هشتكنا وبشتكنا يا ريس
يا قارفنا ومطلع روحنا
يا بارك على كل طموحنا
خليتنا فى احلامنا نشيش
هشتكنا وبشتكنا يا ريس
فى سجونك سبعين مليون
وكلابك ميت شكل ولون
واللى يفكر يبقى نضيف
واللى يحاول يبقى كويس
يبقى اكيد إرهابى خطير
يتبهدل والـكـل يهيص
هشتكنا وبشتكنا يا ريس
وقالك ايه ..قالك آه
قالك شعب يحب بلاه
متبهدل من يوم رمسيس
وفى ايد الحكام بيبوس
وان واحد قالك هنثور
يبقى أكيد راجل مطيور
ويقولو سكران ومهيس
هشتكنا وبشتكنا يا ريس
وقالك ايه.. قالك اه
قالك دى بلدنا منهوبة
حتة بخمسة وخدلك طوبة
ولو عايز تشترى اهرامنا
ادفع اكتر يا ولداه
قالك ايه ..قالك اه
يا زعيمنا يا حاكمنا بعدلك
لو راجل تنزلى لوحدك
وميلاده ده هيبقى طهوره
وهخلى وشه فى قفاه
قالك ايه ..قالك اه
قالك دى بلدنا منصورة
خدنا اخر كاس فى الكورة
سيبك من اللى بيموتو يا عم
مالنا احنا ومال الغم
يا زعيمنا
يا كبيرنا
يا ريس
هشتكنا
وخلينا
نهيص
10 ليف يور كومنت هير بليز:
لم اجد افضل من هذه الابيات من قصيدة أعياد للشاعر احمد مطر
للاحتفال بهذه النكبة العظيمة
قال الراوي:
للناس ثلاثة أعياد
عيد الفطر،
وعيد الأضحى،
والثالث عيد الميلاد.
يأتي الفطر وراء الصوم
ويأتي الأضحى بعد الرجم
ولكنّ الميلاد سيأتي
ساعة إعدام الجلاد.
قيل له : في أي بلاد؟
قال الراوي:
من تونس حتى تـطـوا ن
من صنعاء إلى عمّان
من مكة حتى بغداد
قُتل الراوي.
لكنّ الراوي يا موتى
علمكم سر الميلاد.
وان شاء الله يكون يوم عيدنا يوم
ماتتحرر البلاد من الظلم والاستعباد
يوم مايكون لينا الحرية نقول لأ واه
من غير سجن ولا اعتقالات
يوم ما الظالم يندم عاللى فات
يوم ماهنبطل سكات
والله انا خايف الراجل ده و اللي حواليه ده يخشوا الجنه على حس شتايم الشعب فيهم
....
أرجع و أقول إن الله يهدي من يشاء...أنا مش كسبان حاجه من دخولهم النار أو الجنة... و معنديش أكتر من اللي قاله ربنا في كتابه::...... و الذين إذا أصابتهم مصيبة قالوا حسبنا الله و نعم الوكيل...
و كلته في أمري و أمر اللي واكل حقي
هشتكنا وبشتكنا يا ريس
يا قارفنا ومطلع روحنا
يا بارك على كل طموحنا
خليتنا فى احلامنا نشيش
كل سنه وانت 000000
اخلاقى ماتسمحش اقولهالك
ربنا قادر على كل شىء
معلش سؤال اخير هو عزرائيل مشغول فى ايه اليومين دول
حد يرن عليه
شكرا مارو على ابيات العظيم دائما أحمد مطر ..,وبقولك انها نكبة عظيمة فعلا..
ويا مورو أكيد مش هيشوف الجنة ولا هيشم ريحتها حتى .., شوف ظلم كام واحد فى البلد دى ..,واضربه فى كام سنة فى النار ..,هتلاقى ان الناس كلها لو دخلت النار فترة واحدة ..,ده هيدخل ماتينيه وسواريه ..,ومش هيطلع منها لا هوه ولا عيلته ..,انت عايزه يتمتع دنيا واخره ولا ايه ؟
ويا متكاظى عزرائيل منسيش ولا حاجة ..,بس لسه امره مجاش ..,وساعته مجتش .,اكيد ربنا سايبه علشان يختمها ختمة سوده على راسه هوه وبتوع الحزب الوطنى كلهم ..,ليهم قسم فى النار مخصوص علشانهم ..,اشعال ذاتى وقابلية للانفجار من وقت لاخر..
عقبال ميت سنه يا حبيب الملايين
الهي تقع علي راسك طوبه تجيب اجلك قادر يا كريم ونخلص بقي
هتلاقى ان الناس كلها لو دخلت النار فترة واحدة ..,ده هيدخل ماتينيه وسواريه ..,ومش هيطلع منها لا هوه ولا عيلته ..,انت عايزه يتمتع دنيا واخره ولا ايه ؟
هههه
حلوة
القصيده والتعليق .. الاتنين احلي من بعض
الهى يا رب تقع الطوبة دى يا شيمو .., والله هنعلمها نصب تذكارى ..,ومش بعيد تبقى الصخرة المقدسة ..
شكرا يا ادم على تعليقك الجميل
عزيزى الأخ metkazy
تحياتى . إيه يا عم الجمال ده . يا أخى إنت خلتنى عمال أرقص على أنغام هشتكة الريس . بس انا زعلان منك أوى . مش بيقولوا إللى يا كل لوحده يزور .
إذن يصح كده ترقص الريس لوحدك ؟
مش تشركنى معاك عشان ارقصه أنا كمان شويه يا أخى ؟
ههههههههههههههه :))))
والله العظيم دى ناس معندهاش دم
إللى إختشوا ماتوا ودول لسه عايشين
كان نفسى أساعد وياكم لكن هعمل إيه بقى . والله منا عارف بتعملوا المواقع دى إزاى . برافو عليك يا عسل
أحمد حمدى المحله الكبرى
خريج هندسه دفعة 94 ولغاية دلوقتى شغلى من هنا لهنا على باب الله . يعنى مش عارف أقول الناس انا بشتغل إيه.
Post a Comment