الفتوى

اول مره احس انى مفترى وشرير

فبعد ما اظهرت غضبى وخنقتى من مفتى الديار المصريه على جمعه بعد ان نسبت اليه فتوى اباح فيها الصلاه لراقصة الباليه وهى لابسه لبس الرقص_اللى طبعا مش شفاف ولا عريان وعلى اساس ان الراقصه مؤمنه ويتقبلها صلاه_اكتشفت ضآلة تفكيرى كمتكاظى وانى ما بفهمش فى الدين بعد ان علمت ليه المفتى افتى الفتوى دى

اكيد شاف الصوره دى

الدنيا هيك و مش هيك

مره هيك و مره هيك

نحنا اللي بنخربط فيها

و نحنا اللي بنعملها هيك

(تراث لبناني)

ليه أجمل أحساس بالوحدة
بنعيشة الصبح
مع أن الوحدة لعينة أنما
مش كلها قبح
ساعات بتكون حاجة جميله
مليانه هدوء
علشان كده بنحب نعيشها
بالذات الصبح
و عـجـبى

اللهم قوى ايمانك

فى ذكرى وفاة العظيم أحمد زكى مش عارف ليه لما شفت الصوره دى افتكرت المشهد اللى عمله مع ليلى علوىفى فيلم اضحك الصوره تطلع حلوه لما كانت بتقوله:انا حجيت سبع مرات

فرد عليها بطيبه: انتى حجيتى سبع مرات؟ فقالتله انا كنت بطلع انشل بس اخر حجه كانت توبه نصوحه0

السؤال هنا :تفتكروا ليلى علوى هى الوحيده اللى كانت بتطلع تنشل؟؟؟؟؟؟؟؟؟؟؟؟؟
السؤال التانى:تفتكر حبيب الملايين كان بيدعى بيقول ايه؟ هديكم اختيارات

ربنا يهدى سرك يا جيمى وتجيب ثمن الشقه اللى فى اسكندريه و تفتحها على شقة اسوان

ربنا يشفيك يا شارون وياخدك يا نجاد

اللهم ماديمها فوضى واحفظها من النظام

ربنا يفك سجنك يا تامر انت وهيثم شاكر

ترسل الاجابات على قصر الحاج ممدوح اسماعيل لندن البلد

(ودى صورة جديدة من صور التع......(التعظيم للرئيس مبارك

فيلم الموسم

قول مأثور جديد

ان لم تكن فى البيداء فأعلم صديقى ان الجمل ممحون

انا

بيت اسامه برده

ENT قبل امتحان

قولى يا عمو

بابا و ماما نزلوا تحت
و عمو جمال خطب العروسه
عمل الفرح وعزف التخت
وجتتهم فى بطن القرش محبوسه


وعمو صاحب العباره
سافر و طلع لى لسانه
قالولى عنده حصانه
واللى عنده حصانه
يغرق الناس فى البحر
ويكويهم بنار القهر
ويبكى العيون
ويحرق القلوب
اصل الضماير ميته
ومش فارقه معاها ذنوب
و بطن القرش واسعه
تاكل من الغلابه كتير
سؤال يا عمو أخير
هو ليه القرش مابياكلش الحمييير؟؟؟؟

المصباح السحري

مش أنا لقيت مصباح علاء الدين؟!؟

أوام دعكته.. طلع لي جـِني قاللي ليك طـَلـَبين

قلتله:

الأولى عربية شيك و فيللا بدورين

و التانية حلم.. يا ريت يتم بدِبلتين

ضحك الجني .. و قال يا حِزني

الحال من بعضه يا نور العين

!!!!

يا ترى مين فينا الحمار ؟

مين فينا الحمار ؟
أنـــــــــــا ولا أنت ؟
العربى السرحان فى الشات ؟
ولا العربى الشحات ؟
العربى أبو كرشين بترول ؟
ولا العربى المسطول ؟
الــــــكل حميـــــــــــــر

إركب يا رئيس
اركب يا أمير
اركب يا وزير

الكل هيركب
حتى انت هتركب يابن الكلب
أصلك أمريكى وحقك عالراس
!واحنا هندّاس
!ونبوس النيلة بين رجليك

ما انت اسرنـــــــا

!ونقولك شبيك لبيك

اركب فى حميييرنا

(فؤش)

هوه ده الوعى المصرى

عارفين مين دوول؟
..دول اللى بيحمو مصر من الارهاب
..بيحمو مصر من الجووع
..بيحمو مصر من ولادها ..المصريين ولاد الكلب
..بيحمو مصر من أى حد ..بيحبها
..بيحمو مصر من أى حد يفكر ..إنه يفكر

احنا....

إجابة عن السؤال الرائع: احنا بنعيش عشان نتكاظى وللا العكس.... الإجابة من رأيي هي

في زماننا ده.....(( إحنا بنتكاظا عشان نعيش))...و اللي يقول ليه.... أقوللو صحي النوم يا بيه

عباره

قبل ما ترمينى فى بحورك
قبل ما ترمينى فى بحورك
ما كنت تعلمنى العووووووووووم

حسبى الله ونعم الوكيل

ان لم تستحى فأفعل ما شئت

اقوال مأثوره

المكاظيه ليست هدف بل أسلوب حياه
احمد فتحى
بيت أسامه
قبل امتحان الكومينوتى

الى تلك التى ملكت القلب ورحلت

كنت جالسا على تلك الكافيتريا الملحقة بصالة الأفراح بمدينتنا الصغيرة ,كانت الأنوار الملونة تنتهك حرمة سواد الليل البارد في ذلك الشتاء العقيم,الدم يتجمد في العروق,أرشف من فنجان القهوة الموضوع أمامي في طبق من الصيني محاطا بمنديل ورق ملفوفا بطريقه توحي بأهمية المكان,كان مدخل قاعة الأفراح جاثما أمامي0
أشعر أنه ينظر إلى وأنا أنظر له يعرفني و أعرفه كان طفلا مرتديا حله سوداء وببيونه حمراء اللون مصففا شعره على جنب يلهو ويجرى بعد أن ترك النظر إلى,ربما لم يجد في ما يثيره.انهمك بالجري وراء تلك الطفلة ذات الوجه الملائكي والفستان الأبيض المزكرش الواسع تشبه سندريلا أو أميرات أوروبا في العصور الوسطى

صاح ولد آخر لهما (العريس والعروسه وصلوا)جرى الأطفال نحو تلك السيارة المزينة بالورود,هبط العريس متأنقا مبتسما وظهرت هي كضياء القمر,كأحد آلهة الإغريق التي تنثر الخير وتمنح السعادة لمحبيها,تلك الساحرة التي تلمس الكون بعصاها فتحيله ورودا وبساتين خضراء,نظرت إليها وهى تعبر مدخل الغرفه التي تقام بها مسابقة الطالب المثالي ,لم اعرف كم مضى من الوقت لكنى لم أفق إلا على صوت المدرس المشرف على المسابقة
خد الشكولاته يا حبيبي)كنت لا أزال في العاشرة من عمري ,نظر المدرس إلى منتظرا أن أمد يدي ,كانت قد مرت بجانبي ولا أعرف هل جلست وراءى؟؟هل تراني؟ )
كنت لا أريد أن اظهر طفلا أمامها تلك التي سرقت قلبي منذ دقيقه.

(شكرا يا أستاذ مش عايز)
نظر إلى الأستاذ مبتسما(ما تخافش سنانك مش هتبوظ من حته واحده..ولا أنت خايف مامتك تضربك؟؟) (يا نهار أسود )قلت ذلك في نفسي,يا ترى هل سمعت ما قاله هذا المدرس اللعين,كنت امتلأ غيظا وأردت أن افتك به (شكرا ما بحبهاش)قلتها وصوتي يكاد أن يبكى ,ابتسم المدرس وتر كنى وذهب....
يا ترى سمعته؟؟ ظللت اسأل نفسى0

مبرووك..ألف مبروك)كان يقولها المهنئون ,كنت أراقب ردة الأفعال على خلجات وجهها الجميل,كانت تشعر بالسعادة ,واضحة في ملامحها كنت سعيد لسعادتها0 )

شعرت بالتعاسة رغم إنني انتقلت إلي التصفية التالية في المسابقة ,إلا إنني لم أرها هناك,يا ليتها نجحت,تساءلت بمنطقي الطفولى (معقولة هي ماتنجحش والبنت الغلسه دى تنجح).حيث كان من المفترض أن يصعد إلى كل تصفيه ولد وبنت ,كنت أتمنى أن تكون هي تلك التي لا أعرف اسمها حتى الآن ,ولكنى لم أجد إلا تلك البنت الغلسه0
(يا نجمه كل ما ضيها يلمس حجر يعلى ويتحول قمر)
كانت أغنية محمد منير تلك التي يتراقص عليها العروسان,ينطفئ نور القاعة ,لاتبقى إلا الأنوار الهادئة المناسبة لتلك الرقصة الرومانسية
(برسم حروف أسمك بحبات الندى على كل أوراق الشجر)
كنت أستمع إليها أثناء دراستي في المرحلة الثانوية,أراها ناظره إلى بعيونها الساحرة,أتخيلها كأحد الحوريات ,شعرها يرسله النسيم يتطاير على قلوب البشر ليصبحوا أسرى لهواها .
كنت قد علمت أسمها (لم تعرف أسمى غالبا),كنت أنظر إليها(نظره من عيناها ..تكفى لمعرفة سر الخلود)أنسى العالم عندما تظهر ,تختفي الأشياء ,لا يظهر سواها في الكادر ,كاميرا الحياة تأخذ كلوز على وجهها,أسجل السيناريو على أشرطة ذكرياتي,استرجعه على أنغام تلك الاغنيه0

كم كرهت تلك الحياة التي حرمتني حتى من رؤيتك,لم أراك إلا مرات معدودة منذ دراستي في تلك المدينة البعيدة عن هنا

ترى هل يحبك؟؟؟ تبدين سعيده في فستان زفافك, يبدو سعيدا, نعم لابد أن يكون كذلك000

(الحساب يا أستاذ)
(خلى الباقي علشانك)

انسحب في بطء ناظرا إليك وأنت تضحكين ,تلوحين إلى أصدقائك,المح دمعه تترقرق من عينيك وأنت تودعين والدتك,أشعر بدمعه ساخنة تتساقط على وجهي

أخرج إلى الطريق ..اسحب قدماي..أسمع السكون..الهواء البارد يشعرني بقشعريرة ..بداية سقوط المطر تشعرني بالأمان0

المتكاظى للأبد

ازيكو يا جماعة..

حبيبى وصديقى متكاظى .., عرفكم يعنى ايه مكاظية .., الاول انا عايز اقول احنا عاملين البلوج دى ليه ؟

بما اننا شباب متكاظى ,وتعبانين فى حياتنا , ومش عارفين احنا بنتكاظى ليه ؟!! .., ولا لصالح مين ؟!!

قررنا نشوف مكان نطلع فيه كل اللى جوانا .., ونوريه لاى حد تانى شايف انه متكاظى زينا .., ومش بعيد نعمل مجموعة كبيرة للمكاظية .., وشوية وممكن نعمل حزب المكاظيو ويكون لينا الحق السياسى اننا نعبر عن اللى جوانا .., ومش هقولكم بقى اننا لو بقينا حزب ساعتها ممكن نختار واحد يرشح نفسه فى انتخابات الرئاسة والوكاسة .., واحتمال كبيير ان الشعب المتكاظى (زينا طبعا ) يقف ورانا احنا المتكاظين .., علشان نعمل ....نعمل ايه بقى .....نعمل وفد كبيير مننا يقابل الخديو ويحاول يقنعه بمطالب الشعب .., انا كنت بهزر .., البلوج ده ملوش علاقة بالكلام اللى انا قلته (يمكن يكون متراقب هو كمان )., احنا شباب زى اى حد فى مصر دلوقتى .., نفسه يعيش .., نفسه يحب ويتحب .., نفسه يتعلم حاجة بجد .., بنحب نقرى .., ساعات بنكتب.., اكيد تعبنا فى حياتنا (علشان كدة بقينا متكاظين ) واكيد حاجات كتيير اوى مش عجبانا ونفسنا نغيرها .., البلوج ده لينا .., ولغيرنا .., اى حد عايز يكتب اللى هوه حاسس بيه .., يبعته معانا (ميخافش هننشره من غير رقابة ونتبعت احنا مش مهم ) ..,أى حد شايف انه متكاظى زينا وعايز يفضفض .., مش هتلاقى مكان احسن من هنا .., احنا عبارة عن ودان كبيرة .., كل وظيفتها انها تسمع حضرتك (شايف الذوق ) ..

وبما انكم عارفين ان المكاظية مجالها واسع فأى حد من اللى انا هقولهم دول يشرفنا انه ييجى معانا :

لو زهقان وطهقان من دنيتك (بلوج متكاظى )

لو فرحان زيادة عن اللزوم (بلوج متكاظى )

لو عايز تتجوز وابوها مش راضى (بلوج متكاظى )

لو زهقان من المذاكرة (بلوج متكاظى )

لو مبتذاكرش خالص (بلوج متكاظى )

لو حاسس انك ملكش لازمة فى دنيتك وانك عالة (بلوج متكاظى )

لو انت مصرى (بلوج متكاظى )

لو انت مش مصرى (بلوج متكاظى )

لو بتتكلم فى السياسة (بلوج متكاظى )

لو عندك موضوع حلو وعايز حد يقراه (بلوج متكاظى )

لو عايز تقرى كلام شباب زيك وتشوف بيفكرو ازاى (بلوج متكاظى )

لو بتحب نانسى عجرم (بلوج متكاظى يرحب بيك )

وبالمناسبة صحيح .., لو فيه بنت بالصدفة كانت تايهة ,وغلطت ودخلت البلوج .., فاحنا بنرحب بيها معانا .., البلوج ده لأى متكاظى ..,حتى لو كانت بنت .., احنا مبنعملش حاجة عيب .., المكاظية شرف .., المكاظية امانة فى رقبتنا كلنا .., المكاظية حركة شاملة .., المكاظية فى دمنا (هاى هى ) .., وعلشان كدة يشرفنا ان اى حد ييجى معانا

فى النهاية انا بحزركم جميعا .., احنا مجانين .., ومبيهمناش حاجة فى الدنيا دى فى سبيل مكاظيتنا ..

وفى النهاية بحب اسأل السؤال الأبدى اللى فى دماغنا كلنا :

هوه احنا بنعيش علشان نتكاظى ؟!! .., ولا بنتكاظى علشان نعيش ؟!!

من هو المتكاظى؟

حتى الان لا نعرف من اين اتينا بهذا للاسم ولا موطنه الاصلى ايه بس كل الحكايه ان فيه شباب كتير زينا حسوا بالاسم
حاولنا انا و زمايلى من نادى المتكاظين نعرف الاسم فشلنا بس حسينا ان الى عايز يعرف هو متكاظى ولا لا
هيحس
هيعرف
لما يرقص ع السلم
لما ما تعرفش تاخد حقك من حد
لما ما تعرفش تبنى مستقبل بلدك فى ظل وجود الحراميه
لما البت بتاعتك تطنشك وتروح للى معاه لحاليح ومفاتيح عربيه
لما تخبط فى السكك ومش عارف رايح على فين
اذن المكاظيه هى كلمه شامله جامعه مطاطه تستوعب الكثير

لو حسيت انك متكاظى انضم الينا وقول حستها ازاى؟
عايزين نعرف؟