Thursday, June 01, 2006

بيانوللا....مسألة مبدأ

مالاقيتش أعز منكم أسمعه أجدد حاجه ع البيانوللا...وديتها التوكيل...غيرت المنفلة و خليتها تشتغل Doulby Surroundبالريموت كنترول و ركبتلها نظام صوت
مين ما يحبش يسمع عمر خيرت و علي الحجار في وقت واحد...و يسمع كلمات ماحدش غنى زيها قبل كده
أسيبكم مع عَلي و عُمر و تتر مسلسل مسألة مبدأ
**********************************
خايف من بكره ليه؟...مين عارف بكره ايه!؟
أنا مش هابص ورايا...و لا أقول آه
مهما الأمل غاب...العيون شايفاه
اليأس مش هايوصلك...و لو الهموم هاتحصََلـَـك...مش راح تقف الحياة
و نخاف من بكره ليه؟؟... مين عارف بكره ايه!!؟
(يرد عليه غناء كورال صعيدي)
يا حبيبي مالو الليل؟؟..الليل طـَوَل؟؟.. يا ريته هنا من عامن أول
يا حبيبي مالو الليل؟؟..الليل طـَوَل؟؟..و كل ما يجَرِب يخلص.. ما بيرجع م الأول
(و يرد صوت علي الحجار تاني)
سيب اللي يكره يكره و انت إحلم ببكره...مع إنه لسه ماجاش
مهما تحاصرك همومك و يلومك مين يلومك...لأ ماتعيشهاش..بلاش
لسه الورود بتشق براعمها...و الفرحة بتلاعب نسايمها
(و ينهيها بالسؤال مرتين)
و نخاف من بكره ليه؟!؟..مين عارف بكره ايه؟!؟
و نخاف من بكره ليه؟!؟..مين عارف بكره ايه؟!؟
(و في تتر النهاية)
كل الجروح ليها دوا...يا طير يا حاير في الهوا
إطوي الجناح على الجراح..واضحك.. و بللا نطير سوا
أنا مش هابيع الصدق بالأكاذيب..ولااقولش للحمل الوديع يا ديب
..ولا اقولش للديب يا أعز حبيب
و الصدق مهما عز...في الأزمة مش هاتهز
ساعات يكون..كتم الأنين أصدق
و أنا مهما أقع راح أقوم....ودي مسألة مبدأ
بيكدِبوا الصدق أما الكدب يتصدق..يا ليل تطول بكره تلقى الفجر بيشقشق
أنا في انتظار الصباح..أنا داويت الجراح
و خلاص نسيت اللي راح.. و من جديد هابدأ
و دي.... مسألة مبدأ
*********************************
إسمعوها.. هي و تترات أحلى مسلسلات مصري و سوري و خليجي
..مسألة مبدأ
جربوا تغمضوا عينيكم و انتم بتسمعوا..هاتفرق كتير...هاتقشعروووا
moroبتاع البيانوللا

7 ليف يور كومنت هير بليز:

Rivendell** said...

كملوها واسمعوا تترات المال والبنون .... بيتهيالي الثلاثيه فيها مكتملة بوجود اشعار حجاب


دمـــــاغ يا مورو

zemos said...

لازم يعملوا
emoticons
هنا... عشان تساعد على التعبير
أخجلتم تواضعنا

اسمعوا كلامها

jeen said...

اختيار رائع .. ودى مش اول مرة يبدع فيها عمر خيرت وعلى الحجار .. مين يقدر ينسى "عارفة" .. منتهى الابداع

واسمحلى يامورو اهديلك غنوة لماجدة الرومى .. احب تسمعها

اسمها غنى للحب
www.6arab.com/singers-ar/north/majda/index-ar.shtml

zordeak said...

كل الجروح ليها دوا...يا طير يا حاير في الهوا
إطوي الجناح على الجراح..واضحك.. و بللا نطير سوا
الله عليك يا مورو .., كان نفسى اسمعها من زمان ..اختيار جميل
(;

old metkazy said...

انت عارف زوايا و تركيبات الاحساس البشري زي الرسوم الهندسية

بتلمسها بكتاباتك و اختياراتك الوهمية

مركب حجار-خيرت دة عايز يدرس

شكرا شكرا شكرا

ميليجي said...

بجد ممكن تكون الحاجه قدامك وتعدي عليها مليون مرة
بس ولا مرة ذي ما حد يلفت نظرك لتفاصيلها وتعرف قد ايه جميله

Anonymous said...

Nice! Where you get this guestbook? I want the same script.. Awesome content. thankyou.
»

Post a Comment