دي قائمة متواضعة بشوية حاجات نفسي فيها.. يمكن محدش مهتم يعرفها.. بس أديني بأتسلى ع الكيبورد
--------------------------------------
نفسي
أقابل الرسول(صلى الله عليه و سلم).. أشوفه و أسمع صوته.. و الصحابي عمر بن الخطاب.. و سيدنا يوسف كمان
نفسي
أدوق خمر الجنة.. و أواظب على صلاة الفجر.. في جماعة
نفسي
أموت و أنا ساجد.. و لما أموت محدش يبكي عليا كتير.. ولا يعملولي صوان بميكروفونات عالية
نفسي
أعيش في المدينة المنورة
نفسي
أعرف أقرأ أفكار الناس
نفسي
أرمي فيها اللي مش عاجبني في الحياةRecycleBinيبقى عندي
نفسي
ما أكررش نفس الأخطاء مع أولادي
نفسي
أتبهدل من كتر الضحك من قلبي.. لحد ما عينيا تدمع و عضلات وشي تشد و بطني توجعني
نفسي
أشوف يوم في الولية اللي بتفرسني لما بتقوللي.. عفوا رصيدك الحالي لا يكفي لإتمام هذه المكالمة
نفسي
أبطل عصبية.. و أتعلم الدبكة اللبناني.. و أنتظم في الرياضة
نفسي
نفسي ألاقيها بأه
نفسي
أتلهي على عيني و أذاكر عِدِل
كفاية كده المره دي... بس دول يتحققوا بس
moro
8 ليف يور كومنت هير بليز:
انا كمان نفسي
نفسي اقابل الرسول عليه الصلاه والسلام واقابل سيدنا يوسف عليه السلام وسيدنا عمر ابن الخطاب والسيده مريم العزاء
بس خايفه قوي لما هاقبلهم هقول ايه
إن شاء الله نقابلهم في الجنة
ميرسي جدا على تعليقك يا شيماء
البوست ما بقالوش ساعه محطوط... بس حضرتك دايما سباقة
انا كمان نفسي أشوف الرسول (صلي الله عليه و سلم) و أموت في مكه بعد الحج و أدفن هناك و يتصلي عليا في الحرم
نفسي أشوف ربنا..دي أكتر حاجة عايزاها
انت بتقلي حضرتك علي اساس اني عجوز في السبعين من العمر يعني ولا ايه
انا اصلي بحب ادخل المدونه دي
بحس ان الدنيا لسه بخير
والنكد فيها بالكوم
:D
يقطعني
و النبي ما تزعلي يا شيما
تنوري في أي وقت
:D
نفسى اركب شراع واطير .. بعيد عن عيون الناس والكون .. قلبى فى صلاة مستمرة .. ونفسى مطمئنة ..
نفسى احس بالجمال فى روح كل شىء.. والاقى فى قلوب الناس مكان للاحساس ..
نفسى اغمض وافتح الاقى الدنيا فهمت معنى الاخلاق .. وعرفت قيمة الفضيلة
...................
نفسي ارجع سنة اولي كلية
نفسي الزمن يقف عند ليلة في رمضان قبل الفجر بربع ساعة
نفسي
الاقي نفسي اللي لما بلاقيها ما بكونش عارف اني لقيتها و بعدها اعرف اني لقيتها لكن ما اعرفش الاقيها تاني غير صدفة "حد فاهم حاجة"
نفسي
اشوف كل مؤسسي البلوج دة نجوم في عالم الادب
نفسي اقابل احمد فتحي مرة مش مكتئب
شكرا علي اللحظة الانسانية دي
أن دلوقتي نفسي نفضل متجمعين كده إن شاء الله
و آمين يا رب العالمين تستجيب للي الشباب نفسهم فيه
الأمور المنطقية طبعا.... هاهاها
Post a Comment