لا تستحى
وافعل ماشئت
فإنى منتظر
لا تنزعج
عند تعذيبى
فإنك مقتدر
واضرب بسوطك
جسدى ...
وافعل ماشئت
فإنى منتظر
لا تنزعج
عند تعذيبى
فإنك مقتدر
واضرب بسوطك
جسدى ...
هذا قدر
دس بالحذاء
وجهى
لا تعتذر
واسحق بحمق
كل دمعات
البشر
حاول معى
بكل ما أوتيت
إنك مؤتمر
لكن .... تنبه
إننى لا انكسر
لن أنسى يوما
ما تركت
وما صنعت
من الأثر
ولذا
فلتنتبه
حيث لايجدى
الحذر
بينى وبينك
والزمان
ذنب
لايغتفر
منقول من جريدة الدستور
دس بالحذاء
وجهى
لا تعتذر
واسحق بحمق
كل دمعات
البشر
حاول معى
بكل ما أوتيت
إنك مؤتمر
لكن .... تنبه
إننى لا انكسر
لن أنسى يوما
ما تركت
وما صنعت
من الأثر
ولذا
فلتنتبه
حيث لايجدى
الحذر
بينى وبينك
والزمان
ذنب
لايغتفر
منقول من جريدة الدستور
5 ليف يور كومنت هير بليز:
ينعل أبو كده يا ناس
هو انا كبني آدم ماوراييش غير هباب الطين الحكومه و النيلا الصور بنت سته في تسعه دي؟؟؟؟
معادش عندي هم حاجه أشيله إلا كده؟
أزعل... أغضب ... ماشي... أعتصم.؟؟ ماشي... إنما برضه الشئ إذا زاد عن حده... ينقلب لضده
تورنادو بيقول نفسي نصحااا.... كلامه صح... لأن طول ما بنقول و نعيد و نزيد من العينة دي يبقى لسه ما صحيناش
خلي عندنا بعد نظر... اللي بالي بالكم مش هاينقلعوا بقدرة قادر في يوم و ليلة... ولا اعتراض على قدرة الله....
نرتب أولوياتنا.... لو بدأ كل واحد فينا ببيته الي هو فيه و البيت اللي هايكون مسئول عنه مستقبلا و اسمحولي أقول سياسة البيت أولا... الديمقراطيه و الحوار و...و... لو كل واحد بدأها من بيته بدل ما بنتكلم وخلاص.... أتمنى إن ربنا يمد في عمرنا عشان نشوف ثمرة الصبر و بعد النظر
ليه ماكونش أنا مصدر الطاقه الكويسه اللي تحرك.... أكون انا البشوش المتفائل... أوا أكون فنان بقلمي و بكلامي أو فني أو آدائي بأشد الهمم
هي الموهبة دي شوية؟؟؟.... الفن كان حافز أمم.... و كان برضه سبب في سقوط امم... و كان سبب في تهويل أمم
ليه ماكونش مصدر أمل... بدون طبعا المبالغه في التفاؤول اللي بتوصل لـ هطل و سذاجه
بتحب بلدك... اعمل حاجه... أو ساعد غيرك يعمل حاجه... لا يمكن بكمية الطاقه السلبيه و الكراهية دي حاجه هاتتعمل....
ما بقاش نازل قرايه في صحف معارضه و قاعد متحفز لأي خبر عن البلد اللي نخرها السوس و اللي هرب و اللي نهب و اللي اتنيل
...
و بأسأل في الآخر أنا مكتئب ليه؟
ماهو برضه كلنا بنشوف من الغربال... وللا ايه؟
و للعلم... بخصوص صور العساكر و أمناء الشرطه دي... دي عالم مأموره... واحد برضه منداس على رقبة أهله بجزمه أكبر عشان ينفذ
يا ريت يااااريييت الغضب ما يفقدناش العقل و التروي
و أنا شخصيا ممتنع و امتنع عن الكتابه في مواضيع من هذا النوع
و اتمنى اللي موافقني في اللي قولته و موافقني على إقصاء النوعية اللي احنا بصددها مش بس البوستات... بل الأفكار نفسها يقوللي... و اختلاف الرأي لا يفسد للود قضية
الصراحه انا هتكلم دلوقت واعبر عن حاجه انا مش كنت بعرف اعبر عنها بس يمكن مورو ادانى الالهام والجرأه ازاى ابدأ انا متابعه البلوج من زمان وكنت كل ما اقرأ بوست عن الحكومه وسلبيتها اينعم كنت بحس بيها وانى شايفها بس ماكنتش بقدر اعلق ليه ؟
لأنى مش بفكرلها بالطريقه دى مش كنت احب ابصلها من الناحيه دى لانى يمكن اقدر اعمل حاجه فى مكان تانى زى مثلا اسرتى او اصدقائى بدل مافضل بصلها كده وخلاص واقول واعيد وادعى واشتم وخلاص للأسف انا عن نفسي مش هقدر اغير حاجه فى الحكومه او فى الذل اللى بنعيشه يمكن تقولو انى مش بحب مصر بس صدقونى بالعكس انا مصر تعنيلي كتير انا فعلا لما بسمع اسمها عينى بتدمع بس مش عارفه اعمل حاجه من ناحيه الحكومه مش عارفه يمكن بعضكو يقول دى جبانه او سلبيه
بس اللى انا حساه ومتأكده منه انى اقدر اغير فى اسرتى فى ولادى فى اهلى فى اصدقائى فى العالم الصغير المحيط بيه
لكنى وللصراحه عمرى ماقدر اغير حاجه فير كده ويمكن اللى انا بقوله ده طوبه صغيره فى صرح عظيم نتمنا كلنا
انا مبسوطه لانى يمكن اول مره اقدر اكتب بالصراحه دى واتمنى انكو تتفهمونى وربنا يقدرنا كلنا ويهدينا لنفسنا
وشكرا جزيلا واسفه على الاطاله
moro
ولا اكثر مما قلت .. ولا اقل
علشان تبقى بداية جديدة نبدا بنفسنا
معك قلبا وقالبا .. على طول الخط
بنت مصرية
يا مرحبا بيكى فى بلوجنا العزيز .. فى بلوجنا لا مكان للخجل او التردد فى التعبير عن رأى او وجهة نظر
بلوجنا هو العالم الخاص اللى فيه ترفع كل الاقنعة والحجب .. ويبقى الصدق ، والصراحة .. والبساطة .. والاحساس ..
عبرى براحتك عن رايك حتى لو كان فيه اختلاف .. احنا عملنا البلوج ده علشان كدة .. نلتقى على رغم اختلاف المعتقدات والشخصيات .. المهم احترام الرأى
من الطين خلقتم والي الطين تعودون..........
نعرفها جميعا ونعلم جيدا أنها نهاية كل حي حين يموت...........ولكننا في بلدنا هذا يعود لنا الفضل في اثبات انك تعود للطين وانت حي
تعود عزيزي حين يلقي بك عسكري انت اعلي منه تحت قدميه بأمر من ظابط يظن انه اعلي منك .......
تعود عزيزي حين يكون الحاكم عليك لا يعلم بوجود طين في بلده يتمرغ فيه الاشراف ..........
ولكنه يعلم بوجود
جنات عدن يتمرغ فيها الاشقياء...........
تعود حين تسأل يوما من طفل هو لك اهذا هو الحال منذ زمن ....
أم ساء الحال أكثر؟؟؟
حينها سيأتي اليوم الذي تعود فيه للطين بيديك فتمرغ رأسك به لتداري ملامحك عنه عله ينسي ما سأل ويظن بأيامك الماضية الخير...........
tornado
كلامنا ده خطوة على طريق الصحيان
moro
عندك حق فى اننا ماينفعش ان احنا مايبقاش عندنا حاجة نتكلم فيها غير افعال الحكومة وبلاويها وفى ان التغير ممكن يكون عن طريق الفن
وان احنا لازم نبدا بنفسنا الاول وبالبيئة المحيطة بينا
لان عمر التغيير ماهينزل علينا بالباراشوت
بس ده مش معناه انى انفصل عن اللى بيحصل حواليا
لازم اعمل الاتنين ابتدى بنفسى وباللى حواليا واحاول اغير فيهم واكون الطاقة الايجابية وفى نفس الوقت ماسكتش على اللى بشوفه يعنى ممكن تعتبر ده احتجاج صامت لان مافيش حاجة تانية ممكن تتعمل فى الوقت الحاضر وفى نفس الوقت حاجة بتفكرنا بالدور اللى المفروض كل واحد فينا يقوم بيه عشان يغير الوضع ده فى المستقبل
وعموما دى وجهات نظر
والاختلاف فى الراى لا يفسد للود قضية
ولا ايه .......
بنت مصرية
اولا احب ارحب بيكى فى بلوجنا
نورتى البلوج
وانا مبسوطة جدا انك اول مرة تكتبى فى براحتك وبصراحة كانت على بلوجنا
وعلى فكرة كلنا لما بنسمع او بنشوف اللى بيحصل فى البلد ده بنتعب لاننا مش قادرين نغير حاجة فى الوقت الحاضر وده مش جبن ولا سلبية بس لان مافيش فى ايدنا حاجة نعملها حاليا
وزى ماقلت لصديقى العزيز مورو ده مجرد تذكرة لينا عشان ماننساش ان الحل فى يوم من الايام هايكون بايدينا لما هانبتدى ببيوتنا
وارجو انى ماكنش طولت عليكى
وياريت تبقى معانا على طول فى البلوج
واهلا بيكى
anonymous
اولا شكرا على مرورك
حين يسالك طفل هو لك هذا السؤال لن تمرغ راسك فى الطين لتدارى به ملامحك
فانت لم تقف مكتوف الايدى امام ما يحدث
ربما لم يفعل احد منا مافعله بعض الشباب من اعتصام ومظاهرات ولكننا لم نقف لن نشاهد فى صمت
فتغيير المنكر ليس باليد فقط
تغيير المنكر من الممكن ان يكون باللسان او بالقلب وهذا اضعف الايمان
فمانفعله هنا نوع من انواع التغيير باللسان ان تعلم الناس بما يحدث طريقةمن طرق التغيير
ولن ياتى اليوم الذى نخجل فيه من انفسنا لاننا حاولنا كل على قدر جهده
ومرحبا بك فى بلوجنا واتمنى منك مزيذ من المشاركة معنا
Post a Comment