آخر الليل
قبل آذان الفجر بقليل
وحده في سيارته على طريق صحراوي
مهما زاد من قوة أضواء السيارة .. لا تقدر على تبديد الظلام
يقولون أن تلك الفترة هي أكثر ساعات الليل ظلمة
و كانت أكثرها ظلمةً في حياته
دراسة جامعية ما عاد يطيقها
موقف من التجنيد لم يتحدد بعد
أحلام حُكم عليها بالإعدام
حب مع ايقاف التنفيذ
رغبة ليست فقط في الخروج من البلد... بل الخروج من جلده البشري
مصير مُعطل
مستقبل غامض.. بلا ملامح
اختناق...دموع كالأحجار في عينيه
كان مسرعاً... لكنه هدأ من سرعته حتى تسمح له إحدى شاحنات النقل الثقيل بتخطيها
و لثوانٍ أخدذ يقرأ ما كُتب على المقطورة من الخلف
على اليمين: ياتهدِي
على اليسار: يا تعَدي
و في المنتصف: و في السماء رزقكم و ما توعدون
هنا انصهرت الأحجار في عينيه... و عند أولى استراحات الصحراوي توقف ليتوضأ
moro pianolla
11 ليف يور كومنت هير بليز:
عارف مورو ساعات بحس ان اليل ده حكايه لوحدها كبيره اوى له غموضه الخاص اللى الواحد يخاف من الغموض ده ويعمله الف حساب
حكايه الليل دى بتقلب على الواحد جروح كتير
عارف فى الارياف والقري بيقولو على الليل ده غول كبير
والظاهر ان حياتنا كلها بقت عباره عن ليل هيبلعنا فى يوم من الايام بين ثناياه اللى مالهاش نهايه
اليل ده حياه تانيه
واحسن احساس
لما بتكون اعد مع نفسك بليل
وبتكلم نفسك
بتلاقى الرد على طول
مدونه جميل
هون يا ليل غربتنا وابعد ياليل فرقتنا
انت جبت الحل
ربنا يكرمك ويكرمنا يارب
انت الملاذ الاخير الجأ اليك ربى فأعنى وأغفر لى
شكرا يا مورو على المعزوفه الجميله دى
أحسنت بالوضوء والصلاة
لا تفكر إنو هي مشكلتك بس
كلنا عنا مشاكل ويمكن اعقد الحياة لسا فيها كمان وكمان
الله يوفق
خليك قد الحياة وأقوى منها كمان
انا بعشق الجو دة
ليل
وطريق سفر
تامل
النهاية تحفة ، انا طول القراية بفكر هينهيها ازاي
استمر يا مورو يا جميل يا حساس يا متمكن
بكرة هنتفرج عليك و اعمالك مسمعة في كل مكان
عا الليل واخره يا ولداه
وايش بعد نوح المواويل دا
الليل طويل قوى يا ولداه
للى هواه كان اول داء
عالليل واخره يا ولداه
السفر والطريق ....
فكرتني بزمان .. زمان اوي .. كان في عيلة صغننة .. مش صغننه اوي .. غاويين سفر .. وكل حاجه في الطريق ليها تقاليد .. لو فوق كوبري .. تسمع 3 اصوات مسرسعه بتغني ... احنا فوق والناس تحت .. احنا فوق والناس تحت .. لو جوا نفق .. يبقى احنا تحت والناس فوق ... لو عربية حلوة - في عينيهم البسيطة - معدية .. يبقى الشباك هيتقتح وهيتعمل باي باي لصاحبها وممكن لو حظك حلو يتحدف عليك شوكلاته .. وقت النوم لما التعب بيحل .. تتقاس الكنبة بالشبر - لايـد ضغننه - وتتقسم وماحدش يعدي الخط بتاعه .... يـــاه عن السفر باتكلم
عن الليل ...
يا بنتي ما ينفعش اللي بتعمليه دا , توازن جسمك هيختل ودماغك هتضرب ....... حاضر يابابا
يا بنتي هتتوحدي مع نفسك وهتنعزلي ودماغك هتضرب ...... حاضر يابابا
والله ماانت نايمة دلوقتي ابدا , خليكي كدا لبليل عشان تعدلي يومك .... حاضر يابابا
عن بكرة ... زي نهاية طريق كل ما تقرب منها تلاقيها لسه بعييييده ... لكن ...
وفي السماء رزقكم وما توعدون
يا بتاع البيانولا شديت وتر الذكريات .. تصدق ما طلعش مقطوع ...
يااااه... جسمي قشعر من الإستقبال الجميل ده
anonymous و ابن الشارع
الوحدة بالليل أصعب 1000 مرة من الوحدة الصبح
كلامكم صح الصح
و شكرا جزيييلا لمروركم
metkazy
الحمد لله انها عجبتك و انك وصفتها بمعزوفة... اظن لو شفت حد منكم مكتئب من المستقبل من حقي أبظظ عينيه
ayhm
تعليقك ده حاجه تشرفني.. أنا عاشق سوريا و أهلها و الدراما السوري كمان... المشكلة ان اللي واقعين في مشاكل في الغالب مابيبقاش شايف غير نفسه.. و هنا تكمن المشكلة.. المهم هايفوق امتلى... في وقت مناسب وللا بعد فوات الأوان
نورت المدونه يا أيهم
old metkazy
انت اللي فنان و حساس... الطبخة الحلوه ما يقدرهاش غير شيف شاطر... و أنا راجل هاوي على قد حالي...
أي خدمه أهو.. مظبطكم
jeen
آه يا جيين... انتي عاوزالك بوست لوحدك تقولي فيه الكلام ده... ميرسي كتير لإلِك
غواص
ايه العظمه دي... أنا عارف العائلة دي على فكره... هااهاهاها
انتي كمان كان ممكن تعليقك يكون بوست لوحده
يسلم ذوقك و وتر ذكرياتك
الله يا مورو.., جميلة جدا
حلو اوى الجو اللى انت بتعيشنى فيه ده
الحاجات اللى من القلب دى بتوصل على طووول .. وانت احساسك عالى اوى يا مورو .., الليل ده عشقنا كلنا ..السفر بالليل ..عمر خيرت وانت سايق ..عارف دى من اللحظات اللى الواحد يتمنى ان الزمن يقف فيها ..او ان الطريق ميكونش ليه نهاية ..والواحد يسافر للأبد..بجد شكرا عالجو اللى عيشته للواحد ده
يا خبر... كده هاخد في نفسي مقلب يا جدعان
دا انا غلبااااان
لو بقيت مريض بالبارانويا قريب هاتبقوا انتوا السبب
Interesting site. Useful information. Bookmarked.
»
Post a Comment