اس اس.. السلام عليكم
بصراحه أنا مش غاوي أظهر في صورة بتاع البيانوللا في البلوج ده .. بس بصراحه مؤخرا الكلام في السياسه أكل الجو.. الوعي السياسي مهم.. بس برضه روحوا القلوب ولو ساعه.. فإنها تمل كمل تمل الأبدان.. و بكره أهريكم سياسه.. بس لما أحس إن الوقت مناسب خلينا نفك شويه كده مع حبة مزيكا
بتاع البيانوللا moro
---------------------------------------------------------------------------------
ثومة..حليم.. علي الحجار.. كاظم.. نانسي.. اليسا.. ريكي أبو مارتن..سيلين ديون.. و طبعا بيتهوفن و موزارت
و عمر خيرت باشا
..
بنسمعهم ليه؟؟ أكيد مش عاوزه فكاكه.. عشان بنستكنيص و بننبسط لما بنسمعهم
بس السؤال... هل بنحب نسمعهم لما نحس اننا متضايقين؟؟
أكيد ..دا كمان في ناس ليها أغاني محدده تحب تسمعها في حالات محدده
و يبقى عندها لكل حالة أغنية
الخبيرة النفسية ليزا كوفالوفيتش بتقول : " يمكنك التخلص من التوتر والقلق أو إرهاق يوم عمل شاق، بأن تجمع موسيقاك وأغانيك المفضلة على كاسيت أو سي دي . فالموسيقى المفضلة تجعل الإنسان يتخلص من معاناته ويشعر بنشاط أكبر وتدفعه للقيام بأعماله في سعادة".
فلو اتبعت نصيحة كوفالوفيتش واشتريت كاسيت أو سي دي فاضي.. ايه هي الأغاني والموسيقى اللي
فلو اتبعت نصيحة كوفالوفيتش واشتريت كاسيت أو سي دي فاضي.. ايه هي الأغاني والموسيقى اللي
هاتختارها؟؟
مستني دندناتكم :)
مصدر المعلومة:: موقع عشرينات
5 ليف يور كومنت هير بليز:
لو كده انا مش هعمل سي دي انا هعمل مكتبه سيدهات
وحياتكو انا بسمع كل حاجه من اول نهج البرده لحد الباشا شعبولا
بس راي ان كل مود وليه مزيكته
يعني لو كئيب وعاوز تفرفش تسمع اي حاجه خفيفه تفوقك و لو عاوز تذداد كئابه اديهاا موشحات علي شاكله ضحيت هنايا فداه والبؤساء في الارض
بس بما اني اليومين دول في مود مش معروف ليه اسم فا هعمل سي دي عباره عن شويه لعمر خيرت وشويه لياني وحبه من جورج زامفير وعليهم اغنيه مجنون لوسط البلد ومجموعه من اغاني علي الحجار زي لما الشتا يدق البيبان وعارفه واغنيه لالي لالي وطال السفر لا انغام
وكفايه كده هعمل سي دي تاني واجي اغنيهلكو هنا
حلوه أوي موود مش معروف دي... بتاخدي الكلام من على طرطوفة لساني.... ممكن تحرقيلي معاكي سيديهايه :)
الملك هو الملك لمنير
هو ده اللى بسمعه اليومين دول
شرم برم...عطشان..موال الصبر...الخ
تخيلوا نجم ومنير مع بعض
مش ينفع لازم تسمعوا
خليني أفكر كده...
مممممممم
شوف يا سيدي، هو انا كده حجمع حاجات ملهاش علاقة ببعضها، لإن أنا مش بسمع لون واحد، يعني حتلاقي أغنية شعبية، ممكن جديدة أو من أغاني عدوية القديمة، وجنبها موسيقى كلاسيك جيتار، وعمرو دياب "آخر ألبوم أيا كان حلو أو وحش"، وممكن معاهم تقاسيم شرقي لآلات موسيقيةوتواشيح دينية، وممكن أغاني بعد كده لأي مطرب بس أكون بحبها.
أنا معنديش حاجة واحدة بحبها، أنا بسمع اللحن أيا كان صاحبه .
Looking for information and found it at this great site... penis enlargment Blowjobs withice penis facts skin irritation on penis all about penis regular size electric shock roulette Us traveler home insurance acuvue bifocal contact lens Swimwear male thong erect penis picture Debt buyer software
Post a Comment