغل باب و ماما في كلية طب بيطري لسه معلم و باين إلى يومنا هذا
افتكرت المصيف في جمصه
افتكرت أول مره أروح فيها سيناء و انا عندي اربع سنين و شويه... و لما المعدية وصلت الناحيه التانيه سألت بابا... هو احنا كده بقينا في اسرائيل...وقتها كانت طابا لسه راجعه
افتكرت لما كنت متخيل ان الدنيا زمان كانت أبيض و اسود و بعدين ربنا رضي عن البني آدمين و خلق الألوان
افتكرت الولد المؤدب اللي كان لما يحب يشرب يقول:.... لو سمحتي ممكن اشرب يا ماما.. كان انا
افتكرت مره في الحضانه لما طفل تاني اتريق على ساندوتشاتي يومها عشان كانت كفته أو لحمه عصاج... و لما بصيت على ساندويتشاته لقيتها طعميه
افتكرت اسكندريه زمان و بيت جدو و تيته الكبيره الله يرحمهم اللي الهوا في الطرقه فيه يخليك شبه محتاج تمسك في حاجه و انت ماشي فيها عشان ماتطيرش
و لما كنت انام مع جدو الكبير ( أبو جدتي) في اوضه واحده مكنتش أعرف أنام من شخيره
فاكره الصبح بدري يصحا يسمع اذاعة لندن و صوت امريكا... فاكره يوم الجمعه لما ماينزلش يصلي في المسجد اللي تحت البيت... كان ينزل بدري و يتمشى لحد العصافره... أو سيدي بشر... و يصلي هناك... عشان الثواب... و ما يرجعش بإيده فاضيه
كفايه كده وللا نقول كمان؟
والله كسبت فينا ثواب يا متكظكظ
يا خبر ابيض
انا حاسس انى دوست على الزرار و جريت وطوفان المشاعر انطلق0
بس غواص واضح انها كانت مليانه ذكريااات0
بص انا كنت واعى على الحاجه الساقعه ام ربع جنيه
ومازنجر وافرديت اللى كانت بتتبهدل وتحرق دمنا وماهر لما يقول افتح يا مازنجر انا معك0
وابله فضيله على الاذاعه0
و جدتى لما كانت تجيبلى خروب اكله وسفرى للسويس والبلبطه فى العين السخنه وأكل السرومباق_محدش هيعرفه غير جيين_المقالب اللى كنا بنعملها فى بعض لما العيله تتجمع0
لما يتحكم عليه فى الشايب انى اطلع فى البلكونه اقول حمره يا قووووطه0
الطيارات الورق,ماكجيفر يوم الاربعاء فى اخترنا لك0
فيلم سوبر مان يوم الجمعه العصر0
شكرا لتعليقات الجميع
moro
فكرتينى بابا ماجد
heba
نورتى المدونه
still breathing
سيبيهم ينزلوا
ولكل اللى قالى كل سنه وانت طيب
يارب اشوفه عنده مييت سنه ومكحكح وبيقول :ادهنى يا بنتى ايديك حنينه قوى على مفاصلى0
ذكريات
قليله اوي اللي عندي
يمكن لاني ما اتعودتش اني اشيل ذكرى لحاجة في حياتي
ويمكن لاني ما ارتبطش بمكان زيك يا جين.....ثقافة الترحال يا غواص.....ذكريات النقل والشيل والحط .....وريحة الدهان اللي ديما جديدة.....والغربة ....والتأقلم .....والاندماج....والرحيل.....وزكريات تانية.....من هذا القبيل
بالحب اتجمعنا ......والدنيا ها تسمعنا.....
ياه ما تتصوريش بحب الاغنية دي قد ايه .....وعمرو دياب في وسط الملعب......وافريقيا
يمكن من ثقافة الرحيل كمان تتعود تنتمي للاكبر ...... للوطن .....لان ده الملاذ الخير.....اللي ما بيتغيرش
.......حاجه كمان يمكن ما حدش فيكوا ممكن يشاركني فيها....اول شريط كسيت جبتوا.....ياسمين الخيام......ام النبي......بجد تحفة .....صوتها وهي بتغني ما لوش حل
أيه تاني......ايه تاني........مش فاكر كالعاده
..............أألكم تصبحوا على خيرررررررررررررررررررررر
Hallo I absolutely adore your site. You have beautiful graphics I have ever seen.
»
Post a Comment