السطور اللي جايه..ممكن نعتبرها تخاريف ضربة شمس..وممكن لأ
--------------------------------------
اسكندرية...أغسطس...اتنين الظهر...حَر...رُطوبة...ماشي أجر رجليا لحد البيت...لا أوتوبيس ُمكيف ولا مشروع ((ميكروباص)) ...أقصى أمانيه... دُش ميه ساقعه
عارف...جبل التلج اللي اتكون بيننا مش هايدوب في دقايق...هاياخد وقته...بس في البدايه هايكون ميه ساقعه
أنا كمان بأتألم و تاعبني جداً الموضوع ده...ليه دايما فاكرين سكوتي معناه إني حاطط إيدي في ميه ساقعه
يوم ما عرفت بالخبر ده و إن.......كان أكبر جردل ميه ساقعه
مش هانزل البحر يا ماما... الميه ساقعه
أنا هابطل أشتري كانز...أوفر و أَفـيَد أشتري إزازة ميه ساقعه
ياسلام...لما الواحد يصحا الفجر...يقوم يتوضا بـميه ساقعه
moroبكيبورد
7 ليف يور كومنت هير بليز:
لما تمر مشكلة وتواجهها بهدوء يفكروك بارد ومش همك حاجة ومش واخد الدنيا جد.. ميعرفوش انه وقتها بتكون عواصف جواك ودماغك هتتفرتك من الصداع بسبب التفكير .. ياخدوها بالمظاهر بس
لكن ضربة الشمس تعمل كل دا :D
تحياتي
هو فعلا احسن حاجة انك تسقع لكل حاجة
Heba, sporefroming human, tornado
واضح انكم نقطه واحده اللي علقت معاكم... و دا كويس
هو شئ متعب و يخلي الواحد يتعصب أحيانا... لما تكون انت صوت العقل الوحيد في اللي حواليك... الكل في حالة هلع... صوت عالي ... هيستيريا حادة... و تيجي تتكلم بصوت واطي و تحاول تكون جزء من الحل.. تلاقي اللي بيهاجموك بشدة كأنك كائن فضائي مش حاسس بيهم
نقطة كمان
الاستعجال على رجوع المياه لمجاريها بين البشر بعد الشتات
جبل التلج مش هايصبح ميه دافيه ففي ثواني... لازم يبقى ميه متلجه الأول.. المهم الصبر و النفس الطويل
و زي ما قالت سبورفورمينج هيومان
اللذيذ انك تسقع... نسقع عن اقتناع... مش ضحك على نفوسنا
moro
مكنتش اعرف انك فيلسوف .. بس ايه .. فيلسوف على تقيييييل
وبمناسبة الحاجة الساقعة .. مش عارفة ليه يا اخى حسيت فجأة ان كل حاجة حواليا ساقعة .. حتى نفسى .. ساقعااااااااااا .. ومحتاجة نار الدنيا كلها علشان ايه يادوب تدفيها .. ولا تفتكر دا مجرد هدوء ماقبل العاصفة
حقيقى .. موضوع حيوى فى قالب لذيذ
متعلم زيادة عن اللزوم يا مورو .. وبتجول كلام يمس الجلب
والله أنا كنت خايف تستغلسوها
مش تقليل من شأن عقولكم الكبيره... لكن خفت أكون مش مفهوم
لكن ربنا يحميكم
ميرسي يا جيين..... كلامك دا ثقة تخليني حذر في إختيار كلماتي
مممممممممممم....
لما قريت اول سطر..ووصلت لكلمة مايه ساقعه..
ونزلت للي بعده..
قولت الله!!!
لا حول ولا قوة الا بالله..هو ايه اللي بيحصل ده؟
وباعدين خدت بالي..
فعلا فعلا فعلا...حلووووووه جدا ماشاء الله..
مع بساطة الكلمات واني كمان في مود مش تمام..
الا اني توقفت...وفكرت...العامل المشترك اللي بينهم..رغم اختلاف بين كل موقف والتاني..وشتاااان مابينهم..
ولغاية دلوقتي...بفكر..
جزيت الف خير على كلماتك...
اه ايه ده؟...بتكلم اكنك تعرفني..بس ماعلينا..انا كنت بتصف الروابط اللي في مدونة الحنين للذكريات..اللي هي بتاعة هبه اللي مشاركه فوق دي..
:)
ودي بجد اول مره اشارك في مدونة حد ماعرفوش..لأن فعلا الكلمات دي شدت انتباهي اوي..
ربنا يوفقك ويهديك ويزيدك..ويثبت..
وكل حاجه
يااااااااااااااااااااااارب
سلام
يااااه يا وردايه.. كل ده؟؟
جزاكي الله كل الخير على الكلام الطيب اللي كتبتيه ده
و البلوج عندنا نور بوجودك و ان شاء الله ما يكونش آخر كوممينت عندنا
على فكره... احنا 11 ولد و بنت هنا في البلوج ده... و كل واحد أنقح من التاني... في ناس موهوبين عني كتيييير هنا
:)
أشكرك كمان مره
Post a Comment